১ শমূয়েল 22:2 - Chakma Bible

² যিগুনে দযাত্‌ আর কজ্জর্‌ ভারে দুখ্‌ পাদন্‌ আর যিগুনোর মনত্‌ বেজার্‌ বেজার্‌ মনভাব্‌ এলঅ তারা বেক্কুনে দায়ূদো ইদু যেইনে এগত্তর্‌ অলাক্। দায়ূদে তারার সেনাপতি অলঅ। এবাবোত্যেগুরি প্রায় চেরশত্‌ জন মরদ তার্‌ সমাজ্যে অলােক্।

১ শমূয়েল 22:2 Iomraidhean Croise

২ শমূয়েল 17:8

তুই দঅ হবর্‌ পাজ্, তঅ বাপ্পো আর তা মানুচ্চুনে যোদ্ধা। তারা ছঅ কাড়ি নেযেয়্যে ঝার্‌বো ভালুগো ধোক্ক্যেন্‌ দর্‌গরেপারা। সিয়েন বাদেয়ো তঅ বাপ্পো এক্কো জদবদে যোদ্ধা; তে তার সৈন্যদলুনো ভিদিরে রেত্‌ ন-কাদেদ।

২ শমূয়েল 5:2

ইয়েনর্ আগেন্দি যেক্কে শৌল আমা রাজা এলঅ সেক্কে যুদ্ধোর্‌ অক্তত্‌ তুয়ই ইস্রায়েলীয়গুনোর সৈন্যগুন পরিচালনা গোজ্যস্‌; আর লগেপ্রভু তরে কোইয়্যেদে যেনে তুয়ই তা মানুচ্চুনোরে, অত্তাৎ ইস্রায়েলীয়গুনোরে দেগাশুনো গুরিবে আর তারার্‌ নেতা অবে।”

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

গম্ উপদেজ্ 31:6

যিগুনে মুরি যাদন্ তারারে মদ্ দে। যিগুনোর মনত্ দুঘ আঘে তারারে আংগুরো-রস দে;

মথি লেখ্যে গম্ হবর্ 11:12

বাপ্তিষ্মদিয়্যে যোহন সময়ত্তুন্ ধুরি তা ফগদাং গোজ্জ্যে হবরান ইক্কিনে সং স্বর্গ-রেজ্যগান জদবদে জোরে উজেই এজের্, আর যিগুনে উগ্র তারা সিয়েন্ ধুরি আঘন্।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

ইব্রীয় 2:10

বেক্কানি গোজেনত্যে আর বেক্কানি তারে দিইনে ওইয়্যে। সেনত্যে ভালুক্কুন পুয়োরে তার্ মহিমার ভাগী অবার্ আজায় উদ্ধোরর্ গড়াগান যীশুর দুঘ্ পানালোই পূরোণ গরানা গোজেনত্যে ঠিগ্ কামান ওইয়্যে।

বিচের গুরিয়্যেগুন 11:3

সেনত্তেই যিপ্তহ তার ভেইয়ুনোত্তুন ধেই যেইনে টোব দেজত্‌ বজত্তি গরা ধুরিলো। সিদু কুদুক্কুন বজং মানুচ্‌ তার্‌ চেরোকিত্তে এইনে এগত্তর্‌ অলাক্‌ আর তা সমারে ঘুরোঘুরি গরা ধুরিলাক্‌।

বিচের গুরিয়্যেগুন 18:25

জোবত্‌ দান-গুট্টির মানুচ্চুনে কলাক্‌, “তুই আর কধা ন-কোচ্‌। ইয়েনত্‌ কয়েক্কো বজং মানুচ্‌ আগন্‌ যিগুনে তঅ কধাগান শুনিনে তমারে আক্রমণ গুরিবাত্তে চেবাক্‌ আর সেক্কে তুই আর তঅ গিরির্ মানুচ্চুনে মারা পড়িবাক্‌।”

১ শমূয়েল 1:10

মনত্‌ দুগে হান্না লগেপ্রভু ইদু অমহদ কানি কানি তবনা গরা ধুরিলো।

১ শমূয়েল 22:3

পরেন্দি তে সিয়োত্তুন মোয়াব দেজর মিস্পী আদামত্‌ গেলঅ। তে মোয়াবর রাজাবোরে কলঅ, “মঅ পৌইদ্যেনে গোজেনর আওজ্‌‌চান্ কি যেদকদিন সং মুই জানি ন-পারং সেদকদিন সং দোয়্যে গুরিনে মঅ মা-বাবরে তইদু রাগা।”

১ শমূয়েল 23:13

এ কধাগান শুনিনে দায়ূদে তা লগে প্রায় ছয়শত্‌ মানুচ্‌ নেযেইনে কিয়ীলা ছাড়িনে গেলগোই আর এক জাগাত্তুন আরেকজাগাত্‌ ধেইনে বেড়া ধুরিলো। দায়ূদে কিয়ীলাদত্তুন্‌ ধেই যেইয়্যে শুনিনে শৌল আর সিদু ন-গেলঅ।

১ শমূয়েল 25:13

দায়ূদে তা মানুচ্চুনোরে কলঅ, “তুমি পত্তিজনে কমরত্‌ লাম্বাছুড়ি বানি নেযঅ।” সেক্কে তারা পত্তিজনেই কমরত্‌ লাম্বা ছুড়ি বানি নিলাক্‌ আর দায়ূদেয়ো সিয়েনই গুরিলো। সে পরেন্দি প্রায় চেরশত্‌জন মানুচ্‌ দায়ূদো সমারে গেলাক্‌ আর দ্বিশত্‌ মানুচ্‌ থেলাক্‌ পযাপিরা চুগি দিবাত্তে।

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”