১ শমূয়েল 21:5 - Chakma Bible

⁵ দায়ূদে কলঅ, “আমার সুদোম্ মজিম আমি সত্য সত্য কনঅ মিলে ইদু ন-যেই। সৈন্যগুনোরে নেযেইনে মুই যেক্কে কনঅ সামান্য কামত্‌ নিগিলোং সেক্কেয়ো মর্‌ সৈন্যগুনে সিজি থান্‌। মাত্তর্‌ এচ্চ্যে তারা কদক্‌ সিজি আগন্‌।”

১ শমূয়েল 21:5 Iomraidhean Croise

যাত্রা 19:14

ইয়েন পরেদি মোশি মুড়োবো ইত্তুন্‌ লামি এইনে মানুচ্চুনোরে সিজি গুরিলো আর মানুচ্চুনে তারার্‌ কাবড়-চুগোরানি ধোই নেযেলাক্‌।

যাত্রা 19:15

সে পরেন্দি মোশি তারারে কলঅ‌, “তিন দিনোত্যেই তুমি যুগোল্‌ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”

যাত্রা 25:30

সেই টেবিলান উগুরে মঅ মুজুঙোত্‌ মুজুঙো-রুটি থঅ পড়িবো, আর সিয়েন যেনে আমিঝে সিয়েনত্‌ থায়।

লেবীয় 24:9

এই রুটি হারোণ আর তার পূঅগুনে পবিত্র তাম্বুল-ঘরর্‌ চাগালাত্‌‌ হেবাক্, কিত্যে লগেপ্রভুর্ নাঙে আগুন্দোই-গোজ্যে উৎসর্বর জিনিজো ভিদিরে ইবে এক্কো দাঙর্‌ পবিত্র জিনিস্। ইবে তারার্‌ নিত্য পাওনা।”

লেবীয় 8:26

পরেদি লগেপ্রভুর্ মুজুঙোত্ থোইয়্যে সদা নেইয়্যে রুটির্ খাড়াঙোত্তুন্ তে এক্কান রুটি, তেলর্‌ ময়ান দিয়্যে এক্কান্‌ পিদে আর এক্কান চাপাটি লোইনে সেই তেলান আর উলুহুল্লো উগুরে রাগেল।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।

১ পিতর 3:17

ভান্ন্যেই কাম গুরিনে দুঘ্ পানাত্তুন্ বরং গোজেনর্ আওজে গম্ কাম গুরিনে দুঘ্ পানা বোউত গম।