১ শমূয়েল 20:7 - Chakma Bible

⁷ সিয়েনত্‌ তারার বংশর বোজোজ্যে য়েমান-উৎসর্বর অনুষ্ঠান অর্‌। তে যুদি কয়, ‘গম্‌,’ সালেন্ তর্‌ চাগর্‌ মুই গমেডালে আগং; মাত্তর্‌ যুনি অমকদ রাগে ফুলি উদে সালে তুই হবর্‌ পেবে, তে মর্‌ অমংগল গুরিবো বিলিনে মন থির্ গোজ্যে।

১ শমূয়েল 20:7 Iomraidhean Croise

২ শমূয়েল 17:4

অবশালোম আর ইস্রায়েলর বেক্‌ বুড়ো নেতাগুনো ইদু এ বুদ্ধিগান গম্‌ বিলিনে মনে গুরিলাক্।

ইষ্টের 7:7

রাজা রাগে আংগুর-রস্‌চান্ থোইনে উদিলো আর নিগিলিনে রাজঘরর্‌ বাগানত্‌ গেলঅ। রাজা হামনর ভাগ্যগান ঠিগ্‌ গুরি ফেলেয়্যে বুঝিনে তে রাণী ইষ্টের ইদু পরাণান ভিক্ষ্যে চেবাত্তে সিয়েনত্‌ থেলঅ।

দ্বি’লম্বর বিররণ 1:23

তমার্‌ কধাগানি মইদু গম্‌ বিলিনে মনে অলঅ। সেনত্তেই মুই তমার্‌ পত্তি গুট্টিত্তুন্‌ একজন গুরিনে বেক্কুনে বারজন মানুচ্‌ বেঈ লোলুং।

১ শমূয়েল 20:33

সেক্কে শৌল যোনাথনরে মারে ফেলেবাত্তে সেল্‌ মারিলো। সেক্কে যোনাথনে বুঝি পারিলোদে, তা বাপ্পো দায়ূদোরে মারে ফেলেব বিলিনে ঠিগ্ গোজ্যে।

১ শমূয়েল 20:9

যোনাথনে কলঅ, “তুই কনদিন্অ এধোক্ক্যেন চিদে ন-গুরিচ্‌। যুনি মুই হবর্‌ পাংগে, মঅ বাপ্পো তর্‌ অমংগল গুরিবাত্তে থির্ গোজ্যে, সালে হামাক্কায় মুই সিয়েন তরে জানেম্।”

১ শমূয়েল 25:17

ইক্কিনে তুই কি গুরিবে সিয়েন ভাবি চাহ্, কিত্যে আমা গিরোজ্‌ আর তার বেক্‌ মানুচ্চুনোরে অমকদ ক্ষেতি গুরিবার সল্লা গরা অর্‌। মাত্তর্‌ আমা গিরোজ্‌সো এমন্‌ এক্কো রমচক্র মানুচ্‌, তে কারঅ কধা ন-শুনে।”