১ শমূয়েল 20:12 - Chakma Bible

¹² সে পরেন্দি যোনাথনে দায়ূদোরে কলঅ, “ইস্রায়েলীয়গুনোর গোজেন লগেপ্রভু সাক্ষী, কেল্যে বা পোর্‌শু এ অক্তত্‌ মুই মঅ বাবা সমারে কধা কোই চেইম্‌। যুনি তর্‌ পক্ষেন্দি গম্‌ বুঝোং সালে মুই সেক্কে মানুচ্‌ পাদেইনে তরে জানেম্।

১ শমূয়েল 20:12 Iomraidhean Croise

২ শমূয়েল 21:7

শৌলর নাদিন্নোরে, অত্তাৎ যোনাথনর্ পূঅ মফীবোশতরে রাজা বাঁজেই রাগেল, কিত্যে শৌলর পূঅ যোনাথনর ইদু দায়ূদে লগেপ্রভুরে সাক্ষী রাগেইনে এক্কান্ শমক্‌ গোজ্যে।

ইয়োব 31:4

তে কি মর্ আদাউদো গরানা ন-দেগের্? মর্ পত্তি পোইদ্যাগুন্ তে ন-গণের্?

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

গম্ উপদেজ্ 20:5

মান্‌জ্যর মন আজাগান মাদিত্ তলে থেইয়্যে পানি ধোক্ক্যেন্, মাত্তর্ বুদ্ধিবলা মান্‌জ্যে সিয়েন তুলি আনে।

যিহোশূয় 22:22

বেক্কুনোর্‌ দাঙর্‌ গোজেন লগেপ্রভু! বেক্কুনোর্‌ দাঙর্‌ গোজেন লগেপ্রভু! তে দঅ‌ হবর্‌ পায় আর ইস্রায়েলীয়গুনেয়ো হবর্‌ পাদোক্‌। ইয়েন যুনি লগেপ্রভুর বিরুদ্ধে কনঅ‌ উল্লোমী বা অবাধ্য অনার্‌ কাম্‌ ওই থায় সালে তুমি এচ্চ্যে আমারে রেহাই ন-দিবা।

১ শমূয়েল 20:11

যোনাথনে কলঅ, “আদিচ্‌, আমি মাদঠ্‌ যেই।” ইয়েন কোইনে তারা দ্বিজনে নিগিলিনে একলগে মাদঠ্‌ গেলাক্।

১ শমূয়েল 20:13

যুনি মঅ বাপ্পো তর্‌ অমংগল গুরিবাত্তে চাই আর মুই তরে ন-জানাং আর গমেডালে তরে পাধেই দিবার বেবস্থা ন-গরং সালে লগেপ্রভু যেনে মরে সাজা দে আর অমহদগুরিনে দে। লগেপ্রভু যেধোক্ক্যেন মঅ বাপ্পো সমারে এলঅ সেধোক্ক্যেন্‌ তর্‌ লগেয়ো থোক্‌।

১ শমূয়েল 23:18

তারা দ্বিজনে লগেপ্রভুরে সাক্ষী রাগেইনে এক্কো চুক্তি গুরিলাক্। পরেন্দি যোনাথনে ঘরত্‌ গেলগোই মাত্তর্‌ দায়ূদে হরেশত্‌ থেই গেলঅ।