১ শমূয়েল 4:17 - Chakma Bible

¹⁷ যে মানুচ্চো হবর্ আন্যে তে সেক্কে কলঅ, “পলেষ্টীয়গুনোর মুজুঙোত্তুন ইস্রায়েলীয়গুনে ধেই যেইয়োন আর বোউত্‌ মানুচ্‌ মারা পোজ্যন। তর্‌ দ্বিবে পূঅ হফ্‌নি আর পীনহসেও মুরি যেইয়্যে আর গোজেনর সুন্দুক্কো শত্রুগুনে নেযেয়োন।”

১ শমূয়েল 4:17 Iomraidhean Croise

গীতসংহিতা 78:61

তা খেমতার চিহ্নোগান তে বন্দীদজাত্ পাদেল; তা মহিমার চিহ্নোগান তা শত্রুগুনো আদত্ দিলো।

গীতসংহিতা 78:64

তলোয়ারানিত্ তারার ধর্মগুরুগুনে মুরি গেলাক্; তারার রানিমিলেগুনে আবিলেচ্ গুরি ন-পারিলাক্।

১ শমূয়েল 2:34

তর্‌ দ্বিবে পূঅ হফ্‌নি আর পীনহস একই দিনোত্‌ মুরি যেবাক্, আর সিয়েনই অবঅ তত্তে এক্কান চিহ্নো।

১ শমূয়েল 3:11

লগেপ্রভু শমূয়েলরে কলঅ, “চাহ্, মুই ইস্রায়েলীয়গুনো ভিদিরে এন্‌ এক্কান গুরিবাত্তে যাঙর্‌ যিয়েনর কধা শুনিনে বেক্কুনে গির্‌গিরে উদিবাক্।

১ শমূয়েল 3:12

মুই এলির বংশর পৌইদ্যেনে যিয়েনি কঙর্‌ সিয়েনির পোইল্যেত্তুন ধুরি যেরেন্দি সং বেক্কানিই এলির বিরুদ্ধে পূরোণ গুরিম।

১ শমূয়েল 4:16

মানুচ্চো এলিরে কলঅ, “মুই সৈন্যদলত্তুন্ এচ্ছোং, এচ্চ্যে ধেই এচ্ছোং।” এলি পুযোর্ গুরিলো, “বাবা, কি হবর্?”

১ শমূয়েল 4:18

গোজেনর্ সাক্ষ্য-সুন্দুগোর কধা শুনোনার লগে লগে এলি গেদো কুরে তার আসনানত্তুন্ পিজেন্দি পড়ি গেলঅ। সেক্কে তার আড়ুন ভাঙি যেইনে তে মুরি গেলঅ, কিত্যে তে বুড়ো ওই যেইয়্যে আর তার কিয়্যেগান ঘুয়োর্‌ এলঅ। তে চোল্লিশ বজর ইস্রায়েলীয়গুনোরে শাজন্ গোজ্যে।