১ শমূয়েল 26:8 - Chakma Bible

⁸ এ অবস্থা দেগিনে অবীশয় দায়ূদোরে কলঅ, “গোজেনে এচ্চ্যে তর্‌ শত্রুবোরে তঅ আঢত্‌ তুলি দিয়্যে। অনুমতি দে, মঅ সেল্‌লোলোই এক্কু আঘাতে তারে মাদিত্ গাড়ে ফেলাং। মত্তুন্‌ দ্বিবার আঘাত গরা ন-পুরিবো।”

১ শমূয়েল 26:8 Iomraidhean Croise

২ শমূয়েল 16:9

এ কধানি শুনিনে সরূয়ার পূঅ অবীশয় রাজারে কলঅ, “এ মরা কুগুর্‌বো কিত্তে মঅ গিরোজ্‌ মহারাজরে গেইল্ দের্‌? মরে তা মাধাবো কাবি ফেলেবাত্তে উগুম্ দে।”

গীতসংহিতা 31:8

তুই শত্রুগুনো আঢত্ মরে আক্‌সোই ন-রাগাচ্, বরং এক্কান খুলো জাগাত্ মরে থিয়্যেই রাগেয়োচ্।

যিরমিয় 40:15

সেক্কে কারেহর পুয়ো যোহানন মিসপাত গদলিয়রে ভিদিরে ভিদিরে কলঅ, “তুই উগুম দিলে মুই যেইনে নথনিয়র পুয়ো ইশ্মায়েলরে মারে ফেলেম, কনজনে হবর্ ন-পেবাক্। তে কিত্তে তরে মারে ফেলেব? সেক্কে দঅ যিদুক্কুন যিহূদী তঅ চেরোকিত্তে এগত্তর্ ওইয়োন তারা ছিদি পড়িবাক্ আর যিহূদার বাদবাগি মানুচ্চুনে ভস্ত অবাক্।”

নহূম 1:9

ও নীনবী মানুচ্চুন, লগেপ্রভুর বিরুদ্ধে তুমি যে কুজুরোমী গুরিদা সাৎ সিয়েন তে বিফল গুরি দিবো; তুমি কাররে আর্ দুঘ্ দি ন-পারিবা।

রোমীয় 11:32

গোজেনে যেন বেক্কুনোরে দোয়্যে দেগেই পারে সেনত্তে তে বেক্কুনোরে অবাধ্যতা ভিদিরে বন্দী গুরি রাগেয়্যে।

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

যিহোশূয় 21:44

তারার্‌ পূরোণিমানুচ্চুনো ইদু লগেপ্রভুর শমক্‌ মজিম্ তে চেরোকিত্তে বেক্‌ যুদ্ধোগানিত্তুন্‌ তারারে জিরেবাত্তে দিলো। কনঅ শত্রু তারার্‌ মুজুঙোত্‌ থিয়্যেই ন-পারে। লগেপ্রভু তারার্‌ বেক্‌ শত্রুগুনোরে তারা আদত্‌ তুলি দিলো।

বিচের গুরিয়্যেগুন 1:4

যিহূদা-গুট্টির্‌ মানুচ্চুনে আক্রমণ গুরিলে লগেপ্রভু তারার্‌ আঢত্‌ কনানীয় আরঅ‌ পরিষীয়গুনোরে তুলি দিলো। তারার্‌ দশ আজার জনরে তারা বেষক শঅরত্‌ মারেই ফেলেলাক্‌।

১ শমূয়েল 23:14

দায়ূদে ধূল্যে-চড় চাগালাত্‌ তাম্বুলো ধোক্ক্যেন জাগায়ানিত্‌ আর সীফ ধূল্যে-চড় চাগালাত্‌ মুড়োমুড়ি জাগাত্‌ থাহ্ ধুরিলো। দিন্‌কে দিন শৌল তারে থগা ধুরিলো মাত্তর্‌ গোজেনে তা আঢত্‌ দায়ূদোরে পরিবাত্তে ন-দিলো।

১ শমূয়েল 24:4

দায়ূদোর মানুচ্চুনে কলাক্, “লগেপ্রভু যে দিন্নোর কধা তরে কোইয়্যে এচ্চ্যে সেদিন্নো এই যেইয়্যে। তে কলদে, ‘মুই তর্‌ শত্রুবোরে তর্‌ আঢত্‌ তুলি দিম্‌ আর তা উগুরে তর্‌ যিয়েন্‌ গম বিলিনে মনে গরচ্‌ তুই সিয়েনই গুরিবে।’ ” সেক্কে দায়ূদে জুরো গুরি উদিনে শৌলর পোজাক্কানত্তুন্‌ এক কট্টা কাবি নেযেল।

১ শমূয়েল 24:5

শৌলর পোজাক্কানত্তুন্‌ এক কট্টা কাবি নেযানার কারণে দায়ূদোর চিত্তোবো তারে দুষী বিলি মনে গরের্‌।

১ শমূয়েল 26:23

লগেপ্রভু পত্তি মান্‌জ্যরে তার বিশ্বেজত্তে আর গম্‌ কামত্তে বক্‌শিজ্ দে‌। লগেপ্রভু এচ্চ্যে তরে মর্‌ আঢত্‌ তুলি দিয়্যে, মাত্তর্‌ মুই লগেপ্রভুর অভিষেগ্ গোজ্যে মানজ্য উগুরে আঢ্ তুলিবাত্তে ন-চাং।

১ শমূয়েল 26:7

রেদোত্‌ দায়ূদে আর অবীশয়ে শৌলর সৈন্যগুনো ইদু গেলাক্। শৌলে তাম্বুলান পযাপিরানি ভিদিরে ঘুম যার্‌। তার্‌ সেল্‌লো তা মাদাবো ইদু মাদিত্‌ পুদেয়্যে এলঅ। অব্‌নের আর সৈন্যগুনে তার চেরোকিত্তে ঘুমেয়্যে এলাক্।

১ শমূয়েল 26:9

দায়ূদে তারে কলঅ, “না, তারে মারে ন-ফেলেয়ো। লগেপ্রভুর অভিষেগ্ গোজ্যে মান্‌জ্য উগুরে আঢ তুলিনে কন্না নিদ্দুষী তেই পাজ্যে?