১ শমূয়েল 18:14 - Chakma Bible

¹⁴ লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।

১ শমূয়েল 18:14 Iomraidhean Croise

পত্থম 39:23

যোষেফ আদত্‌ যে কাম ভারান এলঅ সিয়েনি জেলখানাত্‌ রাগেয়্যে দাঙর্ নেতাবোর আর দেগাশুনো গরা ন-পুড়িদো, কিত্তে লগেপ্রভু যোষেফ লগে এলঅ, আর ইয়েনত্তে যোষেফে যিয়েনত্‌ আত্‌ দিদো সিয়েনত্‌ লগেপ্রভু দোয়্যে গত্ত।

২ শমূয়েল 5:10

তে দেক্কে দেক্কে আরঅ দরমর ওই উদিলো, কিত্যে বেগত্তুন্‌ খেমতাবান লগেপ্রভু তা লগে এলঅ।

২ রাজাবলী 18:7

লগেপ্রভু তা সমারে থেদঅ। তে যে কনঅ কাম্‌ গুরিলে ফোলেদ। আসিরিয়ার রাজা বিরুদ্ধে উল্লোমি গুরিনে তে তার তলেন্দি অস্বীগের্‌ গুরিলো।

১ বংশধর 18:13

তে ইদোম কয়েক্কান্‌ জাগাত্‌ সৈন্যদল রাগেল আর সেক্কে বেক্‌ ইদোমীয়গুনে দায়ূদো অধীনোত্‌ অলাক্‌। দায়ূদে যে কনঅ জাগাত্‌ গেলে লগেপ্রভু সিদু তারে জিদেই দিদো।

১ বংশধর 18:6

দায়ূদে অরাম রেজ্যর দামেস্কত্‌ সৈন্যদলুন্‌ রাগেল। সেক্কে অরামীয়গুনে তা অধীনোত্‌ ওইনে তারে কর্‌ দিয়্যে ধুরিলাক্‌। ইঙিরিনে দায়ূদে যে কনঅ জাগাত্‌ গেলে লগেপ্রভু সিদু তারে জিদেই দিদো।

২ বংশধর 17:3

লগেপ্রভু যিহোশাফট লগে এলঅ, কিত্তে তার্‌ পূরোণিমানুচ্‌ দায়ূদে পত্তমে যেধোক্ক্যেন গুরি চলিদো তেয়ো সেধোক্ক্যেন গুরিনে চলিদো। তে বাল দেবেদাগুনোরে পূজো ন-গুরিনে বরং তার্‌ পূরোণি মানুচ্চুনোর্‌ গোজেনরে তবনা গুরিদো আর ইস্রায়েল ধোক্ক্যেন কাম্‌ ন-গুরিনে গোজেন উগুম মজিম্‌ চলিদো।

গীতসংহিতা 101:2

দোল্ জিংকানি কাদেবাত্তে মুই মনান্ দিম; কক্ক্যে তুই মইদু এবে? মঅ নিজো ঘরত্ মুই গম মনে থেম্।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

প্রেরিত্‌ 18:10

কিয়া মুই তঅ লগে লগে আগং। তরে আক্রমণ গুরিনে কেঅ তর্ ক্ষতি ন-গুরিবাক্, কিয়া এ শঅরত্ মর্ বোউৎ মানুচ্‌ আঘন্।”

যিহোশূয় 6:27

লগেপ্রভু যিহোশূয়র সমারে রলঅ, আর দেজর বেক্‌ জাগানিত্‌ তার সুনাং ছিদি পড়িলো।

বিচের গুরিয়্যেগুন 1:19

লগেপ্রভু যিহূদা-গুট্টির মানুচ্চুনো সমারে এলঅ‌। তারা মুড়ো-মুড়ি চাগালাগানি গজক্‌ গুরি নেযেয়োন ঠিগ্‌, মাত্তর্‌‌ সংজাগাত্তুন মানুচ্চুনোরে ধাবেই দি ন-পারন্‌, কিত্যে তারার্‌ লুয়োর্‌ রথ এলঅ‌।

১ শমূয়েল 10:7

এদক্কানি চিহ্নো ঘদানার পরেন্দি তর্‌ সেক্কে যিয়েনি গরানা উজিত্‌ তুই সিয়েনিই গুরিচ; গোজেনে তঅ লগে থেবঅ।

১ শমূয়েল 16:18

তার কাম্‌গুরিয়্যেগুনো ভিদিরেত্তুন্‌ একজনে কলঅ, “মুই বৈৎলেহমত্‌ যিশয়র এক্কো পূঅরে দেক্কোং। তে গমেদালে বীণা বাজেই জানে। তে এক্কো সাহসী আর যোদ্ধা। তে দোল্‌ গুরিনে কধা কোই জানে আর তে চাদেয়ো দোল্‌, আর লগেপ্রভুয়ো তা সমারে আঘে।”

১ শমূয়েল 18:15

দায়ূদে বেশ্ সফলতা লাভ গুরিলো দেগিনে শৌল তারে দর্‌গরেদে চোগেন্দি দেগা ধুরিলো।

১ শমূয়েল 19:8

সে পরেন্দি আরঅ যেক্কে যুদ্ধো আরাম্ভ ওই গেলঅ সেক্কে দায়ূদে নিগিলি এইনে পলেষ্টীয়গুনো সমারে যুদ্ধো গুরিবাত্তে গেলঅ। তে তারার্‌ এদক মান্‌জ্যরে মারে ফেলেল, তারা তার মুজুঙোত্তুন্‌ ধেই গেলাক্।

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।