১ শমূয়েল 3:7 - Chakma Bible

⁷ সেক্কেয়ো শমূয়েলে লগেপ্রভুরে ন-চিনিদো; লগেপ্রভু সেক্কেয়ো তাইদু কধা ন-কয়।

১ শমূয়েল 3:7 Iomraidhean Croise

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

১ করিন্হীয় 13:11

মুই যেক্কে চিগোন চিজি এলুং সেক্কে চিগোন চিজি ধোক্ক্যেন কধা কদুং, চিগোন চিজি ধোক্ক্যেন চিন্তে গত্তুং আর চিগোন চিজি ধোক্ক্যেন বিচের্‌‌অ গত্তুং। ইক্কিনে মর্ বয়চ্ ওইয়্যে, সেনত্তে চিগোন্ চিজির আচার-বেবহারানি বাদ্ দুয়োং।

১ শমূয়েল 3:6

লগেপ্রভু আরঅ শমূয়েলরে ডাগিলো সেক্কে শমূয়েলে উদিনে এলি ইদু যেইনে কলঅ, “এইয়্যে দঅ মুই; তুই কি মরে ডাক্কোচ্‌?” এলি কলদে, “না বাবা, মুই তরে ন-ডাগং। তুই যেইনে ঘুমোত্‌ পড়।”

১ শমূয়েল 3:8

লগেপ্রভু তিনবার শমূয়েলরে ডাগিলো আর শমূয়েলে উদিনে এলি ইদু যেইনে কলঅ, “এইয়্যে দঅ মুই, তুই দঅ মরে ডাক্কোচ্ছে।” সেক্কে এলি বুঝি পারিলোদে লগেপ্রভুই পূঅবোরে ডাক্কেদে।