১ শমূয়েল 2:18 - Chakma Bible

¹⁸ মাত্তর্‌ চিগোন চিঝি শমূয়েল মসীনা সুদোলোই এফোদ উরিনে লগেপ্রভুর সেবা কাম্‌ গরা ধুরিলো।

১ শমূয়েল 2:18 Iomraidhean Croise

২ শমূয়েল 6:14

দায়ূদে মসীনার এফোদতো উরিনে লগেপ্রভুর মুজুঙোত্‌ বলপড়ে সং নাজা ধুরিলো।

১ বংশধর 15:27

সুন্দুক্‌ বোইয়্যে লেবীয়গুনে, গানগেইয়্যেগুনে আর গান দলর্‌ পরিচালক কননিয় মসীনার পাদল্‌ কাবড় পোজাগকান উজ্যে। দায়ূদেয়ো মসীনার পাদল্‌ কাবড় পোজাগকান আর মসীনার লাম্বা সুলুম্মো উজ্যে।

যাত্রা 28:4

তার্‌ এই পোজাগ ভিদিরে থেবঅ‌ বুক-ঢাগনি, এফোদ, বারেন্দি উরিবার্‌ সিলুম্‌, চেক্‌ কাবড়র্‌ ভিদিরেন্দি সিলুম্‌, খবং আর কমরত্‌-বানোনি। তর্‌ ভেই হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারাত্তেই পবিত্র পোজাক্‌ বানেই নেযেবে।

লেবীয় 8:7

পরেদি তে হারোনরে ভিদিরে সিলুম্মো উরেই দিইনে ফারদ্‌ দুরিগান্‌ বাঁনি দিলো। তে এফোদর্‌ তলে সিলুম্মো আর সিবে উগুরে এফোদ্‌তুয়ো তারে উরেই দিলো আর এফোদ সমারে জড়া লাগেয়ে ফারদ্‌ দুরিগান্‌ দিইনে এফোদ্‌তোয়ো বাঁনি দিলো। সেক্কে এফোদ্‌তো তা কিয়্যেত্‌ আক্‌সোই থেলঅ।

১ শমূয়েল 14:3

আর তারা ভিদিরে অহিয় এলঅ, যিবের্‌ কিয়্যেত্‌ এফোদ এলঅ। অহিয় অহীটুবর পূঅ এলঅ, অহীটুবে ঈখাবোদর ভেই এলঅ, ঈখাবোদে পীনহসর পূঅ এলঅ আর পীনহসে এলির পূঅ এলঅ; এলি শীলোদত্‌ লগেপ্রভুর ধর্মগুরু এলঅ। যোনাথনে যে নিগিলি যেইয়্যে সিয়েন কনজনে হবর্ ন-পেদাক্।

১ শমূয়েল 2:11

ইয়েনর্ পরেন্দি ইল্‌কানা রামাত্ তার নিজোর ঘরত্‌ ফিরি গেলঅ, মাত্তর্‌ শমূয়েলে ধর্মগুরু এলির অধীনোত্তুন্‌ লগেপ্রভুর সেবা গরা ধুরিলো।

১ শমূয়েল 2:28

ইস্রায়েলীয়গুনোর পুরো গুট্টির ভিদিরেত্তুন কি মুই লেবীয়গুনোরে বেঈ ন-লং, যেনে তারা মর্‌ ধর্মগুরু ওইনে মর্‌ পূজোবো ইদু যেইনে পৌইরেক জ্বালেই পারন আর এফোদ উরিনে মর্‌ মুজুঙোত্‌ এই পারন? ইস্রায়েলীয়গুনোর বেক্‌ পুজ্যে-উৎসর্বর ভাগ কি মুই তারারে আর তারার বংশগুনোরে ন-দুয়োং?

১ শমূয়েল 22:18

সেক্কে রাজা দোয়েগরে কলঅ, “সালে তুই যেইনে ধর্মগুরুগুনোরে মারে ফেলা।” ইদোমীয় দোয়েগে সেদিন্যে পাচাশিজন ধর্মগুরুরে মারে ফেলেল। ধর্মগুরুগুনোর বেক্কুনোর কিয়্যেত্‌ এলদে মসীনার এফোদ।

১ শমূয়েল 3:1

চিগোন চিঝি শমূয়েলে এলির অধীনোত্তুন্ লগেপ্রভুরে সেবা-কাম গরা ধুরিলো। সেই অক্তত্‌ লগেপ্রভুর কধানি খুব কম শুনো যেদঅ