১ শমূয়েল 27:11 - Chakma Bible

¹¹ দায়ূদে কনঅ মিলে বা মরদরে গাদত্‌ লোই এবাত্তে বাঁজেই ন-রাগেদ, কিত্যে তে মনে গুরিদো, তারা তারার পৌইদ্যেনে বেক্‌ কধানি জানেই দিইনে কবাক্‌, দায়ূদে এ কামান্‌ গোজ্যে। পলেষ্টীয়গুনোর দেজত্‌ এজানার পরেত্তুন্‌ ধুরি দায়ূদে বরাবরই এবাবোত্যে গুরিদো,

১ শমূয়েল 27:11 Iomraidhean Croise

গম্ উপদেজ্ 12:19

সত্য কধা কোইয়্যেবোর কধানি জিংকানিবর্ এক্কুই, মাত্তর্ মিজে কধা কোইয়্যেবোর কধানি কয়েক দিনোত্তে।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

যিরমিয় 41:4

গদলিয় খুন অনার্ পরেদি কনজনে সে কধাগান হবর্ পেবার আগে শিখিম, শীলো আর শমরিয়াত্তুন আশিজন মানুচ্ তারার দাড়িনি মুড়েইনে, কাবড়-চুগোর ফাদিনে আর নিজো কিয়্যেগান কাবিনে শোজ্য-উৎসর্ব গুরিবার জিনিস আর আগর্‌বাট্টি নিইনে লগেপ্রভুর ঘরত্ যাদন।

১ শমূয়েল 22:22

এ কধাগান শুনিনে দায়ূদ অবিয়াথররে কলঅ, “ইদোমীয় দোয়েগরে সেদিন্যে সিয়েনত্‌ দেগিনে মুই বুঝি পাজ্যং, তে হামাক্কায় যেইনে শৌলরে বেক্কানি জানেব। তঅ বাবর্‌ বংশর মানুচ্চুনোরে বেক্কুনোর মরণত্তে মুয়ই দায়ী।

১ শমূয়েল 27:12

মাত্তর্‌ আখীশ দায়ূদোরে বিশ্বেজ্ গুরিদো আর ভাবিদো দায়ূদে এ কামানি গুরিনে তার নিজোর জাত্‌ ইস্রায়েলীয়গুনোর ইদু নিজোরে অমকদ ঘিনাইদে চোগোত্‌ তুল্যে আর সেক্কে তে জিংকানিবর্‌ তার চাগর্‌ ওই থেবঅ।