১ শমূয়েল 16:1 - Chakma Bible

¹ পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 16:1 Iomraidhean Croise

১ রাজাবলী 8:16

মঅ মানুচ্‌ ইস্রায়েলীয়গুনোরে মিসরত্তুন্‌ নিগিলেই আনিবার পরেন্দি মুই ইস্রায়েলীয়গুনোর কনঅ গুট্টির শঅর বেঈ ন-নেযাং যিয়েনত্‌ নিজোরে ফগদাং গুরিবাত্তে থেবারজাগা ইজেবে এক্কান ঘর বানা যায়। মাত্তর্‌ মঅ মানুচ্‌ ইস্রায়েলীয়গুনোরে শাজন্ গুরিবাত্তে মুই দায়ূদোরে বেঈ লোইয়োং।

২ রাজাবলী 9:1

ইলীশায় শিচ্চ্য-ভাববাদীগুনো ভিদিরেত্তুন্‌ একজনরে ডাগিনে কলঅ, “তঅ কাবড়ান্‌ তঅ কমর্‌-বিজোনিগানত্‌ গুজেই লঅ আর এ তেল শিজিরিবো লোইনে তুই রামোৎ-গিলিয়দত্‌ যাহ্।

২ রাজাবলী 9:3

সে পরেন্দি সে শিজিরিবোত্তুন্‌ তা মাধাবোত্‌ তেল্‌ ঢালিনে কবেদে, লগেপ্রভু কোইয়্যেদে, ‘ইস্রায়েলর রাজা ইজেবে মুই তরে অভিষেগ্ গুরিলুঙ।’ সে পরেন্দি দোরান্‌ খুলিনে ধাবা দিবে, দেরি ন-গুরিবে।”

২ রাজাবলী 9:6

সেক্কে যেহূ উদিনে ঘরঅ ভিদিরে গেলঅ। সেক্কে সে ভাববাদীবো যেহূর মাধাবোত্‌ সে তেলান্‌ ঢালিনে কলঅ, “ইস্রায়েলর গোজেন লগেপ্রভু এ কধাগান কোইয়্যেদে, ‘লগেপ্রভুর মানুচ্চুনো উগুরে, অত্তাৎ ইস্রায়েলর উগুরে রাজা ইজেবে মুই তরে অভিষেগ্ গুরিলুঙ্‌।

১ বংশধর 11:3

ইস্রায়েল দেজর্‌ বেক্‌ বুড়ো নেতাগুনে হিব্রোণত্‌ দায়ূদ ইদু আজিল্ অলাক্‌। সেক্কে দায়ূদে লগেপ্রভুরে সাক্ষী রাগেইনে তারা লগে এক্কান চুক্তি গুরিলো, আর শমূয়েল মাধ্যমে কোইয়্যে লগেপ্রভুর কধা মজিম তারা দায়ূদরে ইস্রায়েল দেজ উগুরে রাজা ইজেবে অভিষেগ গুরিলো।

১ বংশধর 28:4

তো ইস্রায়েল গোজেন লগেপ্রভু জনমভুরি ইস্রায়েল উগুরে রাজা অবাত্তে মঅ গদা গিরিবো ভিদিরেত্তুন্‌ মরে বেঈ নেযেয়োচ্। তে নেতা ইজেবে যিহূদারে বেঈ লোইয়্যে, সে পরেন্দি যিহূদা-গুট্টিত্তুন্‌ মঅ বাবঅ বংশবোরে বেঈ নেযেয়্যে আর ইস্রায়েল উগুরে রাজা অবাত্তে তে হুজি ওইনে মঅ ভেইয়ূনো ভিদিরেত্তুন্‌ মরে বেঈ লোইয়্যে।

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 55:4

চাহ্, মুই তারে জাদ্‌তুনো ইদু এক্কো সাক্ষী, এক্কো নেতা আর তারার্ সেনাপতি ইজেবে নেযেয়োং। ‍‌‌‍‍‍

যিরমিয় 11:14

এ মানুচ্চুনোত্তে তুই কনঅ তবনা ন-গুরিচ্ বা তারাত্তে কনঅ কোজোলী ন-গুরিচ্, কিত্তে তারার দুঘোর্ সময় তারা মরে ডাগিলে মুই ন-শুনিম।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 6:30

তারারে কুয়ো অয় এলাফেলা গোজ্যে রূবো, কিত্তে মুই লগেপ্রভু তারারে ফেলেই দুয়োং।”

যিরমিয় 7:16

লগেপ্রভু কোইয়্যেদে, “এ মানুচ্চুনোত্তে তুই কনঅ তবনা ন-গুরিচ্, বা তারাত্তে কানাকুদি বা কনঅ বিশেষ কোজোলী ন-গুরিচ্; মইধু কনঅ মিনতিয়ো ন-জানেবে, কিত্তে মুই তঅ কধা ন-শুনিম।

সখরিয় 4:14

সেক্কে তে কলঅ, “সেই দ্বিবে অলঅ সেই দ্বিজন যিগুনে পুরো দুনিয়েগান প্রভুর সেবা গুরিবাত্তে অভিষিক্ত ওইয়োন।” ‌‌

রোমীয় 15:12

আরঅ যিশাইয় কোইয়্যেদে, যিবে যিশয়র গড়াগান্ তে এবঅ, বেক্ জাদ্‌তুনোরে শাসন গুরিবাত্তে তে থিয়্যেব। তা উগুরে বেক্ জাদর্ মানুচ্চুনোরে আজা রাগেব।

ইব্রীয় 11:32

ইয়েনত্তুন্ বেশ্ মুই আর কি কোম? গিদিয়োন, বারক, শিম্‌শোন, যিপ্তহ, দায়ূদ, শমূয়েল আর ভাববাদীগুনোর্ কধা কবার্ সময় মর্ নেই।

১ যোহন 5:16

যুনি কেঅ তা ভেইয়োরে এন্‌ গুরি পাপ গত্তে দেগে যিয়েন মরেদে ধোক্ক্যেন নয়, মাত্তর্ তে গোজেন ইধু মাগি চেবঅ আর সেক্কে তে তারে বাজেই রাগেব। মুই ইয়েনত্ তারা কধা কঙর্ যিগুনে পাপ গত্তন্ অদচ তারার্ পাপ্পানি মরেদে ধোক্ক্যেন নয়। মাত্তর্ মরেদে ধোক্ক্যেন পাপ্অ আঘে। সে পৌইদ্যেনে কোজোলি গুরিবার কধা মুই তমারে ন-কঙর্।

১ শমূয়েল 10:1

সে পরেন্দি শমূয়েলে এক্কো তেলর শিঝিরি নেযেইনে শৌলর মাদাবো উগুরে তেল ঢালি দিলো। তে তারে গালত্‌ চুমিনে কলঅ, লগেপ্রভু তা মানুচ্চুনো উগুরে তরে নেতা ইজেবে অভিষেগ্ গুরিলো।

১ শমূয়েল 15:11

“শৌলরে রাজা বানানা মর্‌ দুঘোর্ বেপার্ ওইয়্যে, কিত্যে তে মত্তুন্‌ সুরি যেয়েগোই আর মর্‌ উগুমান অমান্য গোজ্যে।” এই কধাগান শুনিনে শমুয়েলে তাদি উদিলো আর পুরো রেত্তো তে লগেপ্রভুর ইদু কানাকুদি গরা ধুরিলো।

১ শমূয়েল 15:23

উল্লোমি গরানা আর যাদু-মন্ত্রর কাম গরানা এক্কুই পাপ; অবাধ্য অনা আর মূত্তি পূজোনা এক্কুই অন্যেয়। তুই লগেপ্রভুর উগুম এলাফেলা গোজ্যস্‌ সেনত্তে তেয়ো তরে রাজা ইজেবে এলাফেলা গোজ্যে।”

১ শমূয়েল 15:26

মাত্তর্‌ শমূয়েলে তারে কলঅ, “মুই তঅ সমারে ন-যেম্‌। তুই লগেপ্রভুর উগুম এলাফেলা গোজ্যচ্‌ সেনত্তেই লগেপ্রভুয়ো তরে ইস্রায়েলীয়গুনোর রাজা ইজেবে এলাফেলা গোজ্যে।”

১ শমূয়েল 15:35

শমূয়েলে যেদকদিন বাঁজি এলঅ সেদকদিন তে শৌল সমারে আর দেগা ন-গরে। ইস্রায়েলীয়গুনো উগুরে শৌলরে রাজা গরানাগান লগেপ্রভুর দুঘোর্ বেপার ওইয়্যে বিলি শমূয়েলে তাত্তে দুঃখো গুরিলো।

১ শমূয়েল 16:15

সিয়েন দেগিনে শৌলর কামগুরিয়েগুনে তারে কলাক্, “গোজেনর ইত্তুন্‌ এক্কান ভান্ন্যেই আত্মা এইনে তরে অমহদ দর্‌বুগ্ দেগার্‌।

১ শমূয়েল 16:23

গোজেন ইত্তুন্‌ যেক্কে সেই ভান্ন্যেই আত্মাগান শৌল উগুরে এদঅ সেক্কে দায়ূদে তার বিণাবো বাজেদ। সেক্কে শৌলর গম্‌ লাগিদো আর তে শান্তি পেদঅ, আর সেই ভান্ন্যই আত্মাগানেয়ো তারে ছাড়িনে যেদগোই।

১ শমূয়েল 17:12

দায়ূদোর বাপ্পো যিশয় যিহূদা চাগালাত্‌ ইফ্রাথ, অত্তাদ্‌ বৈৎলেহম আদামত্‌ বজত্তি গুরিদো। তার আস্‌তোবো পূঅ এলাক্। শৌলর রাজাগিরি গুরিবার অক্তত্‌ তে বুড়ো ওই যেইয়্যে।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”