১ শমূয়েল 24:4 - Chakma Bible

⁴ দায়ূদোর মানুচ্চুনে কলাক্, “লগেপ্রভু যে দিন্নোর কধা তরে কোইয়্যে এচ্চ্যে সেদিন্নো এই যেইয়্যে। তে কলদে, ‘মুই তর্‌ শত্রুবোরে তর্‌ আঢত্‌ তুলি দিম্‌ আর তা উগুরে তর্‌ যিয়েন্‌ গম বিলিনে মনে গরচ্‌ তুই সিয়েনই গুরিবে।’ ” সেক্কে দায়ূদে জুরো গুরি উদিনে শৌলর পোজাক্কানত্তুন্‌ এক কট্টা কাবি নেযেল।

১ শমূয়েল 24:4 Iomraidhean Croise

ইয়োব 31:31

মঅ ঘরর্ মানুচ্চুনে দঅ এ কধানি কদাক্, ইয়োবর্ দিয়্যে য়েরানিলোই কন্না পেট ভোরেই ন-পারে?

গীতসংহিতা 142:1

মুই গুজুরি গুজুরি লগেপ্রভু ইদু কানঙর্; মুই রঅ ছাড়ি ছাড়ি লগেপ্রভু ইদু কোজোলী গরঙর্।

গীতসংহিতা 57:1

মঅ উগুরে দোয়্যে গর্; ও গোজেন, মঅ উগুরে তুই দোয়্যে গর্, কিত্তেই তইদু মুই আশ্রয় নেযেয়োং। তর্ ডুয়োনির ছাবাত্ তলে মুই থেম যেদকদিন সং মঅ উগুরেত্তুন এ দযাগানর ঝড়ান্ সুরি ন-যায়।

যাত্রা 21:13

মাত্তর্‌ খুন গুরিবার্‌ সল্লা যুনি তার্‌ ন-থায়্‌, যুনি ইয়েন্‌ অদাদৎ ঘুদি যেইয়্যে কনঅ‌ ঘটনা অয়্‌ যেনে মুই মানা ন-গরং, মাত্তর্‌ তে এন্ এক্কান জাগাত্‌ ধেই যেই পারিবো যিয়েন মুই তমাত্যেই ঠিগ্ গুরি দিম্‌।

১ শমূয়েল 22:1

দায়ূদে গাৎত্তুন ধেই যেইনে অদুল্লমর্‌ ইদু এক্কো গাদত্‌ যেইনে আশ্রয় নেযেল। সে কধাগান শুনিনে তার ভেইয়ুনে আর তা বাবর্‌ বংশর মানুচ্চুনে তা ইদু গেলাক্।

১ শমূয়েল 23:17

যোনাথনে কলঅ, “তুই ন-দোরেচ্‌; মঅ বাপ্পো শৌলর আঢত্‌ তুই ধরা ন-পরিবে। তুয়ই ইস্রায়েল দেজ উগুরে রাজগিরি গুরিবে, আর মর্‌ জাগায়ান্‌ অবঅ তর্‌ পরেন্দি। মর্‌ বাবায়ো সেই কধাগান হবর্‌ পাই।”

১ শমূয়েল 23:7

দায়ূদ কিয়ীলাদত্‌ আঘে শুনিনে শৌল কলঅ, “গোজেন দায়ূদোরে এবেরা মর্‌ আঢত্‌ তুলি দিয়্যে, কিত্যে শঅরর্‌ গেট্টুন্‌ লাগাড়ালোই বন্ধ গরা যায় এন্‌ জাগাত্‌ চোমেইনে তে নিজেই নিজোরে আক্‌সোই ফেলেয়্যে।”

১ শমূয়েল 24:10

এচ্চ্যে দঅ তুই নিজোর চোগেন্দি দেগিলে, লগেপ্রভু কেধোক্ক্যেনগুরি এ গাট্টো ভিদিরে তরে মর্‌ আঢত্‌ তুলি দিলো। মরে কয়েকজনে কোইয়োন তরে মারে ফেলেবাত্তে, মাত্তর্‌ তর্‌ উগুরে মর্‌ মেয়্যে অলঅ। মুই কোইয়োং, মর্‌ গিরোজ উগুরে মুই আঢ্ ন-তুলিম, কিত্যে তে লগেপ্রভুর অভিষেগ্ গোজ্যে মানুচ্‌।

১ শমূয়েল 24:18

তুই যে মঅ উগুরে দোল্‌ বেবহার গুরি এজর্‌ সিয়েনি এচ্চ্যে তুই মরে জানেলে। লগেপ্রভু তঅ আঢত্‌ মরে তুলি দিয়্যে মাত্তর্‌ তুই মরে মারে ন-ফেলাস্‌।

১ শমূয়েল 26:23

লগেপ্রভু পত্তি মান্‌জ্যরে তার বিশ্বেজত্তে আর গম্‌ কামত্তে বক্‌শিজ্ দে‌। লগেপ্রভু এচ্চ্যে তরে মর্‌ আঢত্‌ তুলি দিয়্যে, মাত্তর্‌ মুই লগেপ্রভুর অভিষেগ্ গোজ্যে মানজ্য উগুরে আঢ্ তুলিবাত্তে ন-চাং।