১ শমূয়েল 19:7 - Chakma Bible

⁷ পরেন্দি যোনাথন দায়ূদোরে ডাগিনে তারে বেক্‌ কধানি জানেল। তে তারে শৌল ইদু নেযেল আর দায়ূদে আগঅ ধোক্ক্যেন্‌ শৌলর্‌ ইদু রলঅ।

১ শমূয়েল 19:7 Iomraidhean Croise

পত্থম 31:2

যাকোবে ইয়েনঅ থারেল, তা উগুরে লাবনর আগ ধোক্ক্যেন সে মনভাব্‌ আর নেই।

১ বংশধর 11:2

ইয়েন আগেন্দি যেক্কে শৌল রাজা এলঅ সেক্কে যুদ্ধো সময়োত্‌ তুয়ই ইস্রায়েলীয়গুনোর সৈন্য পরিচালনা গুরিদে; আর তর্‌ গোজেন্‌ লগেপ্রভু তরে কোইয়্যেদে যেনে তুয়ই তা মানুচ্চুনোর, অত্তাৎ ইস্রায়েলীয়গুনোরে দেগাশুনো গরচ্‌ আর তারার্‌ নেতা অচ্‌।”

যাত্রা 4:10

মোশি লগেপ্রভুরে কলঅ, “মাত্তর্ প্রভু, মুই কনঅ দিন গমেডালে কধা কোই ন-পারং। আগেয়ো ন-পারং আর তর্‌ এ চাগর্‌বো লগে তুই কধা কনার্‌ পরেন্দিয়ো ন-পারঙর্‌। মঅ মুয়োনত্‌ কধানি বাঁজি থায়, মঅ ঝিলান্ ঘুয়োর্‌।”

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

১ শমূয়েল 16:21

দায়ূদে শৌলর ইদু এইনে তা কামত্‌ অদে অদে থেলঅ। শৌল তারে অমহদ কোচ্‌পা ধুরিলো আর তে শৌলর এক্কো বন্দুক বোইয়্যে অলঅ।

১ শমূয়েল 18:10

তার কেল্যে গোজেন ইত্তুন্‌ এক্কান ভান্ন্যেই আত্মা শৌল উগুরে এলঅ। তে নিজোর ঘর ভিদিরে আবোল-তাবোল কধা কুয়া ধোজ্যে। সেক্কে দায়ূদে অন্য দিনো ধোক্ক্যেন তা মুজুঙোত্‌ বীণা বাজা ধুরিলো। শৌলর আঢত্‌ এলদে এক্কো সেল্।

১ শমূয়েল 18:13

সেনত্যে শৌল দায়ূদোরে নিজোর কায়-কুরেত্তুন্‌ সোরেই দিলো আর তারে সৈন্যদলর্‌ আজার উগুরে নেতা ইজেবে নেযেল। সেক্কে দায়ূদে সৈন্যদলর নেতা ওইনে তারারে পরিচালনা গরা ধুরিলো।

১ শমূয়েল 18:2

শৌলে সেদিনোত্তুন ধুরিনে দায়ূদোরে নিজোর কায়-কুরে রাগেল; তা বাব ইদু আর তারে ফিরি যেবাত্তে ন-দিলো।

১ শমূয়েল 19:6

সেক্কে শৌল যোনাথনর কধানি শুনিনে শমক্ খেইনে কলদে, “জেদা লগেপ্রভুর দিব্য তারে মারে ফেলা ন-অবঅ।”

১ শমূয়েল 19:8

সে পরেন্দি আরঅ যেক্কে যুদ্ধো আরাম্ভ ওই গেলঅ সেক্কে দায়ূদে নিগিলি এইনে পলেষ্টীয়গুনো সমারে যুদ্ধো গুরিবাত্তে গেলঅ। তে তারার্‌ এদক মান্‌জ্যরে মারে ফেলেল, তারা তার মুজুঙোত্তুন্‌ ধেই গেলাক্।