১ শমূয়েল 30:16 - Chakma Bible

¹⁶ পরেন্দি তে দায়ূদোরে সে দল ইদু নেযেল। তারা সেক্কে এক্কো মাদ ভিদিরে ছিদি পোজ্যন্‌ আর হানা-দানা গোজ্যন্‌ আর মদ খেইনে ফুত্তি গোজ্যন্‌, কিত্যে পলেষ্টীয়গুনোর দেজ্‌চান আর যিহূদা চাগালাত্তুন্‌ তারা বোউত্‌ পযাপিরা লুদেইনে আন্যন্‌।

১ শমূয়েল 30:16 Iomraidhean Croise

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

১ বংশধর 4:43

আগেন্দি অমালেকীয়গুনোর কিজু মানুচ্‌ সেয়ীরোত্‌ ধেই এইনে সিদু বজত্তি গুরিলাক্‌। শিমিয়োনীগুনোর সে মানুচ্চুনোরে মারে ফেলেইনে সিদু বজত্তি গরা ধুরিলাক্‌। শিমিয়োনীয়গুনে সে মানুচ্চুনোরে মারে ফেলেইনে সিদু বজত্তি গরা ধুরিলাক্‌। এজঅ সং তারা সিদু বজত্তি গত্তন্‌।

ইয়োব 20:5

শদানুনোর্‌ রঙ্গ-ফুত্তি কানক্কণ্‌। গোজেন উগুরে ভোক্তি নেইয়্যেগুনোর হুজিগান্ বানা কানক্কণত্তে থায়;

গীতসংহিতা 119:162

যুদ্ধোত্ পেইয়্যে পযাপিরালোই মান্‌জ্যে যেবাবোত্যে হুজি অন, ঠিগ্ সেধোক্ক্যেন তর্ এগেমানিত্তে মুই হুজি অং।

যাত্রা 32:6

তার্‌ কেল্যে মানুচ্চুনে বেন্যেপোত্যে উদিনে পুজ্যে-উৎসর্ব আর উদোলোলি-উৎসর্বর অনুষ্ঠান্‌ গুরিলাক্। সে পরেন্দি তারা হানা-দানা গুরিবাত্তে বঝিলাক্‌ আর পরেন্দি রঅ রঅ গুরিনে ফুত্তি গুরিবাত্তে উদিলাক্‌।

যিশাইয় 22:13

মাত্তর্ চঅ, সিয়েনত্ রঙ্গ ফুত্তি আর রঅ রঅ ছঅ ছঅ চলের্, আর গোরু ভেড়া কাবিনে আহ্ য়েরা আর আংগুর-রস হানা চলের্। তুমি কত্তে, “এজঅ, আমি হানা-দানা গুরিই, কিত্তে কেল্যে আমি মুরি যেবং।”

যিশাইয় 9:3

তুই সেই জাদ্‌তোরে দাঙর্ গুরিবে‌ আর তারার্ হুজিগানি বাড়েই দিবে; খেত্-খেত্তি কাবিবার অক্তত্ মান্‌জ্যে যেধোক্ক্যেন্ ফুত্তি গরন্, লুদেয়্যে মাল ভাগ্ গুরিবার অক্তত্ যেধোক্ক্যেন্ ফুত্তি গরন্, সেধোক্ক্যেন্ গুরি তারা তঅ মুজুঙোত্ ফুত্তি গুরিবাক্।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

যিহোশূয় 22:8

“তমার বোউত্‌ ধন-সোম্বোত্তি ওইয়্যে, যেন এ্যমানর দাঙর্‌ দাঙর্‌ পাল্‌, সনা, রূবো, পিদোল, লুয়ো আর বোউত্‌ কাবড়-চুগোর্‌। ইয়েনি নেযেইনে এবেরা তুমি তমা ঘরত্‌ ফিরি যঅ। তমা শত্রুগুনোত্তুন্‌ লুদেয়্যে এ বেক্‌ জিনিস্‌চানি তুমি তমার ভেইয়ুনো সমারে ভাগ গুরি নেযেয়ো।”

বিচের গুরিয়্যেগুন 8:11

নোবহ আর যগ্‌বিহেরর পূগেন্দি তাম্বুলত থেইয়্যে মানুচ্চুনোর পথ্‌তান ধুরিনে গিদিয়োনে অদাতৎ যেইনে সেই সৈন্যদলুনো উগুরে ঝাবেই পড়িলো। সেক্কে তারা চিদেচজ্জা নেইয়্যে গুরি এলাক্‌।

১ শমূয়েল 30:14

আমি নেগেভত্‌ করেথীয়গুনোর চাগালাত্‌, যিহূদা চাগালাত আর কালেব চাগালাত্‌ লুদেবাত্তে যেইয়্যেই আর সিক্লগ আগুন্দোই পুড়ি ফেলেই দিয়্যে।”

১ শমূয়েল 30:15

দায়ূদে কলঅ, “সেই লুদেয়্যেগুনো ইদু কি তুই মরে নেযেই পারিবে?” জোবত্‌ তে কলঅ, “তুই গোজেনর্‌ নাঙে শমক্‌ খেইনে কঅ, তুই মরে মারেয়ো ন-ফেলেবে বা মঅ গিরোজ্‌সোর্‌ আঢত্‌ তুলিয়ো ন-দিবে। সালে মুই তরে তারার্‌ ইদু নেযেম্‌।”