১ শমূয়েল 27:9 - Chakma Bible

^9-10 দায়ূদে যেক্কে কনঅ চাগালা আক্রমণ গুরিদো সেক্কে সে জাগার্‌ মিলে-মরদ বেক্কুনোরে মারে ফেলেদ আর তারার্‌ ভেড়া, গোরু, গাধা, উট, আর কাবড়-চুগোড় লোই আনিদো। যেক্কে তে আখীশর ইদু ফিরি এদঅ সেক্কে আখীশে পুযোর্‌ গুরিদো, “এচ্চ্যে কুদু লুদেবাত্তে যেইয়ো?” জোবত্‌ দায়ূদে কলঅ, তে নেগেভ যিহূদা চাগালার্‌ বা যিরহমেলীয়গুনোর চাগালাত্‌ বা কেনীয়গুনোর চাগালাত্‌ যেইয়্যে।

১ শমূয়েল 27:9 Iomraidhean Croise

পত্থম 16:7

পদথ্‌ ধূল্যেচর-চাগালা ভিদিরে এক্কান্‌ পানি পয়নালা ইধু লগেপ্রভুর দূত্‌তো হাগাররে দেগিলো। পয়নালাবো অলদে শূর নাঙে এক্কান জাগাত্‌ যেবার পদথ্।

পত্থম 25:18

হবীলাত্তুন্‌ শূর সং যে জাগাগান এলঅ তা বংশর্‌ মানুচ্চুনে সিদু বজত্তি গুরিদাক্‌। জাগাগান্‌ এলঅ মিসর ইদু, আসিরিয়া যেবার পদত্‌। তারার্‌ ভেই ইস্‌হাক বংশধরুনো দেজত্ তারা থেদাক্।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

যাত্রা 15:22

পরেদি মোশি লোহিত সাগরত্তুন্‌ ইস্রায়েলীয়গুনোরে নেযেল। তারা পত্তমে শূর নাঙে এক্কান ধূল্যেচর চাগালাত্‌ গেলাক্। সেই ধূল্যেচর চাগালাত্‌‌ তিন দিন সং ঘুরি ঘুরি তারা কনজাগাত্‌ পানি ন-পেলাক্।

যিহোশূয় 6:21

তারা আত্যের্‌লোই মিলে-মরদ, পূঅ-বুড়ো, গোরু, ভেড়া ছাগল, গাধা সুদ্ধো বেক্‌ পরাণবলাগুনোরে শেজ্‌ গুরি দিলাক্‌।

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”

১ শমূয়েল 15:7

শৌলে সেক্কে হবীলা চাগালাত্তুন্‌ মিসরর্‌ পূগেন্দি শূর-ধূল্যেচর-চাগালা সং বেক্‌ অমালেকীয়গুনোরে ওদেই দিলো।

১ শমূয়েল 15:8

তে অমালেকীয়গুনোর রাজা অগাগরে জেদাবাদে ধুরিলো আর অন্য বেক্কুনোরে মারে ফেলেল।