১ শমূয়েল 17:13 - Chakma Bible

¹³ যিশয়র পূঅগুনো ভিদিরে পত্তম তিনজনে শৌল সমারে যুদ্ধোত্‌ যেইয়োন। যে তিনজনে যুদ্ধোত্‌ যেইয়োন তারাত্তুন্ দাঙর্‌বোর নাঙান্‌ অলঅ ইলীয়াব, দ্বিলম্বরবো নাঙান্‌ অবীনাদব আর তিন লম্বরবো নাঙান্‌ শম্ম।

১ শমূয়েল 17:13 Iomraidhean Croise

২ শমূয়েল 13:3

দায়ূদো ভেই শিমিয়োর পূঅ যোনাদব অলদে অম্মোনর সমাজ্যে। তে এলদে অমকদ চালাগ্।

২ শমূয়েল 13:32

মাত্তর্‌ দায়ূদো ভেই শিমিয়োর্‌ পূঅ যোনাদবে কলঅ, “মঅ গিরোজ্‌সো বিশ্বেজ্ গুরি ন-পারিবোদে, রাজার্‌ বেক্ পূঅগুনোরে মারে ফেলা ওইয়্যে; বানা অম্নোনরে মারা ওইয়্যে। ইয়েনর্ কারনান অলঅ, যেদিন্যে তে অবশালোম বোন্নো তামরর্‌ ইজ্জোদ্‌তান্‌ বর্‌বাদ্ গোজ্যে সেদিন্যেত্তুন্‌ ধুরি অবশালোমে ইয়েনই ঠিগ্‌ গুরি রাগেয়্যে।

২ শমূয়েল 21:21

তে যেক্কে ইস্রায়েল জাত্তোরে ঈচ্ গরের্ সেক্কে দায়ূদো ভেই শিমিয়র পূঅ যোনাথনে তারে মারে ফেলেল।

১ বংশধর 2:13

যিশয় দাঙর্‌ পুয়োবো অলদে ইলীয়াব, দ্বিলম্বর অবীনাদব, তিন লম্বর শম্ম,

১ শমূয়েল 17:28

দায়ূদোর দাঙর্ ভেই ইলীয়াব মানুচ্চুনো সমারে তার কধাবাত্তানি কদে শুনিনে রাগে ফুলি উদিলো। তে কলদে, “তুই কিত্তে ইদু এচ্ছোস্? ধূল্যেচর-চাগালার্‌ ভেড়াছাগলুনোরে কাইদু রাগেইনে এচ্চোস্? তর্‌ দেমাক্ আর মনর্‌ পাজি কধানি মত্তুন্‌ জানা আঘে। তুই যুদ্ধো চেবাত্তে এচ্ছোচ্ছে, নয় নি?”