১ শমূয়েল 26:25 - Chakma Bible

²⁵ সেক্কে শৌল দায়ূদোরে কলঅ, “বাবা দায়ূদ, ধন্য তুই! তুই হামাক্কায় বোউত্‌ দাঙর্‌ দাঙর্‌ কাম গুরিবে আর জিদিবে।” ইয়েনর্ পরেন্দি দায়ূদে তা পধেন্দি গেলগোই আর শৌলেয়ো নিজোর ঘরত্‌ ফিরি গেলঅ।

১ শমূয়েল 26:25 Iomraidhean Croise

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

গম্ উপদেজ্ 26:25

তা কধাগান মিদে অলেয়ো বিশ্বেজ্ ন-গুরিচ্, কিত্তে তা মন ভিদিরে আগেদে সাত্‌তান ঈচ্ গরেদে জিনিস।

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

হোশেয় 12:4

তে স্বর্গদূত্‌তুনো লগে যুদ্ধো গুরিনে জিত্যে; তে দোয়্যে পেবাত্তে কানি কানি কোজোলি গোজ্যে। তে বৈতেলত্ লগেপ্রভুরে পেইয়্যে আর সিয়েনত্ লগেপ্রভু আমা কধা কোইয়্যে।

রোমীয় 8:35

সেনত্তে এমন্‌ কি আঘে যিয়েনে খ্রীষ্টর্ কোচ্‌পানাত্তুন্ আমারে দূরোত্ সোরেই দিবো? যন্ত্রণা? মনত্ দুঘ্? অত্যেচার্? পেত্‌ পুরোনা? কাবড়-চুগোড়োর্ অভাব? দযা? মরণ?

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

১ শমূয়েল 24:19

কনজনে যুনি শত্রুরে আঢত্‌ পায় সালে তে কি তার কনঅ ক্ষতি ন-গুরিনে তারে ইরি দে? এচ্চ্যে তুই মঅ উগুরে যে বেবহারান্‌ গুরিলে তাত্যেই লগেপ্রভু যেনে তরে ভালেদি গরে।

১ শমূয়েল 24:20

মুই ইক্কিনে হবর্‌ পাং, তুই হামাক্কায় রাজা অবে আর তর্‌ মাধ্যমে ইস্রায়েল রেজ্যগান থিদেবর্ অবঅ।

১ শমূয়েল 24:22

দায়ূদে শৌলর ইদু সেই শমক্তান্‌ গুরিলো। ইয়েনর পরেন্দি শৌল ঘরত্‌ ফিরি গেলঅ, আর দায়ূদে তার মানুচ্‌জন নেযেইনে তার সেই লুগি থেই পারেদে জাগানত্‌ উদি গেলগোই।