১ শমূয়েল 19:18 - Chakma Bible

¹⁸ ইন্দি দায়ূদে ধেই যেইনে পরাণান বাজেল। তে রামাত্‌ শমূয়েল ইদু গেলঅ আর শৌলে তা উগুরে যিয়েনি গোজ্যে সিয়েনি বেক্কানিই তারে জানেল। ইয়েনর্ পরেন্দি দায়ূদে আর শমূয়েলে যেইনে নায়োৎ আদামত্‌ যেইনে বজত্তি গরা ধুরিলো।

১ শমূয়েল 19:18 Iomraidhean Croise

গীতসংহিতা 116:11

মুই দোরেইনে কোইয়োং, “বেক মানুচ্চুন্ মিজে কধা কন্।”

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

১ শমূয়েল 1:19

তার কেল্যে বেন্যেপোত্যে তারা ঘুমোত্তুন্ উদিনে উবোসনা-ঘরত্‌ যেইনে লগেপ্রভুরে তবনা গুরিলাক্। সে পরেন্দি তারা রামাত্ তারার নিজো ঘরত্‌ ফিরি গেলাক্। পরেন্দি ইল্‌কানা তা মোক্কো হান্না সমারে মিজেল আর লগেপ্রভুয়ো হান্নার ইন্দি মনযোগ দিলো।

১ শমূয়েল 15:34

সে পরেন্দি তে রামাত্‌ গেলঅ আর শৌল গিবিয়াৎ-শৌল শঅরত্‌ তার নিজোর ঘরত্‌ গেলঅ।

১ শমূয়েল 19:19

শৌল হবর্‌ পেলদে, দায়ূদে রামার নায়োৎ আদামত্‌ আঘে।

১ শমূয়েল 19:22

যেরেন্দি শৌল নিজেই রামাত্‌ গেলঅ আর সেখূতদ্ পানি জমা গুরি রাগেবার যে দাঙর্‌ জাগা এলঅ সিয়েনত্‌ যেইনে পুযোর্ গুরিলো, “শমূয়েল আর দায়ূদে কুদু?”

১ শমূয়েল 19:23

সেনত্যেই শৌল রামার নায়োৎ আদামর ইন্দি রওনা অলঅ। মাত্তর্‌ গোজেনর আত্মাগান তা উগুরেয়ো এলঅ; সেক্কে তে গোদা পথ্‌‌তান্‌ ভাববাদী ইজেবে গোজেনর কধা কদে কদে নায়োদত্‌ লুমিলো।

১ শমূয়েল 20:1

ইয়েনর্ পরেন্দি দায়ূদে রামার নায়োৎ আদামত্তুন ধেইনে যোনাথন ইদু গেলঅ আর তারে পুযোর্ গুরিলো, “মুই কি গোজ্যং? মর্‌ কি দুষ? তর্‌ বাবর্‌ বিরুদ্ধে মুই কি পাপ গোজ্যং, তে মরে মারে ফেলেবার চেট্টা গোজ্যে?”

১ শমূয়েল 21:11

মাত্তর্‌ আখীশোর মানুচ্চুনে আখীশোরে কলাক্, “ইবে কি তার দেজর্‌ রাজা নয়? ইয়েনর্ পৌইদ্যেনে কি মানুচ্চুনে নাজি নাজি গান গেইনে ন-কন্‌, ‘শৌল মারিলোদে আজার আজার আর দায়ূদে মারিলো অযুত অযুত?’ ”

১ শমূয়েল 28:3

ইয়েনর্‌ আগেন্দি শমূয়েলে মুরি যেইয়্যে, আর ইস্রায়েলীয়গুনে বেক্কুনে তাত্তে আবিলেচ্‌ গুরিনে তারে তার নিজোর্‌ শঅর্‌ রামাত্‌ গোর্ দুয়োন। যিগুনে মরা মানজ্যর্‌ আত্মা সমারে কধাবাত্তা কন্‌ আর যিগুনে ভান্ন্যেই আত্মা সমারে মিজেন্‌ শৌল দেজত্তুন্‌ এধোক্ক্যেন বেক্‌ মানুচ্চুনোরে নিগিলেই দিয়্যে।

১ শমূয়েল 7:17

সে পরেন্দি তে রামাত্‌ তা ঘরত্‌ ফিরি গেলঅ। তে সিয়েনত্‌অ ইস্রায়েলীয়গুনোরে শাজন্ গুরিদো। সিদু লগেপ্রভুর নাঙে তে এক্কো পূজো বানেয়্যে।