১ শমূয়েল 19:23 - Chakma Bible

²³ সেনত্যেই শৌল রামার নায়োৎ আদামর ইন্দি রওনা অলঅ। মাত্তর্‌ গোজেনর আত্মাগান তা উগুরেয়ো এলঅ; সেক্কে তে গোদা পথ্‌‌তান্‌ ভাববাদী ইজেবে গোজেনর কধা কদে কদে নায়োদত্‌ লুমিলো।

১ শমূয়েল 19:23 Iomraidhean Croise

গম্ উপদেজ্ 16:9

মান্‌‌জ্যে মনে মনে নিজো পথ্‌তান পৌইদ্যেনে সল্লা গরন, মাত্তর্ তা টেঙ পোইদ্যেবো লগেপ্রভু চালায়।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

গণাণা 23:5

সেক্কে লগেপ্রভু বিলিয়মর্‌ মুয়োনত্‌ কদক্কানি কধা যুগেই দিইনে কলঅ,“তুই বালাক ইদু ফিরি যেইনে তারে এই কধানি কঅ।”

গণাণা 24:2

তে চেইনে দেগিলোদে, ইস্রায়েলীয়গুনোর্‌ নানান্‌ বাবোত্ত্যে গুট্টির্‌ তাম্বুলানি এক্কানর পর এক্কান্‌ তাঙেয়্যে আঘে। সেক্কে গোজেনর্‌ আত্মাগান তা উগুরে এলঅ,

মথি লেখ্যে গম্ হবর্ 7:22

সেদিন্যে ভালোক্ জনে মরে কবাক্, প্রভু, প্রভু, তঅ নাঙে কি আমি ভাববাদী ইজেবে কধা ন-কোই? তঅ নাঙে কি ভান্ন্যেই আত্মা ন-ধাবেই? তঅ নাঙে কি বোউত্ আমক্ অবার্ কাম ন-গুরিই?

যোহন 11:51

কাইয়াফা যে নিজোত্তুন্ এ কধাগান্ কোইয়্যে সিয়েন্ নয় মাত্তর্ তে এলদে সেই বজর দাঙর্ ধর্মগুরু। সেনত্তে তে আগাম্ কধা কোইয়্যেদে, যিহূদী জাদত্যে যীশু মুরিবো।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ শমূয়েল 10:10

শৌল আর তার চাগর্‌ গিবিয়াতত্‌ লুুমিলে এক ঝাক্ ভাববাদী সমারে তারার দেগা অলঅ। সেক্কে গোজেনর আত্নাগানে শৌলরে পুরোপুরিভাবে নিজোর অধীনোত্ আনিলো, আর সেক্কে তে সেই ভাববাদীগুনোর মোধ্যে যেইনে গোজেনর দিয়্যে কধা কুয়ো ধুরিলো।

১ শমূয়েল 10:12

সেক্কে সিদুগোর্ এক্কো মান্‌জে কলঅ, “মাত্তর্‌ ইগুনে কার্‌ পূঅ?” শৌলেয়ো কি ভাববাদীগুনো ভিদিরে একজন? এই কধাগান ডাগকধা ওই উদিলো।

১ শমূয়েল 10:6

সেক্কে লগেপ্রভুর আত্মাগান পুরোপুরিভাবে তরে নিজোর অধীনোত্ আনিবো, আর সেক্কে তুইয়ো তারার লগে গোজেনর দিয়্যে কধা কবে। সেক্কে তুই অন্য বাবোত্যে মানুচ্‌ ওই যেবে।

১ শমূয়েল 18:10

তার কেল্যে গোজেন ইত্তুন্‌ এক্কান ভান্ন্যেই আত্মা শৌল উগুরে এলঅ। তে নিজোর ঘর ভিদিরে আবোল-তাবোল কধা কুয়া ধোজ্যে। সেক্কে দায়ূদে অন্য দিনো ধোক্ক্যেন তা মুজুঙোত্‌ বীণা বাজা ধুরিলো। শৌলর আঢত্‌ এলদে এক্কো সেল্।

১ শমূয়েল 19:18

ইন্দি দায়ূদে ধেই যেইনে পরাণান বাজেল। তে রামাত্‌ শমূয়েল ইদু গেলঅ আর শৌলে তা উগুরে যিয়েনি গোজ্যে সিয়েনি বেক্কানিই তারে জানেল। ইয়েনর্ পরেন্দি দায়ূদে আর শমূয়েলে যেইনে নায়োৎ আদামত্‌ যেইনে বজত্তি গরা ধুরিলো।

১ শমূয়েল 19:20

এ কধাগান শুনিনে তে দায়ূদোরে ধুরি আনিবাত্তে মানুচ্‌ পাধেই দিলো। সে মানুচ্চুনে যেইনে দেগিলাক্ এক ঝাক্‌ ভাববাদী শমূয়েলর অধীনোত্‌ গোজেনর কধা কদন্‌। গোজেনর আত্মাগানে সেক্কে শৌলর মানুচ্চুনো উগুরেয়ো এলঅ আর তারায়ো ভাববাদী ইজেবে গোজেনর কধা কুয়ো ধুরিলাক্।

১ শমূয়েল 19:22

যেরেন্দি শৌল নিজেই রামাত্‌ গেলঅ আর সেখূতদ্ পানি জমা গুরি রাগেবার যে দাঙর্‌ জাগা এলঅ সিয়েনত্‌ যেইনে পুযোর্ গুরিলো, “শমূয়েল আর দায়ূদে কুদু?”