১ শমূয়েল 4:21 - Chakma Bible

²¹ গোজেনর্ সুন্দুক্কো শত্রুগুনোর আঢত্‌ যানার কারণে আর তা নেক্কো আর শুয়োর্‌‌বো মারা যানার কারণে তে কলঅ, “ইস্রায়েলীয়গুনোর বাঈনী গরানাগান্ গেলগোই।” সেনত্যেই তে পূঅবোর নাঙান রাগেল ঈখাবোদ।

১ শমূয়েল 4:21 Iomraidhean Croise

গীতসংহিতা 106:20

তারার্ বাঈনীবলা গোজেনরে ফেলেইনে তারা ঘাস হেইয়্যে গোরুর মূত্তিবোরে মানি নেযেলাক্।

গীতসংহিতা 26:8

ও লগেপ্রভু, যে ঘরত্ তুই বজত্তি গরচ্, তর্ মহিমাগান্ যিয়েনত্ থায়, সে জাগায়ান মুই কোচ্‌‌পাং।

গীতসংহিতা 78:61

তা খেমতার চিহ্নোগান তে বন্দীদজাত্ পাদেল; তা মহিমার চিহ্নোগান তা শত্রুগুনো আদত্ দিলো।

গীতসংহিতা 78:64

তলোয়ারানিত্ তারার ধর্মগুরুগুনে মুরি গেলাক্; তারার রানিমিলেগুনে আবিলেচ্ গুরি ন-পারিলাক্।

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

আবিলেচ্ 2:1

হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

১ শমূয়েল 14:3

আর তারা ভিদিরে অহিয় এলঅ, যিবের্‌ কিয়্যেত্‌ এফোদ এলঅ। অহিয় অহীটুবর পূঅ এলঅ, অহীটুবে ঈখাবোদর ভেই এলঅ, ঈখাবোদে পীনহসর পূঅ এলঅ আর পীনহসে এলির পূঅ এলঅ; এলি শীলোদত্‌ লগেপ্রভুর ধর্মগুরু এলঅ। যোনাথনে যে নিগিলি যেইয়্যে সিয়েন কনজনে হবর্ ন-পেদাক্।

১ শমূয়েল 2:34

তর্‌ দ্বিবে পূঅ হফ্‌নি আর পীনহস একই দিনোত্‌ মুরি যেবাক্, আর সিয়েনই অবঅ তত্তে এক্কান চিহ্নো।

১ শমূয়েল 3:12

মুই এলির বংশর পৌইদ্যেনে যিয়েনি কঙর্‌ সিয়েনির পোইল্যেত্তুন ধুরি যেরেন্দি সং বেক্কানিই এলির বিরুদ্ধে পূরোণ গুরিম।

১ শমূয়েল 4:11

গোজেনর সাক্ষ্য-সুন্দুক্কো শত্রুগুনে নেযেলাক্। এলির দ্বিবে পূঅ হফ্‌নি আর পীনহসে মারা পড়িলাক্।

১ শমূয়েল 4:22

তে কলঅ, “ইস্রায়েলীয়গুনোর বাঈনী গরানাগান্ গেলগোই, কিত্যে গোজেনর সুন্দুক্কো শত্রুগুনোর আঢত্‌ যেইয়্যে।”