১ শমূয়েল 16:18 - Chakma Bible

¹⁸ তার কাম্‌গুরিয়্যেগুনো ভিদিরেত্তুন্‌ একজনে কলঅ, “মুই বৈৎলেহমত্‌ যিশয়র এক্কো পূঅরে দেক্কোং। তে গমেদালে বীণা বাজেই জানে। তে এক্কো সাহসী আর যোদ্ধা। তে দোল্‌ গুরিনে কধা কোই জানে আর তে চাদেয়ো দোল্‌, আর লগেপ্রভুয়ো তা সমারে আঘে।”

১ শমূয়েল 16:18 Iomraidhean Croise

পত্থম 39:2

লগেপ্রভু যোষেফ লগে লগে এলঅ। সেনত্তে তে বেগ্‌ কামানি গমে-ডালে গুরি পাজ্যে। তারে তা মিসরীয় গিরোজ ঘরত্‌ রাগা ওইয়্যে।

পত্থম 39:23

যোষেফ আদত্‌ যে কাম ভারান এলঅ সিয়েনি জেলখানাত্‌ রাগেয়্যে দাঙর্ নেতাবোর আর দেগাশুনো গরা ন-পুড়িদো, কিত্তে লগেপ্রভু যোষেফ লগে এলঅ, আর ইয়েনত্তে যোষেফে যিয়েনত্‌ আত্‌ দিদো সিয়েনত্‌ লগেপ্রভু দোয়্যে গত্ত।

২ শমূয়েল 14:20

এ অবস্থাগান ফিরেবাত্তে তঅ চাগর্‌ যোয়াবে এ কামান গোজ্যে। দেজত্‌ কি অর্‌ ন-অর্‌ সিয়েন মঅ গিরোজসো হবর্‌ পায়। তা জ্ঞানান্‌ গোজেনর দূতো ধোক্ক্যেন্‌।”

২ শমূয়েল 17:10

সেক্কে বেগত্তুন্‌ বোলী আর সিংহ ধোক্ক্যেন্‌ সাহসী যে সৈন্যবোয়ো দরে গির্‌গিরেব, কিত্যে ইস্রায়েলর বেক্কুনে হবর্ পান্‌, তঅ বাপ্পো এক্কো যোদ্ধা আর তা লগে যিগুনে আগন্‌ তারায়ো বোলী।

২ শমূয়েল 17:8

তুই দঅ হবর্‌ পাজ্, তঅ বাপ্পো আর তা মানুচ্চুনে যোদ্ধা। তারা ছঅ কাড়ি নেযেয়্যে ঝার্‌বো ভালুগো ধোক্ক্যেন্‌ দর্‌গরেপারা। সিয়েন বাদেয়ো তঅ বাপ্পো এক্কো জদবদে যোদ্ধা; তে তার সৈন্যদলুনো ভিদিরে রেত্‌ ন-কাদেদ।

গম্ উপদেজ্ 12:8

মান্‌জ্যে যেবাবোত্যেগুরি বুদ্ধি খাদান্ সেই মজিম্ নাঙ্ গিনেনাগান্ পান, মাত্তর্ কুজুরো মন মানুচ্চুনোরে ঈচ্ গরা অয়।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

১ শমূয়েল 10:7

এদক্কানি চিহ্নো ঘদানার পরেন্দি তর্‌ সেক্কে যিয়েনি গরানা উজিত্‌ তুই সিয়েনিই গুরিচ; গোজেনে তঅ লগে থেবঅ।

১ শমূয়েল 16:12

সেনত্তেই যিশয় মানুচ্‌ পাদেইনে পূঅবোরে আনিলো। তার কিয়্যের রঙান্‌ এলঅ রাঙা বাবোত্যে, চোখ দ্বিবে দোল আর চেঙারা দোল্‌। সেক্কে লগেপ্রভু কলদে, “ইবেয়ই সেই মানুচ্‌, তুই যেইনে তারে অভিষেগ গর্‌।”

১ শমূয়েল 16:17

সেক্কে শৌল তার কাম্‌গুরিয়্যেগুনোরে কলদে, “সালে তুমি এন্‌ এক্কো মান্‌জ্যরে থগঅ যে গমেদালে বীণা বাজেই জানে আর তারে মইদু আন্‌।”

১ শমূয়েল 16:19

এই কধাগান শুনিনে শৌল যিশয়র ইদু মানুচ্‌ পাদেইনে কলদে যেনে তে তার য়েমান চোড়েইয়্যে পূঅ দায়ূদরে তাইদু পাধেই দে।

১ শমূয়েল 17:12

দায়ূদোর বাপ্পো যিশয় যিহূদা চাগালাত্‌ ইফ্রাথ, অত্তাদ্‌ বৈৎলেহম আদামত্‌ বজত্তি গুরিদো। তার আস্‌তোবো পূঅ এলাক্। শৌলর রাজাগিরি গুরিবার অক্তত্‌ তে বুড়ো ওই যেইয়্যে।

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।