১ শমূয়েল 18:1 - Chakma Bible

¹ শৌল সমারে দায়ূদোর কধাবার্তা থুম্‌ ওই যানার পরেন্দি যোনাথনর পরাণান আর দায়ূদোর পরাণান্‌ যেনে একলগে বান্যেদে ধোক্ক্যেন ওই গেলঅ। তে দায়ূদোরে নিজো ধোক্ক্যেন কোচ্‌পা ধুরিলো।

১ শমূয়েল 18:1 Iomraidhean Croise

পত্থম 44:30

“সেনত্তে ইক্কিনে যুনি তঅ চাগর্‌বো ইধু, অত্তাৎ আমা বাপ্পো ইধু আমি ফিরি যেই সালে ঘেচ্চেক্ঘুরি তে মুরি যেবঅ, কিত্তে পুয়োবো সমারে তা পরানান্‌ যেন একলগে বান্যে আঘে। এবাবোত্যেগুরি তঅ চাগরুনে তারা বুড়ো বাপ্পোরে, অত্তাৎ তঅ চাগর্‌বোরে বোউত্‌ দুঘে মরণ জাগাত পাদেবাক্।

২ শমূয়েল 1:26

হায় যোনাথন, মঅ ভেইবো! তত্যেই মর্‌ অমকদ দুঃখো। মইদু তুই কত্তমান কোচ্‌‌পেইয়্যে; মত্তে তর্‌ কোচ্‌পানা এলঅ মিলেগুনোত্তুন্‌‌অ বেশ্ কোচ্‌পানাগান অমকদ এলঅ।

১ বংশধর 12:17

দায়ূদে তারা সমারে দেগা গুরিবাত্তে নিগিলি এইনে কলঅ, “তুমি যুনি শান্তির্‌ মনভাব লোইনে মরে বল্‌ দিবাত্তে এই থাগঅ সালে মুই তমা লগে এগত্তর্‌ অবাত্তে যুক্কোল্‌ আগং, মাত্তর্‌ মুই কনঅ অন্যেয় ন-গুরিলেয়ো যুনি কুজুরোমি গুরিনে শত্রু আঢত্‌ মরে তুলি দিবাত্তে এই থাগঅ সালে আমা পূরোণি মানুচ্চুনোর্‌ গোজেনে যেনে সিয়েনি দেগে আর তমা বিচেরানি গরে।”

গীতসংহিতা 86:11

ও লগেপ্রভু, তর্ পথ্‌তান পৌইদ্যেনে মরে শিক্ষ্যে দে, যেনে মুই তর্ সত্যলোই চলি পারং; তরে ভোক্তি গুরিবাত্যে মর্ দ্বিভাগ ওইয়্যে মনানরে তুই এগত্তর্ গর্।

গম্ উপদেজ্ 18:24

যিবের সমাজ্যে বেশ্ তার দজা ঘুদি যেই পারে, মাত্তর্ এমন্ সমাজ্যে আগন যে ভেইয়োত্তুন্‌অ বেশ্ বিশ্বেজি।

দ্বি’লম্বর বিররণ 13:6

পিত্‌থিমীর এক দুঝিত্তুন অন্য দুঝি সং তমার চেরোকিত্তে কায়কুরে বা দূরোর মানুচ্চুনে যে দেব-দেবেদাগুনোরে পূজো গুরিদাক, যিগুনে তমার আর তমার পুরোণিমানুচ্চুনোর অজানা সেই দেব-দেবেদাগুনোন্দি যুনি তমার নিজোর ভেই বা তমার পূঅ বা ঝি অথবা আদরর্‌ মোক্‌ বা তমার পরাণর সমাজ্যে তরে গায় গায় পেইনে ভান্ন্যেই পদেন্দি নেযেবাত্তে কন্‌, আদিচ্‌, আমি যেইনে দেব-দেবেদাগুনোর পূজো গুরিই,

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

বিচের গুরিয়্যেগুন 20:11

সেনত্তেই ইস্রায়েলীয়গুনোর নানান্‌ গুট্টির মানুচ্চুনে বেক্কুনে একসমারে এগত্তর্ ওইনে গিবিয়ার বিরুদ্ধে এক ওইনে ঠিয়্যেলাক্‌।

১ শমূয়েল 14:45

মাত্তর্‌ মানুচ্চুনে শৌলরে কলাক্, “কি? যিবেত্যে ইস্রায়েলীয়গুনে এই দাঙর্ উদ্ধোরান্ পেইয়োন সেই যোনাথনত্তুন মরা পুরিবো? কনদিনঅ নয়; জেদা লগেপ্রভুর শমক্‌, তা এক্কান চুলঅ মাদিত্‌ ন-পুরিবো, কিত্যে তে এচ্চ্যে যিয়েনি গোজ্যে সিয়েনি গোজেন লগে থেইনেই গোজ্যে।” মানুচ্চুনে এধোক্ক্যেনগুরি যোনাথনরে রোক্ষে গুরিলাক্, তারে মারে ফেলা ন-অলঅ।

১ শমূয়েল 18:3

দায়ূদরে নিজো ধোক্ক্যেন কোচ্‌পেদঅ বিলিনে যোনাথনে তা সমারে এক্কো চুক্তি গুরিলো।

১ শমূয়েল 19:1

শৌল তার পূঅ যোনাথনরে আর বেক্‌ কামগুরিয়্যেগুনোরে কলঅ যেনে তারা দায়ূদরে মারে ফেলান। মাত্তর্‌ দায়ূদো উগুরে শৌলর পূঅ যোনাথনর অমকদ টান্ এলঅ।

১ শমূয়েল 19:2

তে দায়ূদোরে কলঅ, “মঅ বাপ্‌‌পো শৌল তরে মারে ফেলেবার চেট্ট্যা গরের্‌। শুনিচ্‌, তুই কেল্যে বেন্যে গমেডালে থেচ্‌। এক্কান গুমুরো জাগাত্‌ যেইনে পৌল্যেই থেচ্‌।

১ শমূয়েল 20:17

যোনাথনে দায়ূদোরে নিজো ধোক্ক্যেন্‌ কোচ্‌পেদ বিলিনে তে দায়ূদোরে দিইনে তা উগুরে দায়ূদোর কোচ্‌পানার শমক্‌কান্‌ আরঅ গুরি নিলো।

১ শমূয়েল 20:8

সেনত্যেই তুই ইক্কিনে মঅ উগুরে বিশ্বেজী অ, কিত্যে লগেপ্রভুরে সাক্ষী রাগেইনে তুই মঅ লগে এক্কো চুক্তি গোজ্যস্। মুই যুনি দুষ গুরি থাং সালে তুই নিজেই মরে মারে ফেলেচ্‌, তঅ বাব আঢত্‌ মরে তুলি দিবার দরকার কি?”

১ শমূয়েল 22:8

তুমি বেক্কুনে মর্‌ বিরুদ্ধে কজুরোমি গোজ্য আর সেনত্যেই যিশয়র পূঅবো লগে যে মর্‌ পূঅবো চুক্তি গোজ্যে সিয়েন মরে তুমি কনজনে ন-জানঅ। মঅ পূঅবো যে এচ্চ্যে মঅ চাগরুনোরে মর্‌ উগুদো গুরিনে হাপ্‌ দিইনে বুয়োই থেবাত্তে উচ্চোমি দের্‌ সে কধানি মরে তুমি কনজনে ন-জানঅ বা মত্তে কারর্‌ দুঃখো নেই।”

১ শমূয়েল 23:18

তারা দ্বিজনে লগেপ্রভুরে সাক্ষী রাগেইনে এক্কো চুক্তি গুরিলাক্। পরেন্দি যোনাথনে ঘরত্‌ গেলগোই মাত্তর্‌ দায়ূদে হরেশত্‌ থেই গেলঅ।