১ শমূয়েল 26:16 - Chakma Bible

¹⁶ তুই যিয়েনি গোজ্যস্‌ সিয়েনি কনমতে ঠিগ্ ন-অয়। জেদা লগেপ্রভুর নাঙে কঙর্, তুই আর তর্‌ মানুচ্চুনোর মরাণা উজিত্, কিত্যে তমার্‌ গিরোজ্‌, যিবে লগেপ্রভুর অভিষেগ্ গোজ্যে মানুচ্‌, তারে শত্রুর বিপক্ষে তুমি চুগি দিইনে ন-রাগঅ। রাজার মাদাবো ইদু তার যে সেল্‌লো আর পানির পিলেবো এলঅ সিগুন্‌ কুদু?”

১ শমূয়েল 26:16 Iomraidhean Croise

২ শমূয়েল 12:5

এ কধাগান শুনিনে দায়ূদে সে থাগোয়্যে মানুচ্চো উগুরে রাগে ফূলি উদিলো। তে নাথনরে কলঅ, “জেদা লগেপ্রভুর নাঙে কঙর্, যে মানুচ্চো এ কামান্‌ গোজ্যে তারে মারে ফেলানা উজিত্।

২ শমূয়েল 19:28

মঅ আজুর্‌ গুট্টিগুনে মঅ গিরোজ মহারাজ মুজুঙোত্ মরাণা উজিত্, মাত্তর্‌ তো তর্‌ যে মানুচ্চুনে তঅ টেবিলোত্‌ হেবাত্তে বোইনে তুই তর্‌ এ চাগর্‌‌বোরেয়ো তারা ভিদিরে এক্কান জাগা দুয়োচ্‌। সালে মহারাজ ইদু আর কোজোলি গুরিবার মর্‌ কি অধিকার আঘে?”

১ রাজাবলী 2:26

পরেন্দি রাজা ধর্মগুরু অবিয়াথররে কলঅ, “তুই অনাথোতত্‌ নিজোর জাগাত্‌ ফিরি যা। তুই মুরিবার যোগাজ্যে, মাত্তর্‌ ইক্কিনে মুই তরে মারে ন-ফেলেম, কারণ তুই তর্‌ বাবা দায়ূদোর সময়োত্‌ লগেপ্রভুর সুন্দুক্কো বুয়োই নেযেয়োচ্‌ আর মঅ বাপ্পোর বেক্‌ দুখ-কষ্টর ভাগি ওইয়োচ্‌।”

গীতসংহিতা 79:11

বন্দিগুনোর কানানিগানি তঅ কানত্ লুমোক্; যিগুনো উগুরে মরণর রায় দিয়্যে ওইয়্যে তর্ দাঙর্ বল্লোই তুই তারারে বাঁজা।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

১ শমূয়েল 20:31

যেদকদিন যিশয়র পূঅ এ পিত্‌থিমীত্‌ বাঁজি থেবঅ সেদকদিন তুই থির্ ন-থেবে, তর্‌ রেজ্যগান্অ থির্ ন-থেবঅ। সেনত্যেই ইক্কিনে মানুচ্‌ পাদেইনে তারে মইদু লোই আয়, তাত্তুন্‌ মরা পুরিবো।”

১ শমূয়েল 24:6

তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”

১ শমূয়েল 26:11

মাত্তর্‌ লগেপ্রভুর অভিষেগ্ গোজ্যে মান্‌জ্য উগুরে আঢ্ তুলিবাত্তে লগেপ্রভু কনদিন্‌অ মরে অনুমতি ন-দিবো। আদঅ, ইক্কিনে আমি তার মাদাবো কায়-কুরেত্তুন্‌ সেল্‌লো আর পানির পিলেবো তুলি নেযেইনে ফিরি যেই।”

১ শমূয়েল 26:15

দায়ূদে কলঅ, “তুই দঅ এক্কো বীর, নয় কি? ইস্রায়েলীয়গুনো ভিদিরে তর্‌ সং সং আর কন্না আঘে? কিত্তে তুই শত্রুর বিপক্ষেন্দি তর্‌ গিরোজ্‌ মহারাজরে চুগি দিইনে ন-রাগেলে? তর্‌ গিরোজ্‌ মহারাজারে মারে ফেলেবাত্তে এক্কো মানুচ্‌ যেইয়্যে।

১ শমূয়েল 26:9

দায়ূদে তারে কলঅ, “না, তারে মারে ন-ফেলেয়ো। লগেপ্রভুর অভিষেগ্ গোজ্যে মান্‌জ্য উগুরে আঢ তুলিনে কন্না নিদ্দুষী তেই পাজ্যে?