১ শমূয়েল 2:21 - Chakma Bible

²¹ লগেপ্রভু জদবদে হান্নারে মেইয়্যে গুরিলো। সেক্কে হান্না পিদিলী অলঅ আর তার্‌ বেক্কুনে তিন্নো পূঅ আর দ্বিবে মিলে অলাক্। ইন্দি চিগোন শমূয়েলে লগেপ্রভুর লগে থেইনে দাঙর্‌ উয়ো ধুরিলো।

১ শমূয়েল 2:21 Iomraidhean Croise

পত্থম 21:1

লগেপ্রভু তা কধা মজিম্‌ সারা ইন্দি মনযোগ দিলো আর তে তাত্তে যিয়েনি গুরিবো বিলি এগেম্ গোজ্যে সিয়েনি গুরিলো।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

গম্ উপদেজ্ 3:4

সিয়েনি গুরিলে গোজেন আর মান্‌জ্য মুজুঙোত্ তুই দোয়্যে আর সুনাঙ্ পেবে।

লূকে লেখ্যে গম্ হবর্ 1:68

“ইস্রায়েলর প্রভু গোজেনরে নাঙ্ গিনে ওক্, কিয়া তে তার্ নিজো মানুচ্চুনো ইন্দি মনযোগ্ দিয়্যে আর তারারে উদ্ধোর্ গোজ্যে।

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

লূকে লেখ্যে গম্ হবর্ 2:40

চিজি যীশু বয়জে দাঙর্ ওইনে খেমতাবলা ওই উদিলো আর জ্ঞানে ভরপুর্ উয়ো ধুরিলো। তা উগুরে গোজেনর্ আশিদ্‌বাদ এলঅ।

লূকে লেখ্যে গম্ হবর্ 2:52

যীশু জ্ঞানে, বয়জে আর গোজেনর আহ্ মান্‌জ্যর্ কোচ্‌পানায় দাঙর্ উয়ো ধুরিলো।

বিচের গুরিয়্যেগুন 13:24

সে পরেন্দি মিলেবোর এক্কো পূঅ অলঅ আর তে তা নাঙান্‌ রাগেল শিম্‌শোন। শিম্‌শোনে দাঙর্‌ ওয়া ধুরিলো আর গোজেনে তারে বর্‌ দিলো।

১ শমূয়েল 2:26

চিগোন চিঝি শমূয়েলে দাঙর্‌ উয়ো ধুরিলো আর লগেপ্রভু আহ্ মানুচ্চুনো ইদু কোচ্‌পানা পাহ্ ধুরিলো।

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।