১ শমূয়েল 22:3 - Chakma Bible

³ পরেন্দি তে সিয়োত্তুন মোয়াব দেজর মিস্পী আদামত্‌ গেলঅ। তে মোয়াবর রাজাবোরে কলঅ, “মঅ পৌইদ্যেনে গোজেনর আওজ্‌‌চান্ কি যেদকদিন সং মুই জানি ন-পারং সেদকদিন সং দোয়্যে গুরিনে মঅ মা-বাবরে তইদু রাগা।”

১ শমূয়েল 22:3 Iomraidhean Croise

পত্থম 47:11

যোষেফে তা বাবরে আর ভেইয়ুনোরে থিদেবর্ গুরিনে বজত্তি গুরিবার্‌ বেবস্থা গুরিলো। ফরৌণ উগুম মজিম্‌ মিসর্‌ দেজর্ বেগত্তুন্‌ গম্‌ জাগাগান তে তারার্‌ সোম্বোত্তি ইজেবে দান গুরিলো। জাগাগানর্‌ নাঙ্‌ এলঅ রামিষেষ।

২ শমূয়েল 8:2

দায়ূদে মোয়াবীয়গুনোরেয়ো ওদেই দিলো। তে মোয়াবীয়গুনোরে মাদিত্‌ কায়-কুই গুরি পোড়েইনে এক ডাগেত্তুন ধুরি অন্য ডাগর্ থুম্ সং দুড়িলোই মাবিলো। পত্তমে দ্বিয়েন দুড়িলোই মাপ্যে মানুচ্চুনোরে মারে ফেলা অলঅ আর সে পরেন্দি এক্কান দুড়িলোই মাপ্যে মানুচ্চুনোরে বাঁজেই রাগা অলঅ। ইয়েনর্ পরেন্দি মোয়াবীয়গুনে দায়ূদো অধীন ওইনে তারে হাজানা দিয়্যে ধুরিলাক্।

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

১ তীমথিয় 5:4

মাত্তর্ কনঅ রানী মিলের্ যুনি পুয়ো-ছা বা নাঢিন্ থায় সালে সেই পুয়ো-ছাগুনে বা নাঢিনুনে যেন পত্তমে নিজো পরিবার উগুরে কাম্ গুরিনে গোজেন ভোক্তি দেগাদে শিগোন্। এবাবোত্যেগুরি তারা তারার্ বাপ-দাদাগুনোর্ কোচ্‌পেইয়্যের্ দোয়্যে-মেয়্যেনি সুজিই পারিবাক্, আর ইয়েনিলোই গোজেনে হুজি অয় ।

বিচের গুরিয়্যেগুন 11:29

সেক্কে লগেপ্রভুর আত্মাগান যিপ্তহ উগুরে এলঅ। সেক্কে যিপ্তহ গিলিয়দ আর মনঃশি চাগালার ভিদিরেন্দি যেইনে গিলিয়দর মিস্পীতদ্‌ এলঅ আর সিয়েনত্তুন অম্মোনীয়গুনোর বিরুদ্ধে উজেই গেলঅ।

রূত 4:10

মরা মানুচ্চোর্ সোম্বোত্তি আর নাঙান্‌ যেনে রোক্ষ্যে অয় সেনত্তে মুই মহলোনর রানিমিলেবো মোয়াবীয় রূতরেয়ো মোক্‌ ইজেবে গুঝি ললুং। ইয়েন্দোই বংশ ভিদিরেত্তুন আর আদাম ভিদিরেত্তুন মরা মানুচ্চোর্ নাঙান্‌ বাদ ন-যেবঅ। তুমি এচ্চ্যে এই বেক্‌ বিষয়ানির সাক্ষী অলা।”

রূত 4:17

পাড়াল্যে মিলেগুনে কলাক্, “নয়মীর এক্কো পূঅ ওইয়্যে।” তারা পূঅবোর নাঙান্‌ রাগেলাক ওবেদ। ওবেদ এলদে যিশয়র বাপ্‌ আর যিশয় অলদে দায়ূদোর বাপ।

১ শমূয়েল 14:47

শৌল ইস্রায়েলীয়গুনোর রাজা অনার পরেন্দি দেজর্‌ চেরোকিত্তে বেক্‌ শত্রুগুনো সমারে, অত্তাৎ মোয়াবীয়, অম্মোনীয়, ইদোমীয়, সোবার রাজাগুনো সমারে আর পলেষ্টীয়গুনো সমারে যুদ্ধো গোজ্যে। তে যিন্দি যেদঅ সিন্দি অমহদ ক্ষোতি গুরিদো।

১ শমূয়েল 22:2

যিগুনে দযাত্‌ আর কজ্জর্‌ ভারে দুখ্‌ পাদন্‌ আর যিগুনোর মনত্‌ বেজার্‌ বেজার্‌ মনভাব্‌ এলঅ তারা বেক্কুনে দায়ূদো ইদু যেইনে এগত্তর্‌ অলাক্। দায়ূদে তারার সেনাপতি অলঅ। এবাবোত্যেগুরি প্রায় চেরশত্‌ জন মরদ তার্‌ সমাজ্যে অলােক্।

১ শমূয়েল 22:4

সে পরেন্দি তে তা মা-বাবরে আনিনে মোয়াবর রাজা ইদু রাগেল। যেদকদিন সং দায়ূদে পৌল্যে থাইদ্যে জাগানত্ রলঅ সেদকদিন সং তারা মোয়াবর রাজা ইদু থেলাক্।

১ শমূয়েল 3:18

সেক্কে শমূয়েল এলিরে বেক্‌ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্‌ লাগে তে সিয়েনই গোরোক্।”