১ শমূয়েল 3:19 - Chakma Bible

¹⁹ এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।

১ শমূয়েল 3:19 Iomraidhean Croise

পত্থম 21:22

সে অক্তত্‌ অবীমেলক আর তার বেগঅ দাঙর্‌ সেনাপতি ফীখোলে অব্রাহাম ইধু এইনে কলঅ, “দেগা যাত্তে, তর্‌ বেক্‌ কামানির ভিদিরেদি গোজেনে তঅ সমারে আঘে।

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

পত্থম 39:2

লগেপ্রভু যোষেফ লগে লগে এলঅ। সেনত্তে তে বেগ্‌ কামানি গমে-ডালে গুরি পাজ্যে। তারে তা মিসরীয় গিরোজ ঘরত্‌ রাগা ওইয়্যে।

পত্থম 39:3

লগেপ্রভু যে তা লগে লগে এলঅ আর তা আদে বেক্‌ কামানি গমে-ডালে গরের্ সিয়েন্‌ তা গিরোজ্‌সো দেগিলো।

১ রাজাবলী 8:56

“ধন্য লগেপ্রভু, যিবে তার শমক্ অনুসারে তা মানুচ্‌ ইস্রায়েলীয়গুনোরে জিরেবাত্তে দিয়্যে। তা চাগর্‌ মোশিরে দিইনে তে যেদক্কানি ভালেদি গুরিবার শমক্ গোজ্যে তার এক্কান কধায়ো তে বাদ নঅ-দে।

২ রাজাবলী 10:10

তুমি জানি লঅ, আহাবর বংশর বিরুদ্ধে লগেপ্রভুর কোইয়্যে এক্কান্‌ কধায়ো মিজে ন-অবঅ। লগেপ্রভু তার্‌ চাগর্‌ এলিয়োর মাধ্যমে যিয়েনি গুরিবার কধা কোইয়্যে সিয়েনি গোজ্যে।”

২ রাজাবলী 15:12

লগেপ্রভু যেহূরে যিয়েনি কোইয়্যে, “তঅ বংশত্তুন চের্‌ আজু সং ইস্রায়েলর সিংহাসনত্‌ বুজিবাক্‌,” সিয়েন্‌ পূরোণ অলঅ।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

লূকে লেখ্যে গম্ হবর্ 1:28

স্বর্গদূত্তো মরিয়ম ইধু এইনে তারে ভালেদি জানেইনে কলঅ, “প্রভু তঅ সমারে আঘে আর তরে বোউত্ বর্ দিয়্যে।”

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

লূকে লেখ্যে গম্ হবর্ 2:40

চিজি যীশু বয়জে দাঙর্ ওইনে খেমতাবলা ওই উদিলো আর জ্ঞানে ভরপুর্ উয়ো ধুরিলো। তা উগুরে গোজেনর্ আশিদ্‌বাদ এলঅ।

লূকে লেখ্যে গম্ হবর্ 2:52

যীশু জ্ঞানে, বয়জে আর গোজেনর আহ্ মান্‌জ্যর্ কোচ্‌পানায় দাঙর্ উয়ো ধুরিলো।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

দ্বি’লম্বর বিররণ 18:22

কনঅ ভাববাদী যুনি লগেপ্রভুর নাঙান্‌ দিইনে কনঅ কধা কয় আর সিয়েন যুনি মিজে অয় বা ন অয়, সালে বুঝো পুরিবো সে কধাগান লগেপ্রভু ন কয়। সে ভাববাদীবো দুঘ্ সাহস গুরিনে সে কধাগান কোইয়্যে। তারে তুমি ন দোরেবা।

২ তীমথিয় 4:22

প্রভু তঅ সমারে সমারে থোক্। গোজেনর্ দোয়্যেগান তমা রিবেঙত্ থোক্।

যিহোশূয় 21:45

লগেপ্রভু ইস্রায়েলীয়গুনোরে ভালেদি গুরিবাত্তে যেদক্কানি এগেম্ গোজ্যে সিয়েনির্‌ এক্কানঅ অপূরোণ ন-থায়, বেক্কানি পূরোণ ওইয়্যে।

বিচের গুরিয়্যেগুন 13:24

সে পরেন্দি মিলেবোর এক্কো পূঅ অলঅ আর তে তা নাঙান্‌ রাগেল শিম্‌শোন। শিম্‌শোনে দাঙর্‌ ওয়া ধুরিলো আর গোজেনে তারে বর্‌ দিলো।

১ শমূয়েল 10:7

এদক্কানি চিহ্নো ঘদানার পরেন্দি তর্‌ সেক্কে যিয়েনি গরানা উজিত্‌ তুই সিয়েনিই গুরিচ; গোজেনে তঅ লগে থেবঅ।

১ শমূয়েল 12:2

চঅ, ইক্কিনে তমারে চালেবাত্তে তমার এক্কো রাজা আঘে। মুই দঅ বুড়ো ওই যেইয়োং, মর্‌ চুলানিয়ো পাগি যেইয়্যে, আর মর্‌ পূঅগুনেয়ো তমা সমারে আগন্‌। সেই গাবুজ্যে বয়জত্তুন্‌ ধুরি এচ্চ্যে সং মুই তমারে চালেই এজঙর্‌।

১ শমূয়েল 16:18

তার কাম্‌গুরিয়্যেগুনো ভিদিরেত্তুন্‌ একজনে কলঅ, “মুই বৈৎলেহমত্‌ যিশয়র এক্কো পূঅরে দেক্কোং। তে গমেদালে বীণা বাজেই জানে। তে এক্কো সাহসী আর যোদ্ধা। তে দোল্‌ গুরিনে কধা কোই জানে আর তে চাদেয়ো দোল্‌, আর লগেপ্রভুয়ো তা সমারে আঘে।”

১ শমূয়েল 18:12

শৌল দায়ূদরে দরা ধুরিলো, কিত্যে লগেপ্রভু দায়ূদো সমারে এলঅ মাত্তর্‌ শৌলরে তে ছাড়িনে যেইয়্যে।

১ শমূয়েল 18:14

লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।

১ শমূয়েল 18:5

শৌল দায়ূদোরে যিয়েনত্‌ পাধেদ দায়ূদে সিয়েনত্‌ যেদঅ আর বুদ্ধির পরিচয় দিইনে সফলতা লাভ গুরিদো। সেনত্যেই শৌল তারে সৈন্যদলর এক্কো সেনাপতি বানেল। সেক্কে বেক্‌ মানুচ্চুনে হুজি অলাক্ আর শৌলর কামগুরিয়্যেগুনেয়ো হুজি অলািক্।

১ শমূয়েল 2:21

লগেপ্রভু জদবদে হান্নারে মেইয়্যে গুরিলো। সেক্কে হান্না পিদিলী অলঅ আর তার্‌ বেক্কুনে তিন্নো পূঅ আর দ্বিবে মিলে অলাক্। ইন্দি চিগোন শমূয়েলে লগেপ্রভুর লগে থেইনে দাঙর্‌ উয়ো ধুরিলো।

১ শমূয়েল 2:26

চিগোন চিঝি শমূয়েলে দাঙর্‌ উয়ো ধুরিলো আর লগেপ্রভু আহ্ মানুচ্চুনো ইদু কোচ্‌পানা পাহ্ ধুরিলো।

১ শমূয়েল 9:6

মাত্তর্‌ সেই চাগরবো তারে কলঅ, “চাহ্, এই শঅরত্‌ গোজেনর এক্কো মানুচ্‌ থায়। তারে বেক্কুনে সর্মান গরন্‌ আর তে যিয়েনি কয় সিয়েনি হামাক্কায় ঘদে। আদিচ্‌, আমি ইক্কিনে সিদু যেই। তে অয়ত কোই দি পারিবো কন্‌ পদেন্দি আমাত্তুন্‌ যাহ্ পুরিবো।”