১ শমূয়েল 2:25 - Chakma Bible

²⁵ মান্‌‌জ্যে যুনি মান্‌জ্য বিরুদ্ধে পাপ গরন্‌ সালে গোজেনে সিয়েনর মীমাংসা গুরি দি পারে; মাত্তর্‌ মান্‌জ্যে যুনি লগেপ্রভুর বিরুদ্ধে পাপ গরন্‌ সালে তাত্তে কনা কোজোলী গুরি পারিবো?” মাত্তর্‌ তারা তারার বাবর্‌ কধালোই কান ন-পাদিলাক্, কিত্যে লগেপ্রভু তারারে মারে ফেলেব বিলি ঠিগ্ গোজ্যে।

১ শমূয়েল 2:25 Iomraidhean Croise

পত্থম 38:10

মাত্তর্‌ তা এ বেবহারান্দোই লগেপ্রভু বেজার্ পেলঅ। সেনত্তে তারেয়ো লগেপ্রভু আর বাঁজি থেবাত্তে ন-দিলো।

পত্থম 38:7

মাত্তর্‌ যিহূদার এ পুয়োবো লগেপ্রভুর চোগোত্‌ এদক্‌ বজং এলদে যে, তে তারে আর বাঁজি থেবাত্তে ন-দিলো।

১ রাজাবলী 8:31

কনঅ মান্‌জ্যরে অন্যর বিরুদ্ধে অন্যেয় গুরিবার দুজে দুযি গরা অলে তা নিজো উগুরে অভিশাব্ ডাগি আনিবাত্তে যুনি তারে এগেম্ গুরিবাত্তে বাধ্য গরা অয় আর তে যেইনে তর্‌ এই ঘরর্‌ ডালিঘরানর মুজুঙোত্‌ সেই এগেমান্ গরে,

১ রাজাবলী 8:32

মাত্তর্‌ তুই স্বর্গত্তুন্‌ সে কধানি শুনিচ্‌ আর সেধোক্কেনগুরি কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষোর্‌ ফল তা মাঢাবোত্‌ চাপি দিইনে তারে দুষি বিলিনে প্রমাণ গুরিচ্‌ আর নিদ্দুজীবোরে তা কাম্‌ অনুসারে ফল দিইনে তারে নিদ্দুজি বিলিনে প্রমাণ গুরিচ্‌।

২ বংশধর 10:15

এধোক্ক্যেন গুরি রাজা মানুচ্চুনোর্‌ কধালোই কান্‌ ন-পাদিলো। শীলোনীয় অহিয়র মাধ্যমে লগেপ্রভু নবাটর পুয়ো যারবিয়ামরে যে কধাগান কোইয়্যে সিয়েন্‌ পূরোণ গুরিবাত্তে গোজেনত্তুন্‌ ঘটনাগান্‌ এধোক্ক্যেন গুরিনে ঘুদিলো।

২ বংশধর 25:16

ভাববাদীবোর্‌ কধাগান থুম্‌ অদে ন-অদে রাজা তারে কলঅ, “আমি কি রাজারে শল্লা দিয়্যে ইজেবে তরে নেযেয়্যেই? তুই মঅ অ, নলে তরে মারে ফেলা অবঅ।” সেক্কে সে ভাববাদীবো মঅ অলঅ, তো কলে, “মুই হবর্‌ পাং, তুই এ কামান্‌ গোজ্যস্‌ আর মঅ শল্লাগান্‌ কান ন-পাদচ্‌ বিলিনে গোজেনে তরে ভস্ত গুরিবাত্তে ঠিগ্‌ গোজ্যে।”

ইয়োব 9:33

আহ্‌, যুনি এধোক্ক্যেন্‌ কনজন থেদাক্‌ যিবে আমা ভিদিরে মগদ্দমা গুরি দি পারে আহ্‌ যিবের্‌ কধা আমি দ্বিজনে মানি নেযেই পারিই;

গীতসংহিতা 51:16

য়েমান্-উৎসর্বত্তে দঅ তুই হুজি ন-অচ্, অলে মুই সিয়েন গুরিদুং; পুজ্যে-উৎসর্বত্তেয়ো তুই হুজি ন-অচ্।

গীতসংহিতা 51:4

তর্ বিরুদ্ধে, বানা তর্ বিরুদ্ধে মুই পাপ গোজ্যং আর তর্ চোগেন্দি যিয়েনি ভান্ন্যেই সিয়েনি গোজ্যং। সেনত্তেই তর্ রায়ান্ ঠিগ্, তর্ বিচেরান গম্।

গম্ উপদেজ্ 13:1

জ্ঞানীবলা পুয়ো বাব শাজন্ মানে, মাত্তর্ ঠাট্টা-ঈচ্ গুরিয়্যেবো সংশোধনত্ কান্ ন-পাদে।

গম্ উপদেজ্ 15:10

যিগুনে গম্ পথ্‌তান ছাড়দন্ তারাত্তে দরমর সাজাগানে বাজ্জেই আঘে; যে মানুচ্চো সংশোধন কধা ঘিনেই তে মুরিবো।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

গণাণা 15:30

“মাত্তর্‌ ইস্রায়েলীয় বা তারা ভিদিরে বজত্তি গোজ্যে অন্য জাদর্ মানুচ্চুনো ভিদিরেত্তুন্‌ যুনি কনজনে আওজ্ গুরি অন্যেয় গরন্‌ সালে তে লগেপ্রভুরে অগমান গরে। তারে তার্‌ জাদ ভিদিরেত্তুন্‌ উদেই দিয়্যে পুরিবো।

দ্বি’লম্বর বিররণ 1:17

বিচেরর্‌ পৌইদ্যেনে তুমি কারঅ‌ পক্ষ ন নিবা আর চিগোন্‌-দাগর্‌ বেক্কুনোর্‌ কধা শুনিবা। বিচেরর্‌ কামান্‌ আজলে গোজেনর্; সেনত্তে কনঅ মান্‌জ্যরে তুমি ন দোরেবা। যুনি কনঅ বিচের্‌ তমা ইদু আগাত্যে বিলিনে মনে গরঅ সালে তুমি সিয়েন্‌ মইদু আনিবা, মুই সেই বিচেরান গুরিম্‌।

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

১ তীমথিয় 2:5

গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

ইব্রীয় 10:26

গোজেনর্ সত্যগানরে জানানার্ পরেদি যুনি আমি ইচ্চ্যে গুরিনে পাপ গরানাত্ থেই সালে পাপত্যে আমার আর্ কনঅ উৎসর্ব নেই;

ইব্রীয় 10:27

আঘেদে বানা বিচেরত্যে অমকদ দোরেইনে বাজ্জ্যেই থানা আর গোজেনর্ শত্রুগুনোরে ছেই গুরি ফেলানা ধোক্ক্যেন জ্বোল্‌‌জোল্ল্যে রাগ্।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

১ শমূয়েল 3:14

সেনত্যেই এলির বংশর পৌইদ্যেনে মুই শমক্‌ গুরিনে কঙর্‌, য়েমান ডালি বা অন্য কনঅ ডালিলোই তার বংশর অন্যেয়ানি কনদিনঅ ঢাগি দিয়্যে ন-যেবঅ।”