১ শমূয়েল 20:3 - Chakma Bible

³ মাত্তর্‌ দায়ূদে আরঅ শমক্‌ খেইনে কলদে, “তঅ বাবে অমকদ গমেডালে হবর্‌ পাইদে, তুই মরে কোচ্‌পাচ্‌। সেনত্যেই অয়ত তে মনে মনে চিন্তে গোজ্যে, যোনাথনরে এ পৌইদ্যেনে ন-জানানা গম্‌, তে দুঃখো পেবঅ। মাত্তর্‌ জেদা লগেপ্রভুর দিব্য আর তর্‌ পরাণর দিব্য দিইনে মুই কঙর্‌, মরণান্‌ মইত্তুন্‌ বানা এক বিগোত্‌ দূরোত্‌।”

১ শমূয়েল 20:3 Iomraidhean Croise

২ শমূয়েল 15:21

মাত্তর্‌ ইত্তয় রাজারে কলঅ, “জেদা লগেপ্রভুর নাঙে কঙর্ আর মঅ গিরোজ্‌ মহারাজার্‌ নাঙে কঙর্, মঅ গিরোজ্‌ মহারাজে যিয়েনত্‌ থেবঅ সিয়েনত্‌ তঅ চাগর্‌ মুইয়ো থেম্‌, সেক্কে মুই বাঁজি থাং বা মুরি যাং।”

২ রাজাবলী 2:2

এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 2:4

ইয়েন পরেন্দি এলিয় তারে কলঅ, “ইলীশায়, তুই ইয়োত্‌ থাক্‌; লগেপ্রভু মরে যিরীহোত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণানর নাঙে কঙর্, মুই তরে ফেলেই ন-যেম্‌।” সেনত্তে তারা যিরীহোত্‌ গেলাক্‌।

২ রাজাবলী 2:6

ইয়েন পরেন্দি এলিয় তারে কলঅ, “তুই ইয়োত্‌ থাগ্‌; লগেপ্রভু মরে যর্দন গাঙ পারত্‌ যেবাত্তে কোইয়্যে।” জোবত্‌ তে কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা দ্বিজনে যাহ্ ধুরিলাক্‌।

গীতসংহিতা 116:3

মরণর দুড়িত্ মুই বানা হেইয়োং, চিদেশালর পিড়ে মরে পেইয়্যে; মুই অমকদ দুঘ্ পাঙর্।

যিরমিয় 38:16

সেক্কে রাজা সিদিকিয় ভিদিরে ভিদিরে যিরমিয় ইধু শমক্ হেইনে কলঅ, “যিবে আমারে নিজেস্ লবার্ বৈয়্যেরান দিয়্যে সেই জেদা লগেপ্রভুর নাঙে, মুই তরে মারেই ন-ফেলেম বা যিগুনে তরে মারেই ফেলেবাত্তে চাদন্ তারা আঢত্অ তরে ন-দিম।”

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

দ্বি’লম্বর বিররণ 28:66

কি অবঅ ন-অবঅ এই চিদেগান তমার অবঅ; আর দিন-রেত্‌ দর্‌‌দর্‌ মনভাব্‌পোই তুমি বাঁজি থানা পৌইদ্যেনে কনদিনঅ নিশ্চিত ওই ন-পারিবা।

দ্বি’লম্বর বিররণ 6:13

তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্‌ নাঙেই শমক্‌ গুরিবা।

ইব্রীয় 6:16

নিজোত্তুন যিবে দাঙর্ তা নাঙেই মান্‌জ্যে শমক্ খান। সেক্কে সেই শমক্‌কানে এই নিচ্চয়তাগান দান গরেদে, যিয়েন কুয়ো ওইয়্যে সিয়েন সত্য, আর ইয়েনত্ বেক্‌ ঝাগুলুক্কানি থামায়।

১ শমূয়েল 1:26

হান্না কলদে, “ও মর্‌ প্রভু, তরে সাক্ষী রাগেইনে মুই শমক্‌ খেইনে কঙর্‌, মুয়ই সেই মিলেবো, যে ইদু তর্‌ মুজুঙোত্‌ ঠিয়্যেইনে লগেপ্রভুর ইদু তবনা গোজ্যে।

১ শমূয়েল 17:55

দায়ূদরে সেই পলেষ্টীয়গুনোর লগে যুদ্ধো গুরিবাত্তে যাদে দেগিনে শৌল তার সেনাপতি অব্‌নেরকরে কোইয়্যেদে, “আচ্ছা অব্‌নের, এই গাবুজ্যেবো কার্ পূঅ?” জোবত্‌ অবনেরে কলদে, “মহারাজ্, তর্‌ পরাণানরে শমক্‌ খেইনে কঙর্‌, মুই হবর্‌ ন-পাং।”

১ শমূয়েল 20:2

যোনাথনে কলঅ, “কনদিন্অ না, তরে মারে ফেলা ন-অবঅ। চঅ, মঅ বাপ্পো মরে ন-জানেইনে চিগোন-দাঙর্‌ কনঅ কামই ন-গরে। তো এই কধাগান তে মত্তুন্‌ কিত্তে লুগেব? ইয়েন ওই ন-পারে।”

১ শমূয়েল 20:4

সেক্কে যোনাথনে দায়ূদোরে কলঅ, “তুই মরে যিয়েনি গুরিবাত্তে কবে মুই তত্তে সিয়েনিই গুরিম।”

১ শমূয়েল 25:26

“ও মর্‌ প্রভু, জেদা লগেপ্রভুর নাঙে কঙর্ আহ্‌ তর্‌ পরাণানর্‌ নাঙে কঙর্, তর্‌ শত্রুগুনোরে আর যিগুনে তর্‌ ক্ষেতি গুরিবাত্তে চায় তারার্‌ দজাগান নাবল ধেক্ক্যেন্‌ অবঅ, কিত্যে লগেপ্রভু তরে লো জোরোবাত্তে ন-দে আর নিজোর্‌ আদে হেনা সুজিবাত্তে ন-দে।

১ শমূয়েল 27:1

দায়ূদে মনে মনে ভাবিলো, “এই শৌলর আঢদই মত্তুন্‌ একদিন মরা পুরিবো, সেনত্যেই পলেষ্টীয়গুনোর দেজত্‌ ধেই যানাগানই মর্‌ পক্ষেন্দি বেগত্তুন্‌ গম্‌ অবঅ। সালে ইস্রায়েল দেজ ভিদিরে তে আর মরে তোগেইনে ন-বেড়েব, আর মুইয়ো তার আঢত্তুন্‌ রোক্ষ্যে পেম্‌।”