১ শমূয়েল 2:28 - Chakma Bible

²⁸ ইস্রায়েলীয়গুনোর পুরো গুট্টির ভিদিরেত্তুন কি মুই লেবীয়গুনোরে বেঈ ন-লং, যেনে তারা মর্‌ ধর্মগুরু ওইনে মর্‌ পূজোবো ইদু যেইনে পৌইরেক জ্বালেই পারন আর এফোদ উরিনে মর্‌ মুজুঙোত্‌ এই পারন? ইস্রায়েলীয়গুনোর বেক্‌ পুজ্যে-উৎসর্বর ভাগ কি মুই তারারে আর তারার বংশগুনোরে ন-দুয়োং?

১ শমূয়েল 2:28 Iomraidhean Croise

২ শমূয়েল 12:7

সেক্কে নাথনে দায়ূদোরে কলঅ, তুয়ই সেই মানুচ্চো। ইস্রায়েলর্‌ গোজেন লগেপ্রভু এ কধাগান কত্তে, মুয়ই ইস্রায়েল উগুরে তরে রাজপদথ্‌ অভিষেগ্ গোজ্যং আর শৌল আঢত্তুন্‌ তরে রোক্ষে গোজ্যং।

২ শমূয়েল 6:14

দায়ূদে মসীনার এফোদতো উরিনে লগেপ্রভুর মুজুঙোত্‌ বলপড়ে সং নাজা ধুরিলো।

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যাত্রা 28:4

তার্‌ এই পোজাগ ভিদিরে থেবঅ‌ বুক-ঢাগনি, এফোদ, বারেন্দি উরিবার্‌ সিলুম্‌, চেক্‌ কাবড়র্‌ ভিদিরেন্দি সিলুম্‌, খবং আর কমরত্‌-বানোনি। তর্‌ ভেই হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারাত্তেই পবিত্র পোজাক্‌ বানেই নেযেবে।

যাত্রা 30:7

“পত্তিদিন বেন্যেমাদান্ চেরাক্কুন্‌ ঠিগ্ গুরি রাগেবার্‌ অক্তত্‌ হারোণে সেই ডালিপূজোবো উগুরে তুম্বাস্‌ ধূপ জ্বালেব।

যাত্রা 30:8

বেলান্‌ ডুবোনার্‌ পরেন্দি চেরাগ্‌ ধোরেবার্‌ অক্তত্অ আরঅ‌ সেই ধূপ জ্বালেবে। সেক্কে তমার্‌ বংশর্‌ পর্‌ বংশ ধুরিনে লগেপ্রভুর মুজুঙোত্‌ সুদোম মজিম্ ধূপ জুলিবো।

লেবীয় 2:10

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্‌ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ বাদবাগি ভাক্কান দাঙর্ পবিত্র জিনিস্।

লেবীয় 2:3

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ যেরেদি ভাক্কো দাঙর্‌ পবিত্র জিনিস্।

লেবীয় 6:16

উৎসর্বর্ জিনিজোর্ বাদবাগি ভাক্কানি হারোণে আর তার্‌ পূঅগুনে হেবাক্‌। সিয়েনি তারার্ হা পুড়িবোবে সদা ন মিজেয়ে কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌।

লেবীয় 7:32

উদোলোলি-উৎসর্বর্ য়েমান ডেন্‌ ডাগর্‌ উলুহুলো য়েরাগান্‌ ধর্মগুরুবোরে দিয়্যে পুরিবো।

লেবীয় 7:36

যেদিন্যে তারারে আশিদ্‌বাদ গরা ওইয়্যে সেদিন্যেই লগেপ্রভু ইস্রায়েলীয়গুনোরে উগুম্‌ গোজ্যেদে যেন তারা বংশর্‌ পর্‌ বংশ ধুরিনে অক্ত মজিম্ এ ভাগ্‌কান্‌ তারারে দুয়োন।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

গণাণা 18:19

লগেপ্রভুর নাঙে ইস্রায়েলীয়গুনোর উৎসর্ব গোজ্যে বেক্‌ সুদ্ধো-সাংগ জিনিস্‌-পাদিনি মুই তরে আর তর্‌ ঝি-পূঅগুনোরে নিত্য পাওনা ইজেবে দিলুং। ইয়েনি লগেপ্রভুর চোগোত্‌ তর্‌ আর তর্‌ বংশর বেক্কুনোত্তে এক্কান উমরত্যে ঠিগেদে সুদোম্।”

১ শমূয়েল 14:3

আর তারা ভিদিরে অহিয় এলঅ, যিবের্‌ কিয়্যেত্‌ এফোদ এলঅ। অহিয় অহীটুবর পূঅ এলঅ, অহীটুবে ঈখাবোদর ভেই এলঅ, ঈখাবোদে পীনহসর পূঅ এলঅ আর পীনহসে এলির পূঅ এলঅ; এলি শীলোদত্‌ লগেপ্রভুর ধর্মগুরু এলঅ। যোনাথনে যে নিগিলি যেইয়্যে সিয়েন কনজনে হবর্ ন-পেদাক্।

১ শমূয়েল 2:18

মাত্তর্‌ চিগোন চিঝি শমূয়েল মসীনা সুদোলোই এফোদ উরিনে লগেপ্রভুর সেবা কাম্‌ গরা ধুরিলো।