১ শমূয়েল 18:12 - Chakma Bible

¹² শৌল দায়ূদরে দরা ধুরিলো, কিত্যে লগেপ্রভু দায়ূদো সমারে এলঅ মাত্তর্‌ শৌলরে তে ছাড়িনে যেইয়্যে।

১ শমূয়েল 18:12 Iomraidhean Croise

২ শমূয়েল 5:10

তে দেক্কে দেক্কে আরঅ দরমর ওই উদিলো, কিত্যে বেগত্তুন্‌ খেমতাবান লগেপ্রভু তা লগে এলঅ।

২ বংশধর 17:3

লগেপ্রভু যিহোশাফট লগে এলঅ, কিত্তে তার্‌ পূরোণিমানুচ্‌ দায়ূদে পত্তমে যেধোক্ক্যেন গুরি চলিদো তেয়ো সেধোক্ক্যেন গুরিনে চলিদো। তে বাল দেবেদাগুনোরে পূজো ন-গুরিনে বরং তার্‌ পূরোণি মানুচ্চুনোর্‌ গোজেনরে তবনা গুরিদো আর ইস্রায়েল ধোক্ক্যেন কাম্‌ ন-গুরিনে গোজেন উগুম মজিম্‌ চলিদো।

গীতসংহিতা 51:11

তঅ মুজুঙোত্তুন্ মরে দূর্ গুরি ন-দিচ্; মঅ ভিদিরেত্তুন্ তর্ সুদ্ধো-সাংগ আত্মাগানরে ন-নেযেচ্।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

লূকে লেখ্যে গম্ হবর্ 8:37

সেক্কে গাদারীয়গুনো চাগালাত্ বেক্ মানুচ্চুনে যীশুরে তারাত্তুন্ যেবাত্তে কোজোলী গুরিলাক্, কিয়া তারা অমকদ দোরেয়োন্। সেক্কে যীশু ফিরি যেবাত্তে নত্ উদিলো।

প্রেরিত্‌ 24:25

যেক্কে পৌলে গমেডালে চলানা, নিজোরে দমন্ রাগানা আর আগাম্ বিচের পৌইদ্যেনে কলঅ, সেক্কে ফীলিক্সে দোরেইনে কলঅ, “তুই ইক্কে যাহ্; সময়-সুযোগ্ মজিম মুই তরে ডাগিম্।”

প্রেরিত্‌ 7:9

সেই গুট্টির বাব্‌পুনে ইংসে গুরিনে যোষেফরে চাগর্ ইজেবে মিসর দেজত্ বেজি দুয়োন। মাত্তর্ গোজেনে যোষেফ লগে থেইনে বেক্‌ দুঘোত্তুন্ আর দজাত্তুন্ তারে রোক্ষ্যে গুরিলো। ইয়েন বাদে গোজেনে যোষেফরে জ্ঞান দান গুরিলো আর মিসরর্ রাজা ফরৌণ সুনজরত্ আনিলো। সেনত্তে ফরৌণে তারে মিসর শাসনগুরিয়্যে আর নিজো ঘরর্ সদ্দার্ বানেল।

বিচের গুরিয়্যেগুন 1:19

লগেপ্রভু যিহূদা-গুট্টির মানুচ্চুনো সমারে এলঅ‌। তারা মুড়ো-মুড়ি চাগালাগানি গজক্‌ গুরি নেযেয়োন ঠিগ্‌, মাত্তর্‌‌ সংজাগাত্তুন মানুচ্চুনোরে ধাবেই দি ন-পারন্‌, কিত্যে তারার্‌ লুয়োর্‌ রথ এলঅ‌।

বিচের গুরিয়্যেগুন 16:20

সে পরেন্দি দলীলা তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” শিম্‌শোনে ঘুমোত্তুন জাগি উদিনে ভাবিলোদে, তে আগঅ ধোক্কেন্‌ বারেন্দি যেবঅ আর ঝাগারা দিইনে নিজোরে উদ্ধোর্‌ গুরি নিবো। মাত্তর্‌ তে হবর্‌ ন-পেদঅ, লগেপ্রভু তারে ছাড়ি যেয়েগোই।

১ শমূয়েল 16:18

তার কাম্‌গুরিয়্যেগুনো ভিদিরেত্তুন্‌ একজনে কলঅ, “মুই বৈৎলেহমত্‌ যিশয়র এক্কো পূঅরে দেক্কোং। তে গমেদালে বীণা বাজেই জানে। তে এক্কো সাহসী আর যোদ্ধা। তে দোল্‌ গুরিনে কধা কোই জানে আর তে চাদেয়ো দোল্‌, আর লগেপ্রভুয়ো তা সমারে আঘে।”

১ শমূয়েল 16:4

শমূয়েলে লগেপ্রভুর কধা মজিম কাম্‌ গুরিলো। তে যেক্কে বৈৎলেহমত্‌ আঝিল্ অলঅ সেক্কে আদামর্‌ বুড়ো মাই-মুরুব্বীগুনে দরে গির্‌গিরাদে গির্‌গিরাদে তার লগে দেগা গুরিবাত্তে এলাক্। তারা পুযোর্ গুরিলাক, “তুই কি শান্তির মনভাব লোইনে এচ্ছোস?”

১ শমূয়েল 18:15

দায়ূদে বেশ্ সফলতা লাভ গুরিলো দেগিনে শৌল তারে দর্‌গরেদে চোগেন্দি দেগা ধুরিলো।

১ শমূয়েল 18:20

মাত্তর্‌ শৌলর আর এক্কো ঝি মীখল দায়ূদোরে কোচ্‌পেদঅ। মানুচ্চুনে যেক্কে সেই কধানি শৌলরে জানেলাক্ সেক্কে শৌল হুজি অলঅ।

১ শমূয়েল 18:29

সেক্কে দায়ূদো উগুরে তার দরান্‌ আরঅ বাড়িলো।

১ শমূয়েল 20:13

যুনি মঅ বাপ্পো তর্‌ অমংগল গুরিবাত্তে চাই আর মুই তরে ন-জানাং আর গমেডালে তরে পাধেই দিবার বেবস্থা ন-গরং সালে লগেপ্রভু যেনে মরে সাজা দে আর অমহদগুরিনে দে। লগেপ্রভু যেধোক্ক্যেন মঅ বাপ্পো সমারে এলঅ সেধোক্ক্যেন্‌ তর্‌ লগেয়ো থোক্‌।

১ শমূয়েল 22:13

শৌল তারে কলঅ, “তুই আর যিশয়র পূঅবো কিত্তে মর্‌ বিরুদ্ধে কুজুরোমি গোজ্য? তে যেনে এচ্চ্যে মর্‌ বিরুদ্ধে ‍উল্লোমী গুরি পারে আর উৎ পাদিনে বুয়োই থেই পারে সেনত্যে তুই তারে পিদে দুয়োচ্‌, লাম্বা ছুড়িগান দুয়োচ্‌ আর তাত্তে গোজেনর্ আওজ্‌চান্ কি সিয়েন পুযোর্‌ গোজ্যস।”

১ শমূয়েল 28:15

শমূয়েল শৌলরে কলঅ, “কিত্তে তুই মরে তুলি আনিনে কাঙেলেত্যে গুরিলে?” শৌল কলঅ, “মুই অমকদ দজাত্ পোজ্যং। ইন্দি পলেষ্টীয়গুনে মঅ বিরুদ্ধে যুদ্ধো গত্তন্‌ আর উন্দি গোজেনে মরে ছাড়িনে যেয়্যেগোই। তে আর মর্‌ ডাগানালোই ন-শুনিলো-ভাববাদীগুনোর মাধ্যমেও ন-দিলো, স্ববনর্ মাধ্যমেও ন-দিলো। সেনত্যে ইক্কিনে মত্তুন্‌ কি গরানা উজিত্‌ সিয়েন জানিবাত্তে তরে ডাগি আন্যং।”

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।