১ শমূয়েল 19:17 - Chakma Bible

¹⁷ পরেন্দি শৌল মীখলরে কলঅ, “তুই কিত্তে ইঙিরিনে মরে ঠোগেলে? তুই মর্‌ শত্রুবোরে ইরি দেনায় তে ধেই যেইয়্যে।” মীখলে তারে কলঅ, “তে কোইয়্যেদে, ‘মরে যেবাত্তে দে, নলে মুই তরে খুন্ গুরিম।’”

১ শমূয়েল 19:17 Iomraidhean Croise

২ শমূয়েল 17:20

অবশালোমর্ মানুচ্চুনে সে ঘরানত্‌ এইনে মিলেবোরে পুযোর্‌ গুরিলাক্, “অহীমাস আর যোনাথনে কুদু?” জোবত্‌ মিলেবো কলঅ, “তারা পানি গঙারান্‌ পার্ ওই যেইয়োন।” সে মানুচ্চুনে তোগেইনে কাররে ন-পেলাক্, সেনত্তেই তারা যিরূশালেমত্‌ ফিরি গেলাক্।

২ শমূয়েল 2:22

অব্‌নের অসাহেলরে আরঅ কলঅ, “মহ্ অ, মরে ন-লোড়েস্‌। মুই তরে মারে ফেলেবাত্তে ন-চাং। মারিলে মুই কেজান্ গুরি তঅ ভেই যোয়াবরে মুয়োন্‌ দেগেম?”

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

গালাতীয় 4:16

ইক্কিনে সত্য কধাগান কবাত্যে কি মুই তমার শত্রু ওই যেইয়োং?

১ শমূয়েল 19:14

দায়ূদোরে ধুরিবাত্তে শৌল মানুচ্‌ পাদেলে মীখলে কলঅ, “তে অসুখ্‌।”

১ শমূয়েল 19:16

মানুচ্চুনে ঘরত্‌ সুমিনে বিচ্ছোন উগুরে সেই দেবেদামূত্তিগুন আর বিচ্ছোনান্ মাদা উগুরেন্দি ছাগল কেজর্‌ বালোচ্‌সো দেগিলো।

১ শমূয়েল 22:17

সে পরেন্দি রাজা তার কায়-কুরে থিয়্যেই আগন্দে সৈন্যগুনোরে কলঅ, “তুমি যেইনে লগেপ্রভুর এ বেক্‌ ধর্মগুরুগুনোরে মারে ফেলঅ। ইগুনে দায়ূদোর পক্ষেন্দি যেইয়োন। ইগুনে হবর্‌ পেদাক্, দায়ূদে ধেই যার্‌, তো ইগুনে মরে সে কধাগান ন-জানান্।” মাত্তর্‌ রাজার কামগুরিয়্যেগুনে লগেপ্রভুর ধর্মগুরুগুনোর কিয়্যেত্‌ আত্‌ তুলিবাত্তে রাজী ন-অলাক্।

১ শমূয়েল 28:12

পরেন্দি শমূয়েলরে দেগিনে মিলেবো কিজেক্‌ ছাড়িনে শৌলরে কলঅ, “তুই মরে কিত্তে ঠোগেলে? তুয়ই দঅ শৌল।”