১ শমূয়েল 21:7 - Chakma Bible

⁷ দোয়েগ নাঙে শৌলর এক্কো ইদোমীয় কামগুরিয়্যে সেদিন্যে লগেপ্রভুর নাঙে কনঅ কামত্‌ সিয়েনত্‌ আক্‌সো যেয়্যেগোই। তে এলদে শৌলর য়েমানচোরেইয়্যের নেতাবো।

১ শমূয়েল 21:7 Iomraidhean Croise

পত্থম 26:20

মাত্তর্‌ গরার য়েমান্‌ চোড়েইয়্যেগুনে ইসহাকর্‌ য়েমান্‌ চোড়েইয়্যেগুনো লগে কোল্‌ বাজেইনে কলাক্, “এ পানিগান্‌ আমার”। এই কোল্‌ বাজানাত্তে ইস্‌হাকে সে কূয়োবোর্‌ নাঙান্‌ দিলো এষক (যিয়েনর ভেদতান্ “কোলবাজানা”)।

১ বংশধর 27:29

শারোণত্‌ যিদুক্কুন্‌ গোরু পাল্‌ চড়িদাক্ তারার্‌ ভারান্‌ এলদে শারোণীয় সিট্রয় উগুরে। কলগ গোরু পালুনো ভারান্‌ এলদে অদ্‌লয় পুয়ো শাফট উগুরে।

১ বংশধর 27:31

ছাগল আর ভেড়াছাগল পালুনোর্‌ ভারান্‌ এলদে হাগরীয় যাসীষ উগুরে। রাজা দায়ূদো সোম্বোত্তি চেইচিদিবার্‌ ভারান্‌ এলদে এ চেইচিদিয়্যেগুনো উগুরে।

২ বংশধর 26:10

তলেন্দি মুড়ো চাগালাত্‌ আর সংজাগাত্‌ তার্‌ ভালোক্কুন্‌ এ্যামানপাল এলাক্‌; সেনত্তে তে ধূল্যেচর-চাগালাত্‌ অজল্‌ অজল চুগিদার-ঘর বানেল আর ভালোক্কুন্‌ কূয়ো খুড়িলো। তা মানুচ্চুনে বোল্‌বোল্যে ভূইয়োত্‌ চাজ্‌ গুরিদাক্‌ আর মুড়োমুড়ি ইদু আংগুর ক্ষেত্‌ গুরিদাক্‌, কিত্তে তে চাজ্‌বাজ কাম্‌ কোচ্‌পেদঅ।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

লেবীয় 22:10

“ধর্মগুরুগুনোর্‌ পরিবারর্‌ মানুচ্‌ বাদে আর কনজনে উৎসর্ব গোজ্যে পবিত্র জিনিস্ হেই ন-পারিবাক্। ধর্মগুরুগুনোর্‌ কনঅ গর্বা বা কামগুরিয়েগুনে সিয়েন্‌ হেই ন-পারিবাক্।

লেবীয় 22:13

মাত্তর্‌ ধর্মগুরুবোর্‌ কনঅ রানিমিলে বা নেগে ছাড়ি দিয়্যে ভাজ্‌ ওইয়্যে মিলে যুনি বাবঅ ঘরত্‌ আগ ধোক্ক্যেন থেবাত্তে ফিরি এজে সালে তে তার্‌ বাবর্‌ খাইদে ভাক্কান্‌ পেবঅ। ধর্মগুরুর্‌ পরিবারর্‌ নয় এধোক্ক্যেন কনজনে সিয়েন্‌ হেই ন-পারিবাক্।

লেবীয় 24:5

“নিগুজ্‌ ময়দেলোই বারোবো রুটি সিগি নেযা পুরিবো। পত্তি রুটিত্তে তিন কেজি ছয়শ গ্রাম মোয়দে নেযা পুরিবো।

লেবীয় 24:8

ইস্রায়েলীয়গুনোর পক্ষত্তুন্‌ এ রুটিগান পত্তি জিরেবার দিনোত্‌ অক্তমজিম লগেপ্রভুর মুজুঙোত্ সাজেই রাগা পুরিবো। তারার্‌ এ রুটি রাগেবার কামান্‌ অবঅ এক্কান উমরর্ সুদোম।

আমোষ 8:5

তুমি কত্তে, “কক্ক্যে আঙোস্যেগান্ যেবগোই যেনে আমি শোজ্যনি বিজি পারিই? কক্ক্যে জিরেবার দিন্নো থুম্ অবঅ যেনে আমি বাজারত্ গম্ বেজি পারিই? আমি মাবেদে আড়িবো চিগোন গুরিবোং, দাম্ বাড়েবং, ঠগাইদ্যে পাল্লাবো বেবহার গুরিবোং,

মথি লেখ্যে গম্ হবর্ 15:8

এ মানুচ্চুনে মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়।

১ শমূয়েল 11:5

সেই অক্তত্‌ শৌলে মাদত্তুন্‌ তার গোরুর পালুন্দোই ফিরি এজের্‌। তে পুযোর্ গুরিলো, “কি ওইয়্যে? মানুচ্চুনো কিত্তে কানাকুদি গত্তন্‌?” তারা সেক্কে যাবেশর্‌ মানুচ্চুনে যিয়েনি কোইয়োন সিয়েনি তারে জানেলাক্।

১ শমূয়েল 14:47

শৌল ইস্রায়েলীয়গুনোর রাজা অনার পরেন্দি দেজর্‌ চেরোকিত্তে বেক্‌ শত্রুগুনো সমারে, অত্তাৎ মোয়াবীয়, অম্মোনীয়, ইদোমীয়, সোবার রাজাগুনো সমারে আর পলেষ্টীয়গুনো সমারে যুদ্ধো গোজ্যে। তে যিন্দি যেদঅ সিন্দি অমহদ ক্ষোতি গুরিদো।

১ শমূয়েল 21:8

দায়ূদে অহীমেলকরে পুযোর্ গুরিলো, “ইয়েনত্‌ তইদু কনঅ সেল্‌ বা লাম্বা ছুড়ি নেই? রাজার কামান জরুরী এলঅ বিলিনে মুই নিজোর্‌ লাম্বা ছুড়িলোই বা অন্য কনঅ অাত্যের্ আনি ন-পারং।”

১ শমূয়েল 22:10

তা পৌইদ্যেনে লগেপ্রভুর আওজ্‌চান্ কি অহীমেলকে সিয়েন লগেপ্রভুর্ ইদু পুযোর্ গোজ্যে। তে তারে হানা-দানা দিয়্যে আর পলেষ্টীয় গলিয়াতর লাম্বা ছুড়িগান্অ দিয়্যে।”

১ শমূয়েল 22:22

এ কধাগান শুনিনে দায়ূদ অবিয়াথররে কলঅ, “ইদোমীয় দোয়েগরে সেদিন্যে সিয়েনত্‌ দেগিনে মুই বুঝি পাজ্যং, তে হামাক্কায় যেইনে শৌলরে বেক্কানি জানেব। তঅ বাবর্‌ বংশর মানুচ্চুনোরে বেক্কুনোর মরণত্তে মুয়ই দায়ী।

১ শমূয়েল 22:9

ইদোমীয় দোয়েগে সে অক্তত্‌ শৌলর কামগুরিয়্যেগুনোর কায়-কুরে এলঅ। তে কলঅ, “মুই যিশয়র পূঅবোরে নোব আদামত্‌ অহীটূবোর্ পূঅ অহীমেলক ইদু যাদে দেখ্যং।