১ শমূয়েল 24:18 - Chakma Bible

¹⁸ তুই যে মঅ উগুরে দোল্‌ বেবহার গুরি এজর্‌ সিয়েনি এচ্চ্যে তুই মরে জানেলে। লগেপ্রভু তঅ আঢত্‌ মরে তুলি দিয়্যে মাত্তর্‌ তুই মরে মারে ন-ফেলাস্‌।

১ শমূয়েল 24:18 Iomraidhean Croise

পত্থম 38:26

যিহূদা সিয়েনি চিনি পারিনে কলঅ, “তে-দঅ সালে মত্তুন বহুত্ গম্‌, কিত্তে মঅ পুয়োবো শেলা লগে মুই তারে মেলা গুরি ন-দুয়োং।” ইয়েন পরেদি তে আর কনদিনঅ তামর লগে ঘুমোত্ ন-পরে।

গীতসংহিতা 31:8

তুই শত্রুগুনো আঢত্ মরে আক্‌সোই ন-রাগাচ্, বরং এক্কান খুলো জাগাত্ মরে থিয়্যেই রাগেয়োচ্।

গীতসংহিতা 7:5

মাত্তর্ শত্রুগুনে লোড়েইনে মরে ধুরি ফেলাদোক্; তারা মরে মাদিত্ ফেলাদোক্ আর টেংগোই উরোদোক্, মঅ সর্মানান্ ধুলোত্ মিজেই দেদোক্।

গম্ উপদেজ্ 25:22

সিয়েন গুরিলে তুই তা মাধাত্ জোল্ জোল্যে আঙারা কুরেই রাগেবে, আর লগেপ্রভু তরে বক্‌‍শিজ্ দিবো।

১ শমূয়েল 23:12

সেক্কে দায়ূদে আরঅ পুযোর্‌ গুরিলো, কিয়ীলার মানুচ্চুনে কি মরে আর মর্‌ মানুচ্চুনোরে শৌলর আঢত্‌ তুলি দিবাক্? লগেপ্রভু কলঅ, “অয়, দিবাক্।”

১ শমূয়েল 23:7

দায়ূদ কিয়ীলাদত্‌ আঘে শুনিনে শৌল কলঅ, “গোজেন দায়ূদোরে এবেরা মর্‌ আঢত্‌ তুলি দিয়্যে, কিত্যে শঅরর্‌ গেট্টুন্‌ লাগাড়ালোই বন্ধ গরা যায় এন্‌ জাগাত্‌ চোমেইনে তে নিজেই নিজোরে আক্‌সোই ফেলেয়্যে।”

১ শমূয়েল 24:10

এচ্চ্যে দঅ তুই নিজোর চোগেন্দি দেগিলে, লগেপ্রভু কেধোক্ক্যেনগুরি এ গাট্টো ভিদিরে তরে মর্‌ আঢত্‌ তুলি দিলো। মরে কয়েকজনে কোইয়োন তরে মারে ফেলেবাত্তে, মাত্তর্‌ তর্‌ উগুরে মর্‌ মেয়্যে অলঅ। মুই কোইয়োং, মর্‌ গিরোজ উগুরে মুই আঢ্ ন-তুলিম, কিত্যে তে লগেপ্রভুর অভিষেগ্ গোজ্যে মানুচ্‌।

১ শমূয়েল 24:19

কনজনে যুনি শত্রুরে আঢত্‌ পায় সালে তে কি তার কনঅ ক্ষতি ন-গুরিনে তারে ইরি দে? এচ্চ্যে তুই মঅ উগুরে যে বেবহারান্‌ গুরিলে তাত্যেই লগেপ্রভু যেনে তরে ভালেদি গরে।

১ শমূয়েল 26:23

লগেপ্রভু পত্তি মান্‌জ্যরে তার বিশ্বেজত্তে আর গম্‌ কামত্তে বক্‌শিজ্ দে‌। লগেপ্রভু এচ্চ্যে তরে মর্‌ আঢত্‌ তুলি দিয়্যে, মাত্তর্‌ মুই লগেপ্রভুর অভিষেগ্ গোজ্যে মানজ্য উগুরে আঢ্ তুলিবাত্তে ন-চাং।

১ শমূয়েল 26:8

এ অবস্থা দেগিনে অবীশয় দায়ূদোরে কলঅ, “গোজেনে এচ্চ্যে তর্‌ শত্রুবোরে তঅ আঢত্‌ তুলি দিয়্যে। অনুমতি দে, মঅ সেল্‌লোলোই এক্কু আঘাতে তারে মাদিত্ গাড়ে ফেলাং। মত্তুন্‌ দ্বিবার আঘাত গরা ন-পুরিবো।”