১ শমূয়েল 28:5 - Chakma Bible

⁵ পলেষ্টীয়গুনোর সৈন্যগুন্‌ দেগিনে শৌল দোরেল আর তা বুক্কো অমকদগুরিনে গির্‌গিরে উদিলো।

১ শমূয়েল 28:5 Iomraidhean Croise

ইয়োব 15:21

তা কানত্‌ দর্‌গরেপারা রঅ সুমিবো; যেক্কেনে বেক্কানি গম্‌ চলের্‌ বিলিনে মনে অবঅ সেক্কে লুদেয়্যেগুনে তারে আক্রমণ গুরিবাক্।

ইয়োব 18:11

দরান্‌ তা চেরোকিত্তে থেবঅ; তা পত্তি পোইধেত্‌ সিয়েনে তার্‌ পিজে থেবঅ।

গীতসংহিতা 73:19

কেজান্‌গুরি অদাঢত্ তারা ভস্ত ওই যান আর দর্‌বুক লাগেয়্যে দজাত্ এক্কুবারে শেজ্ ওই যান।

গম্ উপদেজ্ 10:24

পাজি মানুচ্চুনে যিয়েনি দরান্ সিয়েনি তারা উগুরে ঘুদিবো, মাত্তর্ গোজেন ভক্তগুনোর্ আওজ্‌চানি পুরেই দিয়্যে অবঅ।

যিশাইয় 7:2

সেক্কে দায়ূদ বংশর মানুচ্চুনোরে কুয়া অলঅ, “অরামর্ সৈন্যদলুনে সমাজ্যে ইজেবে ইফ্রয়িমত্ তাম্বুল ফেলেইনে আগন্।” এ কধাগান শুনিনে আহসে আর তা মানুচ্চুনোর্ মনানি দরে বোইয়্যেরে দুলি পোজ্যে ঝার গাজ ধোক্ক্যেন্ দুলি উদিলো।

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

১ শমূয়েল 28:4

পলেষ্টীয়গুনে এক সমারে এগত্তর্‌ ওইনে শূনেমত্‌ যেইনে তাম্বুল ফেলেলাক্। ইন্দি শৌলেয়ো বেক্‌ ইস্রায়েলীয় সৈন্যগুনোরে এগত্তর্‌ গুরি নেযেইনে গিল্‌বোয় মুড়োবোত্‌ যেইনে তাম্বুল ফেলেলাক্।

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।