১ শমূয়েল 2:14 - Chakma Bible

¹⁴ সিবেলোই তে মাত্যে আড়িত্‌ বা গাবালাত বা কোড়েয়েত্ বা পিলেত্ গুদেইদাক্ আর কাদা চামেচ্চোই যে য়েরাগান উদি এদঅ সিয়েন বেক্কান ধর্মগুরুবো নিজোত্তে নেযেদ। ইস্রায়েলীয়গুনোর যিদুক্কুন মানুচ্ শীলোত এদাক্ তারা উগুরে তারা এধোক্ক্যেন বেবহার গুরিদাক্।

১ শমূয়েল 2:14 Iomraidhean Croise

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

লেবীয় 7:34

ইস্রায়েলীয়গুনোর্‌ বেক্‌ উদোলোলি-উৎসর্বত্তুন্‌ মর্‌ নাঙে দুলেই রাগেয়্যে বুগোর্‌ য়েরাগান আর উৎসর্ব গোজ্যে উলুহুলো য়েরাগান মুই ধর্মগুরু হারোণ আর তার্‌ পূঅগুনোরে দিলুং। ইবে ইস্রায়েলীয়গুনোত্তুন্‌ তারার্‌ অক্ত মজিম্ পাওনা ভাগ অবঅ।

মীখা 3:3

তুমি মঅ মানুচ্চুনোর য়েরানি খর্, তারার্ চামাড়াগানি তুলি ফেলেইনে আড়ুন্ কট্টা কট্টা গুরি ভাঙর্; তুমি আড়ি ভিদিরে য়েরা ধোক্ক্যেন গুরি তারারে কট্টা কট্টা গুরি কাবর্।

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

১ শমূয়েল 2:13

ধর্মগুরু ইজেবে মানুচ্চুনোর লগে তারার বেবহার এলদে অন্যধোক্ক্যেন: কনঅ মান্‌‌জ্যর্ য়েমান-উৎসর্বর য়েরা যেক্কে উজো ধুরিদাক্ সেক্কে ধর্মগুরুবোর্ চাগরুনে তিন কাদাবাবোত্যে এক্কান দাঙর্‌ চামেচ্‌ আনিদাক্।

১ শমূয়েল 2:15

সিয়েনি বাদেয়ো, তেলানি আগুনোত্‌ দিবার আগেন্দি ধর্মগুরুবোর্ চাগর্‌‌বো এইনে যে মানুচ্চো য়েমান-উৎসর্গ গোজ্যে তারে কদঅ, “আগুনোত্‌ ভাজেবাত্যেই ধর্মগুরুবোরে য়েরা দে। তে তত্তুন্‌ উজুনো য়েরা ন-নিবো, কাজা য়েরায়ই নিবো।”

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?