১ শমূয়েল 2:16 - Chakma Bible

¹⁶ সেই মানুচ্চো যুনি কদঅ, “পত্তমে তেলানি পুড়ো পুরিবো, সে পরেন্দি তুই তর্‌ আওজ্‌‌ মজিম য়েরা নেযেচ্‌,” তো তে কদঅ, “না, ইক্কিনেই সিয়েন দিয়্যে পুরিবো; ন-দিলে মুই জোর গুরিনে নেযেম।”

১ শমূয়েল 2:16 Iomraidhean Croise

নহিমিয় 5:15

মাত্তর্‌ মঅ আগেন্দি যিদুক্কুন্‌ শাজন্‌গুরিয়্যে এলাক্‌ তারা মানুচ্চুনোর্‌ উগুরে অমকদ গুয়োর্‌ বুদি চাপি দুয়োন্‌ আর হানা-দানা আর আংগুর-রস বাদেয়ো তারাত্তুন্‌ পাচশঅ কুড়ি গ্রাম রূবো নিদাক্‌। তারার্‌ চাগর্‌-বাগরুনেয়ো মানুচ্চুনোর্‌ উগুরে চেলা চোদেদাক্‌। মাত্তর্‌ গোজেনর উগুরে ভোক্তিপূর্ণ দর্‌ থানাই মুই সেধোক্কেন্‌ কাম্‌ ন-গরঙ্‌,

লেবীয় 3:16

ধর্মগুরুবো ইয়েনি নেযেইনে উৎসর্ব গোজ্যে হানা ইজেবে পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। উৎসর্ব গোজ্যে য়েমান্নোর্ তেলানি বেক্কানি লগেপ্রভুর্।

মীখা 3:5

যিদুক্কুন ভাববাদী মঅ মানুচ্চুনোরে ভান্ন্যেই পধেদি নেযেয়োন তারারে যুনি কনজনে হেবাত্তে দুয়োন্ সালে তারা “শান্তি” কোইনে ফগদাং গরন্; মাত্তর্ যুনি হেবাত্তে ন-দুয়োন সালে তারা তা বিরুদ্ধে যুদ্ধো গুরিবাত্তে যুক্কোল্ অন্। সেনত্তে লগেপ্রভু সেই ভাববাদীগুনোরে কত্তে,

বিচের গুরিয়্যেগুন 18:25

জোবত্‌ দান-গুট্টির মানুচ্চুনে কলাক্‌, “তুই আর কধা ন-কোচ্‌। ইয়েনত্‌ কয়েক্কো বজং মানুচ্‌ আগন্‌ যিগুনে তঅ কধাগান শুনিনে তমারে আক্রমণ গুরিবাত্তে চেবাক্‌ আর সেক্কে তুই আর তঅ গিরির্ মানুচ্চুনে মারা পড়িবাক্‌।”

১ শমূয়েল 2:15

সিয়েনি বাদেয়ো, তেলানি আগুনোত্‌ দিবার আগেন্দি ধর্মগুরুবোর্ চাগর্‌‌বো এইনে যে মানুচ্চো য়েমান-উৎসর্গ গোজ্যে তারে কদঅ, “আগুনোত্‌ ভাজেবাত্যেই ধর্মগুরুবোরে য়েরা দে। তে তত্তুন্‌ উজুনো য়েরা ন-নিবো, কাজা য়েরায়ই নিবো।”

১ শমূয়েল 2:17

লগেপ্রভুর চোগোত্‌ সেই গাবুজ্যে ধর্মগুরুগুনোর্ পাপ্পানি অমহদ ওইনে দেগা দিলো, কিত্যে তারা লগেপ্রভুর নাঙে এই বেক্‌ উৎসর্বর জিনিসছানি ঈচ্ গুরিদাক্।