১ শমূয়েল 18:8 - Chakma Bible

⁸ এই গান্‌‌নো শুনিনে শৌলর অমকদ রাগ অলঅ। তে বেজার্‌ ওইনে কলদে, “তারা দায়ূদো পৌইদ্যেনে অযুত অযুতোর কধা কলাক্‌ অদচ আমা পৌইদ্যেনে কলাক্‌ আজার আজার। ইয়েনর পরেন্দি রেজ্যগান বাদে দায়ূদোর আর কি পেবার্‌ বাগী রলঅ?”

১ শমূয়েল 18:8 Iomraidhean Croise

পত্থম 37:11

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

পত্থম 37:8

সেক্কে তা ভেইয়ুনে তারে কলাক্, “তুই কি ঘেচ্চেক্‌গুরি চিদে-গরর্‌ তুই রাজা অবে আর আমা উগুরে উগুম গুরিবে?” ইঙিরিনে তা স্ববনান্ আর তা কধাত্তে তা ভেইয়ুনে তারে আরঅ বেজ্ ইংসে গরা ধুরিলাক্।

১ রাজাবলী 2:22

জোবত্‌ রাজা শলোমনে তা মাবোরে কলঅ, “আদোনিয়ত্তে কিত্তে তুই শূনেমীয়া অবীশগরে চর্‌? তুই তাত্তেই রেজ্যগান্‌অ দঅ চেই পারিদে, কিত্যে তে মর্‌ দাঙর্‌ ভেই; অয়, তাত্তে, ধর্মগুরু অবিয়াথরত্তে আর সরূয়ার পূঅ যোয়াবত্তেয়ো সিয়েনি চেই পারিদে।”

ইষ্টের 3:5

মর্দখয় আদুয়ো ন-পাদে আর তারে সর্মান্অ ন-দেগায় হবর্‌ পেইনে হামনে অমকদ রাগ্‌ গুরিলো।

গম্ উপদেজ্ 13:10

বাড়্‌বো গরানাগানে বানা কোল্-কোজ্যে বাজেই দে, মাত্তর্ যিগুনে উবদেজ্ শুনোন্ তারা ইদু জ্ঞান পাহ্ যায়।

গম্ উপদেজ্ 27:4

রাগ্ জিনিস্‌‌চান চিৎনপুজ্যে আর দাঙর্ বান পানি ধোক্ক্যেন্, মাত্তর্ ইংসে-নিন্দে মুজুঙোত্ কনজনে থিয়্যেই থেই ন-পারে।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 22:34

সেক্কে বিলিয়মে লগেপ্রভুর দূত্‌তোরে কলঅ, “মুই পাপ গোজ্যং। মুই বুঝি ন-পারং, তুই মরে মানা গুরিবাত্তে পদথ্‌ থিয়্যেই আগচ্‌। তুই যুনি বেজার্‌ অচ্‌ সালে মুই ফিরি যেম্‌।”

যাকোব 4:5

তুমি কি মনে গরঅ যে, পবিত্র বোইবো মিজে মিজে এ কধাগান কয় যে, পবিত্র আত্মা, যিয়েনরে গোজেনে আমা মন ভিদিরে দিয়্যে, তে আমাত্তুন্ ভোক্তি পেবাত্যে আওজ্ গুরিনে বাজ্জেই আঘে?

১ শমূয়েল 13:14

মাত্তর্‌ ইক্কিনে তর্‌ রাজাগিরিগান আর ভালোকদিন ন-টিগিবো। লগেপ্রভু তার মনে মন্‌জক্কাগুরি এক্কো মান্‌জ্যরে তোগেই নেযেয়্যে আর তারেই তা মানুচ্চুনোর নেতা নেযেয়্যে, কিত্যে তা উগুমানি তুই পালন ন-গরচ্‌।”

১ শমূয়েল 15:28

সেক্কে শমূয়েলে তারে কলঅ, “লগেপ্রভু এচ্চ্যে তঅ সিত্তুন্‌ ইস্রায়েলীয়গুনোর রেজ্যগানঅ এবাবোত্যেগুরি কারি নিলো আর তত্তুনো গম্‌ তর্‌ এক্কো দেজর্‌ মান্‌জ্যরে কাম ভারান্ দিলো।

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।

১ শমূয়েল 18:9

সে অক্তত্তুন্‌ ধুরিনে শৌলে দায়ূদোরে ইংসের চোগেন্দি দেগা ধুরিলো।

১ শমূয়েল 19:1

শৌল তার পূঅ যোনাথনরে আর বেক্‌ কামগুরিয়্যেগুনোরে কলঅ যেনে তারা দায়ূদরে মারে ফেলান। মাত্তর্‌ দায়ূদো উগুরে শৌলর পূঅ যোনাথনর অমকদ টান্ এলঅ।

১ শমূয়েল 20:31

যেদকদিন যিশয়র পূঅ এ পিত্‌থিমীত্‌ বাঁজি থেবঅ সেদকদিন তুই থির্ ন-থেবে, তর্‌ রেজ্যগান্অ থির্ ন-থেবঅ। সেনত্যেই ইক্কিনে মানুচ্‌ পাদেইনে তারে মইদু লোই আয়, তাত্তুন্‌ মরা পুরিবো।”