১ শমূয়েল 28:4 - Chakma Bible

⁴ পলেষ্টীয়গুনে এক সমারে এগত্তর্‌ ওইনে শূনেমত্‌ যেইনে তাম্বুল ফেলেলাক্। ইন্দি শৌলেয়ো বেক্‌ ইস্রায়েলীয় সৈন্যগুনোরে এগত্তর্‌ গুরি নেযেইনে গিল্‌বোয় মুড়োবোত্‌ যেইনে তাম্বুল ফেলেলাক্।

১ শমূয়েল 28:4 Iomraidhean Croise

২ শমূয়েল 1:21

ও গিল্‌বোয়োর্‌ মুড়োমুড়িগুন, তমা উগুরে শিরোপানি বা ঝড় ন-পোড়োক্‌, তমা ভিদিরে বোলি শোজ্য খেদ্‌‌অ ন-থোক্‌; কিত্যে সিয়োদোই দঅ বীরমানুচ্চুনোর ঢালানি অসর্মানিত ওইয়োন, শৌলর ঢালত্‌ আর তেল গুলোনা ন-অর্‌।

২ শমূয়েল 1:6

গাবুজ্যেবো তারে কলঅ, “মুই সে অক্তত্‌ গিল্‌বোয় মুড়োবোত্‌ এলুং আর শৌল সেক্কে তা সেল্‌লো উগুরে ভর্‌ দিইনে থিয়্যেই এলঅ। সে অক্তত্‌ রথ আর ঘোড়াচালেইয়্যেগুনে পেরায়্‌ তা মাঢা উগুরে লুম্মোন্দি।

২ শমূয়েল 21:12

দায়ূদে সেক্কে যাবেশ-গিলিয়দর মানুচ্চুনো ইত্তুন্‌ শৌল আর তা পূঅ যোনাথনর অাড়ুন তুলি আনিলো। পলেষ্টীয়গুনে গিল্‌বোয়ত্‌ শৌলরে মারে ফেলানার পরেন্দি তারার্ দ্বিজনর কিয়্যেগানি বৈৎশানর শঅর-চক্করবোত্ টাঙেই দিলাক্। যাবেশ-গিলিয়দর মানুচ্চুনে সিয়োত্তুন্‌ কিয়্যেগানি চুর্‌ গুরি আন্যন্‌।

১ রাজাবলী 1:3

সেক্কে তারা পুরো ইস্রায়েল দেজত্‌ এক্কো দোল্‌ মিলে তগা ধুরিলাক্। পরেন্দি তারা শূনোমীয়া অবীশগরে পেলাক্ আর তারে রাজার ইদু নেযেলাক্।

২ রাজাবলী 4:8

একদিন্যে ইলীশায় শূনেমত্‌ গেলঅ। সে জাগার্‌ এক্কো তাগোয়্যে মিলে তারে হানা-দানা গুরিবাত্তে কোজোলী গুরিলো। পরেন্দি যেদকবার্‌ তে সে পধেন্দি যেদঅ সেদকবার সে ঘরত্‌ হানা-দানা গুরিবাত্তে থামেদ।

যিহোশূয় 19:18

তারার্‌ জাগায়ানি ভিদিরে পড়িলো যিষ্রিয়েল, কসুল্লোৎ, শূনেম,

১ শমূয়েল 28:5

পলেষ্টীয়গুনোর সৈন্যগুন্‌ দেগিনে শৌল দোরেল আর তা বুক্কো অমকদগুরিনে গির্‌গিরে উদিলো।

১ শমূয়েল 31:1

এ ভিদিরে পলেষ্টীয়গুনে ইস্রায়েলীয়গুনোর বিরুদ্ধে যুদ্ধো গোজ্যন্‌ আর ইস্রায়েলীয়গুনে তারার্‌ মুজুঙোত্তুন্‌ ধেই যাদন্‌। তারা ভিদিরেত্তুন্‌ ভালোক্কুনে গিলবোয় মুড়োবোত্‌ পলেষ্টীয়গুনোর আঢত্‌ মারা পড়িলাক্।

১ শমূয়েল 31:8

তার্‌কেল্যে পলেষ্টীয়গুনে মরা মানুচ্চুনোর্‌ বেক্‌ পযাপিরানি লুদেবাত্যে এইনে দেগিলাক্‌ গিল্‌বোয় মুড়োবো উগুরে শৌল আর তার্‌ তিন্নো পূঅর্‌ মরা কিয়্যেগানি পোজ্যে আঘে।