১ শমূয়েল 2:9 - Chakma Bible

⁹ তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।

১ শমূয়েল 2:9 Iomraidhean Croise

ইয়োব 18:18

তারে পহ্‌রত্তুন্‌ আন্ধারত্‌ দূর্‌ গরা অবঅ; সংসারত্তুন্‌ তারে ধাবেই দিয়্যে অবঅ।

ইয়োব 40:13

তারারে বেক্কুনোরে একসমারে ধূল্যেলোই নাঢি ফেলা; মরণর জাগানত্ তারারে বানি রাগা।

ইয়োব 5:16

সেনত্তে অসহায় মানুচ্চুনে আজালোই বুক্কো বানন্‌, আর অবিচের্‌ বন্ধ ওই যায়।

ইয়োব 5:24

তুই হবর্‌ পেবে, তঅ তাম্বুলান্‌ কিচ্চু ন অবঅ; তঅ‌ সোম্বোত্তিগানর্‌ ইজেব্‌ নেযেলে দেগিবে তর্‌ কিচ্ছু ন-আরাজ্‌।

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 105:37

তে সনা-রূবো সুদ্ধো ইস্রায়েলীয়গুনোরে নিগিলেই আনিলো; তারা গুট্টিগুনোত্তুন্ কনজনে বল্ পোজ্যে ন-অন।

গীতসংহিতা 121:3

তে তঅ টেঙান্ বিজিদি যেবাত্তে ন-দিবো; যিবে তরে চুগি দে তে ঘুমোত্ ঢুলি ন-পুরিবো।

গীতসংহিতা 121:5

লগেপ্রভু তর্ রোক্ক্যেগুরিয়্যে; লগেপ্রভু তর্ ছাবা, তে তঅ ডেনেদি আঘে।

গীতসংহিতা 121:8

তর্ পত্তিদিনোর জিংকানিত্ লগেপ্রভু তরে চুগি দিবো, ইক্কিনেত্তুন্ ধুরি উমর সং দিবো।

গীতসংহিতা 145:20

যিগুনে লগেপ্রভুরে কোচ্‌পান বেক্কুনোরে তে রোক্ক্যে গরে, মাত্তর্ বেক্ পাজিগুনোরে তে ভস্ত গুরি ফেলেব।

গীতসংহিতা 31:17

ও লগেপ্রভু, মুই দঅ তরে ডাক্কোং, তুই মরে লাজত্ পড়িবাত্তে ন-দিচ্; পাজি মানুচ্চুনে বরং লাজত্ পোড়োদোক্, তারা জুরো গুরিনে মরণর জাগানত্ পড়ি থাদোক্।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

গীতসংহিতা 94:18

যেক্কেনে মুই ভাবিদুং মঅ টেঙান বিজিদি যার্, সেক্কে ও লগেপ্রভু, তর্ অমকদ কোচ্‌পানাগানে মরে ধুরি রাগায়।

গীতসংহিতা 97:10

যিগুনে লগেপ্রভুরে কোচ্‌পান তারা অন্যেয়ানরে ঘিনাদোক্; তেয়ই দঅ তা ভক্তগুনোর্ পরাণানি রোক্ক্যে গরে আর পাজিগুনোর আঢত্তুন্ তারারে উদ্ধোর্ গরে।

গম্ উপদেজ্ 16:9

মান্‌‌জ্যে মনে মনে নিজো পথ্‌তান পৌইদ্যেনে সল্লা গরন, মাত্তর্ তা টেঙ পোইদ্যেবো লগেপ্রভু চালায়।

গম্ উপদেজ্ 2:8

যেন তে দোল্ বিচের গুরি পারে, আর তা ভক্তগুনোর্ পথ্‌তানি রোক্ষ্যে গুরি পারে।

গম্ উপদেজ্ 3:26

কিত্তে তুই লগেপ্রভু উগুরে বিশ্বেজ্ গুরিবে, আর তে ফালত্ পড়ানাত্তুন্ তঅ টেঙান রোক্ষ্যে গুরিবো।

উপদেশক 5:17

হাঙেলেত্যে, যন্ত্রণা আর রাগ্‌কোই সারা জিংকানিবর্ তে আন্ধারত্ কাদায়।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

যিশাইয় 27:3

মুই লগেপ্রভু সিয়েনর্ দেগাশুনো গরং; মুই নিত্য সিয়েনত্ পানি দুয়োং। যেনে কনজনে সিয়েনত্ খেতি গুরি ন-পারন্ সেনত্তে দিনে-রেদে মুই সিয়েনত্ চুগি দুয়োং।

যিশাইয় 47:5

লগেপ্রভু কত্তে, ও বাবিল, তুই জুরো গুরি বস্; তুই আন্ধার ভিদিরে যাহ্। তরে আর রেজ্যগানির রাণী বিলিনে ডাগা ন-অবঅ।

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

নহূম 1:8

মাত্তর্ তে ডুবেই দিয়্যে বান পানিলোই নীনবী শঅরান্ এক্কুবারে শেজ্ গুরিবো; তার্ বিপক্ষগুনোরে তে আন্ধারত্ লোড়েব।

সফনিয় 1:15

সেদিন্নো অবঅ রাগর্ দিন, অমকদ দুদ্দশা আর মনত্ দুঘো দিন, দযা আর ভস্ত অনার্ দিন, ঘুর্‌‌‌ঘুজ্যে আন্ধারর দিন, মেঘ আর ঘুর্‌‌‌ঘুজ্যে আন্ধারর্ দিন।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

গণাণা 6:24

লগেপ্রভু তরে বর্ দোক্ আরঅ রোক্ষে গোরোক্‌;

মথি লেখ্যে গম্ হবর্ 8:12

মাত্তর্ যিগুনোর রেজ্যত্ থেবার কধা তারারে বারেদি আন্ধারত্ ফেলে দিয়্যে অবঅ। সিয়েনত্ মানুচ্চুনে কানাকুদি গুরিবাক্ আর যন্ত্রনায় দাত্ কামারা ধুরিবাক্।”

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

দ্বি’লম্বর বিররণ 33:3

“ঘেচ্চ্যেকগুরি তে তার নিজোর মানুচ্চুনোরে কোচ্‌পায়। পবিত্র দূত্তুনে তার অধীনোত্‌ আগন, তারা বেক্কুনে তা টেঙানিত্‌ মাদা নিগিরিনে আগন; তাত্তুনোই তারা উগুম পান্‌।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

২ পিতর 2:17

এই মানুচ্চুনে শুগেই যেয়্যে পয়নালা ধোক্ক্যেন আর ঝর আবাত্ বেঈ নেযেয়্যে কুয়ো ধোক্ক্যেন। ঘুর্‌ঘুজ্জ্যে আন্ধার্ তারাত্যে থুবেই রাগা ওইয়্যে।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।

১ শমূয়েল 25:26

“ও মর্‌ প্রভু, জেদা লগেপ্রভুর নাঙে কঙর্ আহ্‌ তর্‌ পরাণানর্‌ নাঙে কঙর্, তর্‌ শত্রুগুনোরে আর যিগুনে তর্‌ ক্ষেতি গুরিবাত্তে চায় তারার্‌ দজাগান নাবল ধেক্ক্যেন্‌ অবঅ, কিত্যে লগেপ্রভু তরে লো জোরোবাত্তে ন-দে আর নিজোর্‌ আদে হেনা সুজিবাত্তে ন-দে।