১ শমূয়েল 20:1 - Chakma Bible

¹ ইয়েনর্ পরেন্দি দায়ূদে রামার নায়োৎ আদামত্তুন ধেইনে যোনাথন ইদু গেলঅ আর তারে পুযোর্ গুরিলো, “মুই কি গোজ্যং? মর্‌ কি দুষ? তর্‌ বাবর্‌ বিরুদ্ধে মুই কি পাপ গোজ্যং, তে মরে মারে ফেলেবার চেট্টা গোজ্যে?”

১ শমূয়েল 20:1 Iomraidhean Croise

গীতসংহিতা 54:3

অন্যজাদর্ মানুচ্চুনে মর্ বিরুদ্ধে লাক্যন্; অত্যেচারিগুনে মর্ পরাণান্ নিবাত্তে চেট্ট্যা গোজ্যন্; গোজেন উগুরে এ মানুচ্চুনোর কনঅ ভোক্তি নেই।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

১ যোহন 3:21

পরাণর্ পুয়ো-ছা লগ্, আমা মনানে যুনি আমারে দুষি ন-গরে সালে গোজেন মুজুঙোত্ আমার সাহচ্‌ থেবঅ।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 19:1

শৌল তার পূঅ যোনাথনরে আর বেক্‌ কামগুরিয়্যেগুনোরে কলঅ যেনে তারা দায়ূদরে মারে ফেলান। মাত্তর্‌ দায়ূদো উগুরে শৌলর পূঅ যোনাথনর অমকদ টান্ এলঅ।

১ শমূয়েল 19:18

ইন্দি দায়ূদে ধেই যেইনে পরাণান বাজেল। তে রামাত্‌ শমূয়েল ইদু গেলঅ আর শৌলে তা উগুরে যিয়েনি গোজ্যে সিয়েনি বেক্কানিই তারে জানেল। ইয়েনর্ পরেন্দি দায়ূদে আর শমূয়েলে যেইনে নায়োৎ আদামত্‌ যেইনে বজত্তি গরা ধুরিলো।

১ শমূয়েল 20:2

যোনাথনে কলঅ, “কনদিন্অ না, তরে মারে ফেলা ন-অবঅ। চঅ, মঅ বাপ্পো মরে ন-জানেইনে চিগোন-দাঙর্‌ কনঅ কামই ন-গরে। তো এই কধাগান তে মত্তুন্‌ কিত্তে লুগেব? ইয়েন ওই ন-পারে।”

১ শমূয়েল 20:32

যোনাথনে তা বাপ্পোরে কলঅ, “কিত্তে তাত্তুন্‌ মরা পুরিবো? তে কি গোজ্যে?”

১ শমূয়েল 24:11

ও মর্‌ বাবা, এই চাহ্, মঅ আঢত্‌ তর্‌ পোজাগর্‌ এক্কান কট্টা। মুয়ই তর্‌ পোজাগত্তুন্‌ এ কট্টাগান কাবি নেযেয়োং মাত্তর্‌ তরে মারেই ন-ফেলাং। সালে তুই এবেরা বুঝি পারিলে আর হবর্‌ পেলে, তর্‌ উগুরে কনঅ অন্যেয় বা উল্লোমীর্ মনভাব মর্‌ মনত্‌ নেই। মুই তর্‌ বিরুদ্ধে কনঅ পাপ ন-গরং, মাত্তর্‌ তুই মরে মারে ফেলেবাত্তে উৎ পাদিনে আগচ্‌।

১ শমূয়েল 24:12

লগেপ্রভুই যেনে মর্‌ আর তর্‌ বিচের্‌ গরে আর মঅ উগুরে তুই যে অন্যেয় গোজ্যচ্‌ সিয়েনর ফল দে; তো মুই তঅ বিরুদ্ধে আঢ্ ন-তুলিম।

১ শমূয়েল 24:17

তে দায়ূদোরে কলঅ, “তুই মত্তুন্‌ বেশ্‌ ন্যায়বলা, কিত্যে মুই তর্‌ লগে ভান্ন্যেই বেবহার গুরিলেয়ো তুই মর্‌ লগে দোল্‌ বেবহার্‌ গোজ্যচ্‌।

১ শমূয়েল 24:9

এচ্চ্যে দঅ তুই নিজোর চোগেই দেগিলে, যিদুক্কুন মান্‌জ্যে তরে কোইয়োন দায়ূদে তরে ক্ষতি গুরিবার চেট্ট্যা গোজ্যে, তুই কিত্তে তারার কধানি শুন্যচ্‌?

১ শমূয়েল 26:18

সে পরেন্দি তে আরঅ কলঅ, “কিত্তে মঅ গিরোজ্‌সো তার চাগরবোর্‌ পিজেন্দি লোড়েইনে বেড়ার্‌? মুই কি গোজ্যং? কি অন্যেয় গোজ্যং?