১ শমূয়েল 2:1 - Chakma Bible

¹ সে পরেন্দি হান্না তবনা গুরিনে কলঅ, “লগেপ্রভুরে নেযেইনে মুই হুজি গরং; লগেপ্রভুই মরে জিদেনাগান্ দান গোজ্যে। মর্‌ শত্রুগুনো মুজুঙোদোই মুই মুয়োন খুলিনে হুজির্-গীত্ গাঙর্‌; তুই মরে শত্রুগুনো আঢত্তুন উদ্ধোর গোজ্যচ্‌ বিলি মুই হুজি।

১ শমূয়েল 2:1 Iomraidhean Croise

২ বংশধর 20:27

সে পরেন্দি যিহোশাফট পিজে পিজে যিহূদা আর যিরূশালেমর বেক্‌ মানুচ্চুনে রঙ্গ-ফুত্তি গত্তে গত্তে যিরূশালেমত্‌ ফিরি এলাক্‌, কিয়া তারার্‌ শত্রুগুনো উগুরে লগেপ্রভু তারারে জিদেই দিলো।

নহিমিয় 11:17

ইগুনে বাদেয়ো এলদে মীখার পূঅ মত্তনিয়, যিবে ভালেদি আর তবনাগানি পরিচালনা কামত্‌ আজল্‌ এলঅ। মীখার পূরোণিমানুচ্চুন অলাক্‌ সব্দি আর আসফ। ইগুনোর্‌ লগে এলাক্‌ বক্‌বুকিয়, যিবে তার্‌ সমাজ্যেগুনোর্‌ ভিদিরে দ্বিলম্বরত্‌। আরঅ এলদে শম্মুয়োর পূঅ অব্দ; শম্মুয়োর পূরোণিমানুচ্চুনে অলাক্‌ গালল আর যিদূথূন।

ইয়োব 16:15

মঅ কিয়্যেগান উগুরে মুই বস্তাপাদা বেড়েয়োং; মঅ বার্‌বো গরানাগান্‌ মুই ধূল্যেত্‌ ফেলেই দুয়োং।

গীতসংহিতা 118:14

লগেপ্রভু মর্ বল্ আর মর্ গান; তাইদু আগেদে মর্ উদ্ধোরান্।

গীতসংহিতা 13:5

মাত্তর্ মুই তর্ কোচপানা উগুরে বিশ্বেজ্ গোজ্যং; তুই মরে রোক্ষ্যে গুরিবে বিলিনে মঅ মনান্ হুজি।

গীতসংহিতা 148:14

তা মানুচ্চুনোরে তে খেমতাবলা গোজ্যে; সিয়েন তার বেক্ ভক্তগুনোর্ বাঈনী, তার কোচ্‌পেইয়্যে জাদ্ ইস্রায়েলর বাঈনী। লগেপ্রভুরে নাঙ্ গিনে ওক্।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 20:5

তর্ জিদেনালোই আমি যেন হুজি ওই আর আমা গোজেন নাঙে বাবতা উড়েই। লগেপ্রভু তর্ বেক্ তবনাগানি গ্রাজ্য গোরোক্।

গীতসংহিতা 21:2

তুই তার্ মন আওজ্‌ছান পূরোণ গোজ্যস্, তার্ মুয়ো কধাগান এলাফেলা ন-গরচ্।

গীতসংহিতা 35:9

সেক্কে লগেপ্রভুরে নিইনে মুই ফুত্তি গুরিম; তার্ দিয়্যে উদ্ধোরে মুই ফুত্তি গুরিম।

গীতসংহিতা 51:15

ও প্রভু, মর্ মুয়োন খুলি দে, মুই তর্ নাঙ্ গিনেনা ফগদাং গুরিম।

গীতসংহিতা 71:8

মঅ মুয়োন্দি তর্ নাঙ্ গিনেনাগান্ থেবঅ, সিয়েন পুরো দিন্নো তর্ বাঈনী গুরিবার্ কধা কবঅ।

গীতসংহিতা 75:10

মুই পাজিগুনোর বেক শিঙুন কাবি ফেলেই দিম, মাত্তর্ গোজেন ভক্তগুনোর্ শিঙুন অজলত্ তুলো অবঅ।

গীতসংহিতা 89:17

তুয়ই দঅ তারার বলর্ শোভাগান; তর্ দোয়্যেলোই আমা বলর্ শিঙুন অজলত্ উদোন্।

গীতসংহিতা 89:18

আমা রাজাবোরে ইস্রায়েলর সেই সুদ্ধো-সাংগ মানুচ্চো নেযেয়্যে; আমা সেই ঢালান লগেপ্রভুর্ বেঈ লোইয়্যে।

গীতসংহিতা 89:24

মর্ বিশ্বেজছান আহ্ অমকদ কোচ্‌পানাগান তা সমারে থেবঅ; মঅ নাঙে তার বলর্ শিঙুন অজলত্ উদিবাক।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

গীতসংহিতা 92:10

ঝাড় গোরুর অজল্ শিং ধোক্ক্যেন্ তুই মর্ মাঢাবো অজলত্ তুল্যচ্; হুজিয়ে মঅ উগুরে নুয়ো তেল ঢালি দিয়্যে ওইয়্যে।

যাত্রা 15:1

ইয়েন পরেদি মোশি আর ইস্রায়েলীয়গুনে লগেপ্রভুর নাঙে এই গীদ্‌‌তো গেলাক্: মুই লগেপ্রভুর নাঙে গীদ্ গেইম্‌, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীর্ দলুনোরে তেয়ই বড়গাঙর্ পানিত্‌ ফেলেই দিলো।

যাত্রা 15:21

মোশির্‌ গীদ্‌তোর্‌ জোবত্‌ মরিয়মে এই গান্নো গেলঅ; “তুমি লগেপ্রভুর্‌ নাঙে গীদ্ গঅ, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীগুনোর দলুনোরে তেয়ই‌ ফেলেই দিলো বড়গাঙ পানিত্।”

হবক্‌‌‌‌কূক 3:1

ভাববাদী হবক্‌কূকর কবিতের্ সুরে তবনা গরানা।

হবক্‌‌‌‌কূক 3:18

তো মুই লগেপ্রভুরে নিইনে ফুত্তি গুরিম, মর্ উদ্ধোর্ গুরিয়্যে গোজেনরে নিইনে হুজি ওম্।

লূকে লেখ্যে গম্ হবর্ 1:69

তে আমাত্তে তা চাগর্ দায়ূদো গুট্টিত্তুন্ এক্কো খেমতাবলা উদ্ধোর্ গুরিয়্যে তুল্যে।

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

দ্বি’লম্বর বিররণ 33:17

তার মহিমাগান পত্তমে জর্মেয়্যে বলদ গোরু ধোক্ক্যেন, তা মাদাত্‌ আঘেদে ঝার্‌বো বলদ গোরুর শিং। সিগুন্‌দোই তে গুদেব দুনিয়ের বেক জাদরে, এন্‌ কি, ইয়েনর শেজ্‌ দুযিগানর্ জাদ্‌তুনোরেয়ো। এবাবোত্যে অবঅ ইফ্রয়িমর লাখ্ লাখ্ আর মনঃশির আজার আজার মানুচ্‌।”

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

১ শমূয়েল 1:6

লগেপ্রভু সিয়েন গোজ্যে বিলিনে তা যাল্লো তারে দেচ্যেয়ে-মেচ্যেয়ে কধা কোইনে তার মনান্‌ যাগুলুক্ গুরি দিলো।

১ শমূয়েল 1:7

বজর্‌কে বজর্‌ এসাইন্যাগুরি চলের্‌। হান্না যেক্কে লগেপ্রভুর ঘরত্‌ যেদঅ পনিন্না তারে দেচ্যেয়ে-মেচ্যেয়ে কধা কদঅ। সেনত্যেই তে কানাকুদি গুরিদো আরে কিচ্ছু ন-খেদঅ।