১ শমূয়েল 22:16 - Chakma Bible

¹⁶ মাত্তর্‌ রাজা কলঅ, “অহীমেলক, তুই আর তর্‌ বাবর্‌ বংশর বেক্‌ মানুচ্চুনোত্তুন্‌ হামাক্কায় মরা পুরিবো।”

১ শমূয়েল 22:16 Iomraidhean Croise

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

১ রাজাবলী 19:2

বেক্‌ কধানি শুনিনে ঈষেবলে মানুচ্‌ দিইনে এলিয়রে কোই পাদেল, “এযেত্যে কেল্যে এ সময়ান ভিদিরে তর্‌ দজাগান্‌ যুনি তারার্‌ একজন ধোক্ক্যেন্ ন-গরঙ্‌ সালে দেবেদাগুনে যেনে মরে সাজা দুয়োন্‌ আর সিয়েন্‌ জদবদে গুরি দুয়োন।”

ইষ্টের 3:6

মাত্তর্‌ মর্দখয়র জাদ পৌইদ্যেনে হবর্‌ পেইনে বানা মর্দখয়রে মারে ফেলেবাত্তে এক্কান্‌ মামুলি বেপার্‌ বিলিনে তে মনে গুরিলো। সিয়েনর বদলে তে এক্কান্‌ পধ তোগা ধুরিলো যেনে অহশ্বেরশর পুরো রেজ্যগান ভিদিরেত্তুন্‌ মর্দখয়র মানুচ্চুনোরে, অত্তাৎ যিহূদীগুনোরে ভস্ত গুরি ফেলেই পারে।

গম্ উপদেজ্ 28:15

গুজুরি উদেদে সিংহবো আর আক্রমন গুরিয়্যে ভালুক্কো যেধোক্ক্যেন্, সেধোক্ক্যেন্ সেই পাজি মানুচ্চো যে নাঢা মানুচ্চুনোর শাজন্ গুরিয়্যে অয়।

দানিয়েল 2:12

ইয়েন্দোই রাজা এদক্ রাগ তুলিলোদে যে, তে বাবিলোত্ তার বেক্ সল্লাদিয়্যেগুনোরে মারে ফেলেবাত্তে উগুম দিলো।

দানিয়েল 2:5

জোবত্ রাজা তারারে কলঅ, “মুই ঠিগ্ গোজ্যংগে, মঅ স্ববনান্ কি আর সিয়েনর্ ভেদ্‌তান্ কি সিয়েন যুনি তুমি কোই ন-পার সালে তমারে কট্টা কট্টা গুরিনে কাবি ফেলা অবঅ আর তমা ঘরানি কাজর কুড়্ গরা অবঅ।

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

প্রেরিত্‌ 12:19

হেরোদে অমকদ গমেদালে তারে তোগেল, মাত্তর্ তারে ন-পেইনে চুগিদারুনোরে জেরা গুরিলো আর যেরেদি সেই চুগিদারুনোরে মারে ফেলেবার উগুম দিলো। ইয়েনর্ পরেদি হেরোদে যিহূদিয়াত্তুন্ কৈসরিয়াত্ গেলঅ আর সিধু কয়েক্ দিন থেলঅ।

দ্বি’লম্বর বিররণ 24:16

ঝি-পূঅগুনোর পাপর কারণে বাপ্পোত্তুন বা বাপ্পোর্‌ পাবত্তে ঝি-পূঅগুনোরে মারে ফেলেই ন-পারিবো। বেক্কুনোত্তুন্‌ তার নিজোর পাবত্তে মরা পুরিবো।

১ শমূয়েল 14:44

শৌল কলঅ, “অয় যোনাথন, তত্তুনোই মরা পুড়িবো। গোজেনে যেন তরে শাস্তি দে, হামাক্কায় শাস্তি দে।”

১ শমূয়েল 20:31

যেদকদিন যিশয়র পূঅ এ পিত্‌থিমীত্‌ বাঁজি থেবঅ সেদকদিন তুই থির্ ন-থেবে, তর্‌ রেজ্যগান্অ থির্ ন-থেবঅ। সেনত্যেই ইক্কিনে মানুচ্‌ পাদেইনে তারে মইদু লোই আয়, তাত্তুন্‌ মরা পুরিবো।”

১ শমূয়েল 22:15

মুই কি সেদিন্যে পত্তমবার তা পৌইদ্যেনে গোজেনর আওজ্‌চান্ কি সিয়েন পুযোর্ গোজ্যং? কনদিন্অ নয়। মহারাজ, তর্‌ এ চাগর্‌বোরে বা তা বাবর্‌ বংশর মানুচ্চোরে কনজনরে দুষ ন-দিবে। এ বেক্‌ বিষয়ানি পৌইদ্যেনে তর্‌ এ চাগর্‌বো কিচ্ছু হবর্‌ ন-পায়।”

১ শমূয়েল 22:17

সে পরেন্দি রাজা তার কায়-কুরে থিয়্যেই আগন্দে সৈন্যগুনোরে কলঅ, “তুমি যেইনে লগেপ্রভুর এ বেক্‌ ধর্মগুরুগুনোরে মারে ফেলঅ। ইগুনে দায়ূদোর পক্ষেন্দি যেইয়োন। ইগুনে হবর্‌ পেদাক্, দায়ূদে ধেই যার্‌, তো ইগুনে মরে সে কধাগান ন-জানান্।” মাত্তর্‌ রাজার কামগুরিয়্যেগুনে লগেপ্রভুর ধর্মগুরুগুনোর কিয়্যেত্‌ আত্‌ তুলিবাত্তে রাজী ন-অলাক্।