১ শমূয়েল 28:7 - Chakma Bible

⁷ শৌল সেক্কে তার কামগুরিয়্যেগুনোরে কলঅ, “তুমি এনজান্‌ এক্কো মিলেমান্‌জ্যরে থগঅ, যে মরা মানজ্যর্‌ আত্মা সমারে কধা কোই পারে, যেনে তাইদু যেইনে মুই পুযোর্‌ গুরি পারং মুই কি গুরিম্‌।” তারা কলাক্, “ঐন্‌দোরোত্‌ সেধোক্ক্যেন এক্কো মিলেমানুচ্‌ আঘে।”

১ শমূয়েল 28:7 Iomraidhean Croise

২ রাজাবলী 6:33

ইলীশায় সেক্কেয়ো কধা কর্‌ এন্‌ সময়োত্‌ সে মানুচ্চো তাইদু এলঅ। সে পরেন্দি রাজা এইনে কলঅ, “এ দযাগান্‌ লগেপ্রভুত্তুন এচ্ছে। মাত্তর্‌ লগেপ্রভুত্তে আর্‌ মুই কিত্তে দেরি গুরিম?”

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

গীতসংহিতা 83:10

সীষরা আর যাবীন ঐন্‌দোরোত্ ভস্ত ওই যেয়োন্; তারা ভূইয়ো উগুরে গবর ধোক্ক্যেন্ পড়ি আগন্।

যিশাইয় 19:3

মিসরীয়গুনে মন বল্ আরেবাক্, আর মুই তারার সল্লাগান্ নিষ্ফল গুরি দিম্। তারা মূত্তি আর মরাগুনোর্ আত্মার্ ইধু, ভূদো ইধু, আর ভান্ন্যেই আত্মাগুনো সমারে মিজেয়্যে রোক্ক্যেগুরিয়্যেগুনো ইধু সল্লা চেবাক্।

লেবীয় 19:31

যিগুনে ভূদো ভিদিরে থান্‌ বা ভান্ন্যেই আত্মা সমারে মিলেমিলি রাগান্‌ তারা ইদু যানা ন-চলিবো, কিত্যে তারা তমারে ফি-বলা বানেবাক্। মুই লগেপ্রভু তমার গোজেন।

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

প্রেরিত্‌ 16:16

একদিন্ন্যে যেক্কে আমি সেই তবনা গুরিবার্ জাগানত্ যেইর্ সেক্কে এক্কো চাগরাণীর্ লগে আমার্ দেগা অলঅ। তারে এক্কো ভান্ন্যেই আত্মায় পেইয়্যে যিয়েনত্তে তে আগাম্ কধা কোই পাত্ত। সিয়েন্দোই তা গিরোজ্‌সোর্ লাভ্ অদঅ।

দ্বি’লম্বর বিররণ 18:11

যে মন্ত্রতন্ত্র খাদায়, যে ভুত্তুনোর্ মাধ্যম অয়, যে ভান্ন্যেই আত্মা সমারে মিজেই আর যে মরা মান্‌জ্য সমারে উদোলোলি গরে।

যিহোশূয় 17:11

ইষাখর আর আশের-গুট্টির দুযি ভিদিরে বৈৎ-শান, যিব্‌লিয়ম আর সিয়েনির কায়-কুরে বেক্‌ আদামানি মনঃশি-গুট্টিরে দিয়্যে ওইয়্যে। ইয়েনবাদে দোর, ঐন্‌-দোর, তানক আর মগিদ্দোর মানুচ্চুন্‌ সহ এ বেক্‌ শঅর্‌ আর সিয়েনির কায়-কুরে বেক্‌ আদামানি মনঃশি-গুট্টিরে দিয়্যে ওইয়্যে। যেরেন্দি তিনান্‌ শঅর্‌ আর তারা সমারে আদামানি এলঅ মুড়ো-মুড়ি চাগালাত্‌।

১ শমূয়েল 28:3

ইয়েনর্‌ আগেন্দি শমূয়েলে মুরি যেইয়্যে, আর ইস্রায়েলীয়গুনে বেক্কুনে তাত্তে আবিলেচ্‌ গুরিনে তারে তার নিজোর্‌ শঅর্‌ রামাত্‌ গোর্ দুয়োন। যিগুনে মরা মানজ্যর্‌ আত্মা সমারে কধাবাত্তা কন্‌ আর যিগুনে ভান্ন্যেই আত্মা সমারে মিজেন্‌ শৌল দেজত্তুন্‌ এধোক্ক্যেন বেক্‌ মানুচ্চুনোরে নিগিলেই দিয়্যে।