১ শমূয়েল 29:6 - Chakma Bible

⁶ আখীশে সেক্কে দায়ূদোরে ডাগিনে কলঅ, “জেদা লগেপ্রভুর নাঙে কঙর্, মুই হবর্‌ পাং তুই গম্‌ মানুচ্‌। এ সৈন্যগুনো ভিদিরে তুই যিয়েনি গোজ্যস্‌ সিয়েনি মরে হুজি গোজ্যস্‌। তর্‌ এবার দিন্নোত্তুন্‌ ধুরি এচ্চ্যে সং মুই তঅ ভিদিরে অন্যেয় কিচ্ছু ন-দেগং, মাত্তর্‌ অন্য শাজন্‌গুরিয়্যেগুনে তর্‌ উগুরে হুজি নয়।

১ শমূয়েল 29:6 Iomraidhean Croise

পত্থম 16:6

জোবত্‌ অব্রামে সারীরে কলঅ, “চাহ্‌, তঅ চাগরানীবো দঅ তঅ আদত্ আঘে। তর্‌ যিয়েন্‌ গম্‌ বিলিনে মনে অয়্‌ তা উগুরে তুই সিয়েন্‌ গর্‌।” সেক্কে সারী হাগার উগুরে এন্‌ চিৎ-নপুজ্যে বেবহার গরা ধুরিলো, হাগারে তা কায়-কুরেত্তুন্‌ ধেই গেলঅ।

২ শমূয়েল 3:25

তুই দঅ নেরের পূঅ অব্‌নেররে চিনোজ্; তে তঅ লগে ছলনা গুরিনে তঅ হবর্‌ নিবাত্তে আর তুই কি গরর্‌ ন-গরর্‌ সিয়েনি জানিবাত্তে এচ্চ্যে।”

২ রাজাবলী 19:27

মাত্তর্‌ তুই কুদু থাস্‌ কক্কে এজস্‌ বা যাচ্‌ আর কেধোক্ক্যেন গুরি মঅ বিরুদ্ধে রাগে ফুলি যাচ্‌, সিয়েনি বেক্কানি মুই হবর্‌ পাং।

গীতসংহিতা 121:8

তর্ পত্তিদিনোর জিংকানিত্ লগেপ্রভু তরে চুগি দিবো, ইক্কিনেত্তুন্ ধুরি উমর সং দিবো।

যিশাইয় 37:28

মাত্তর্ তুই কুদু থাচ্ আর কক্কে এজস্ বা যাচ্ আর কেধোক্ক্যেন্ গুরি মঅ বিরুদ্ধে রাগ্ গরচ্ সিয়েনি বেক্কানি মুই হবর্ পাং।

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

মথি লেখ্যে গম্ হবর্ 5:16

সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।

যিহোশূয় 22:30

রূবেণ, গাদ আর মনঃশি-গুট্টির মানুচ্চুনে ধর্মগুরু পীনহস আর ইস্রায়েলীয় সমাজর নেতাগুনোরে, অত্তাৎ ইস্রায়েলীয় বংশগুনোর মুরুব্বীগুনোরে যিয়েনি কলাক্‌ সিয়েনিলোই তারা হুজি অলাক্‌।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।

১ শমূয়েল 20:3

মাত্তর্‌ দায়ূদে আরঅ শমক্‌ খেইনে কলদে, “তঅ বাবে অমকদ গমেডালে হবর্‌ পাইদে, তুই মরে কোচ্‌পাচ্‌। সেনত্যেই অয়ত তে মনে মনে চিন্তে গোজ্যে, যোনাথনরে এ পৌইদ্যেনে ন-জানানা গম্‌, তে দুঃখো পেবঅ। মাত্তর্‌ জেদা লগেপ্রভুর দিব্য আর তর্‌ পরাণর দিব্য দিইনে মুই কঙর্‌, মরণান্‌ মইত্তুন্‌ বানা এক বিগোত্‌ দূরোত্‌।”

১ শমূয়েল 28:10

শৌল সেক্কে লগেপ্রভুর নাঙে শমক্‌ খেইনে কলদে, “জেদা লগেপ্রভুর নাঙে কঙত্তে, ইয়েনত্যে তঅ উগুরে কনঅ সাজা ন-এবঅ।”

১ শমূয়েল 29:3

সিয়েন দেগিনে পলেষ্টীয় সেনাপতিগুনে পুযোর্‌ গুরিলাক্, “এ বেক্‌ ইব্রীয়গুনে ইয়েনত্‌ কিত্তে?” আখীশে কলঅ, “ইবে দঅ ইস্রায়েলীয়গুনোর রাজা শৌলর চাগর্‌ দায়ূদ। তে দ্বিএক বজর্‌ ধুরিনে মইদু আঘে। শৌলরে ফেলেই এজানার দিন্নোত্তুন্‌ ধুরিনে এচ্চ্যে সং মুই তাইদু কনঅ দুষ ন-পাং।”

১ শমূয়েল 29:7

সেনত্যেই তুই সুগে-শান্তিয়ে ফিরি যাহ্; তুই এমন্‌ কিজু ন-গুরিচ্‌ যেনে পলেষ্টীয় শাজন্‌গুরিয়্যেগুনে বেজার্‌ অন্‌।”

১ শমূয়েল 5:8

সেনত্যেই তারা মানুচ্‌ পাদেইনে পলেষ্টীয়গুনোর বেক্‌ শাজন্‌গুরিয়েগুনোরে এক্কান জাগাত ডাগি আনিনে পুযোর্ গুরিলাক, “ইস্রায়েলীয়গুনোর গোজেনর সুন্দুক্কো নেযেইনে আমি কি গুরিবোং?” তারা কলাক্, “ইস্রায়েলীয়গুনোর গোজেনর সুন্দুক্কো গাত শঅরত্‌ নেযা ওক্।” সেক্কে অস্‌দোদর মানুচ্চুনে ইস্রায়েলীয়গুনোর গোজেনর সুন্দুক্কো গাদত্‌ নেযেলাক।