১ শমূয়েল 26:11 - Chakma Bible

¹¹ মাত্তর্‌ লগেপ্রভুর অভিষেগ্ গোজ্যে মান্‌জ্য উগুরে আঢ্ তুলিবাত্তে লগেপ্রভু কনদিন্‌অ মরে অনুমতি ন-দিবো। আদঅ, ইক্কিনে আমি তার মাদাবো কায়-কুরেত্তুন্‌ সেল্‌লো আর পানির পিলেবো তুলি নেযেইনে ফিরি যেই।”

১ শমূয়েল 26:11 Iomraidhean Croise

২ শমূয়েল 1:14

দায়ূদে তারে কলঅ, “লগেপ্রভুর অভিষেক গোজ্যে মানুচ্চোরে মারে ফেলেবাত্তে আত্‌ তুলোদে তুই কি এক্কেনায়ো ন-দোরেলে?”

২ শমূয়েল 1:16

দায়ূদে সে গাবুজ্যেবোরে কলদে, “তর্‌ মরণানত্তে তুই নিজেই দায়ী, কিত্যে তর্‌ মুয়ো কধানি তর্‌ বিরুদ্ধে সাক্ষী দিয়্যেদে, লগেপ্রভুর অভিষেগ গোজ্যে মানুচ্চোরে তুই মারে ফেলেয়োচ্‌।”

২ শমূয়েল 19:22

জোবত্‌ দায়ূদে কলঅ, “ও সরূয়ার পূঅগুন, এ পৌইদ্যেনে তমা লগে মর্‌ কি সম্পর্ক? এচ্চ্যে কিত্তে তুমি মঅ উল্লোমি গরর্‌? এচ্চ্যে কি ইস্রায়েলত্‌ কাররে মারে ফেলানা উজিত্? মুই কি এ কধাগান হবর্‌ ন-পাং, এচ্চ্যেয়ো মুই ইস্রায়েলীয়গুনোর রাজা?”

গীতসংহিতা 17:4

মান্‌জ্যে যেদক্কানি কাম গরন সিয়েনি ন-গুরিনে তর্ মুয়ো কধালোই জুলুমোর্ পদত্তুন্ মুই নিজোরে সোরেই রাগেয়োং।

রোমীয় 12:17

ভান্ন্যেয়র্ বদলে কাররে ভান্ন্যেই ন-গোজ্জ্য। বেক্‌ মানুচ্চুনোর চোগোত্ যিয়েন্ গম্ সে পৌইদ্যেনে মনযোগ্ দুয়ো।

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 24:12

লগেপ্রভুই যেনে মর্‌ আর তর্‌ বিচের্‌ গরে আর মঅ উগুরে তুই যে অন্যেয় গোজ্যচ্‌ সিয়েনর ফল দে; তো মুই তঅ বিরুদ্ধে আঢ্ ন-তুলিম।

১ শমূয়েল 24:4

দায়ূদোর মানুচ্চুনে কলাক্, “লগেপ্রভু যে দিন্নোর কধা তরে কোইয়্যে এচ্চ্যে সেদিন্নো এই যেইয়্যে। তে কলদে, ‘মুই তর্‌ শত্রুবোরে তর্‌ আঢত্‌ তুলি দিম্‌ আর তা উগুরে তর্‌ যিয়েন্‌ গম বিলিনে মনে গরচ্‌ তুই সিয়েনই গুরিবে।’ ” সেক্কে দায়ূদে জুরো গুরি উদিনে শৌলর পোজাক্কানত্তুন্‌ এক কট্টা কাবি নেযেল।

১ শমূয়েল 24:6

তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”