১ শমূয়েল 15:8 - Chakma Bible

⁸ তে অমালেকীয়গুনোর রাজা অগাগরে জেদাবাদে ধুরিলো আর অন্য বেক্কুনোরে মারে ফেলেল।

১ শমূয়েল 15:8 Iomraidhean Croise

১ রাজাবলী 20:30

বাদবাগি সৈন্যগুনে অফেকত্‌ ধেই গেলাক্‌ আর সিদু তারার্‌ সাতেশ আজার সৈন্য উগুরে দেবাল্‌ ভাঙি পুরিলো। বিন্‌হদদে সিদু ধেই যেইনে ঘরঅ ভিদিরে ইক্কো গুদিত্‌ পৌল্যেই রলঅ।

১ বংশধর 4:43

আগেন্দি অমালেকীয়গুনোর কিজু মানুচ্‌ সেয়ীরোত্‌ ধেই এইনে সিদু বজত্তি গুরিলাক্‌। শিমিয়োনীগুনোর সে মানুচ্চুনোরে মারে ফেলেইনে সিদু বজত্তি গরা ধুরিলাক্‌। শিমিয়োনীয়গুনে সে মানুচ্চুনোরে মারে ফেলেইনে সিদু বজত্তি গরা ধুরিলাক্‌। এজঅ সং তারা সিদু বজত্তি গত্তন্‌।

ইষ্টের 3:1

এ ঘটনাগানর পরেন্দি রাজা অহশ্বেরশে অগাগীয় হম্মদাথার পূঅ হামনরে রেজ্যর অন্য দাঙর্ পোজিশনর্ মানুচ্চুনোত্তুন্‌ বেশ্‌ দাঙর্‌ পোজিশন্ দিইনে সর্মানিত গুরিলো।

লেবীয় 27:29

যুনি কনঅ মান্‌জ্যরে লগেপ্রভুর নাঙে ভস্তর্ অভিশাবর্‌ তলে বিলি ফগদাঙ্‌ গরা অয় সালে তারে ছড়েই নেযানা ন-চলিবো, তারে মারে ফেলা পুরিবো।

গণাণা 24:7

বুয়োদে গুয়োড় কুমোত্তুন্‌ পানি উগুরি পরিবো, তারার্‌ বিঝিগুনে বোউত্‌ পানি পেবাক্। তারার্‌ রাজাবো অবঅ অগাগরত্তুন্‌ বেশ্‌ দাঙর্‌, তারার্‌ রেজ্যগান্‌ মহিমায় বোউত্‌ অজলত্ থেবঅ।

যিহোশূয় 10:39

তারা সে শঅ‌রান, তার্‌ রাজাবো আর আদামানি গজক্ গুরি নেযেইনে সে জাগার বেক্কুনোরে মারে ফেলেল। তারা সে জাগার বেক্‌ জেদা পরাণবলাগুনোরে এক্কুবারে শেজ্‌ গুরি দিলাক্। যিহোশূয় কাররে বাঁজেই ন-রাগেল; তে লিব্‌না আর সে রাজাবো আহ্‌ হিব্রোণর অবস্থা যেধোক্ক্যেন্‌ গোজ্যে দবীর আর তার রাজাবোর অবস্থায়ো সেধোক্ক্যেন্‌ গুরিলো।

যিহোশূয় 11:12

যিহোশূয় বেক্‌ রাজাগুনোর্‌ শঅ‌রানি গজক্ গুরি নিইনে সিদুগোর্ রাজাগুনোরে বন্দী গুরিলো। তে সেই রাজাগুনোরে আর সিদুগোর্ মানুচ্চুনোরে মারে ফেলেল। লগেপ্রভুর চাগর্‌ মোশির উগুম মজিম তে তারারে এক্কুবারে ভস্ত গুরি দিলো।

যিহোশূয় 8:23

মাত্তর্ অয় শঅরর্‌ রাজাবোরে তারা জেদা অবস্থায় ধুরিনে যিহোশূয় ইদু নেযেলাক্‌।

১ শমূয়েল 15:20

শৌল কলদে, “মাত্তর্‌ মুই দঅ লগেপ্রভুর উগুমান পালেয়োং। যে কামত্‌ লগেপ্রভু মরে পাদেয়্যে মুই সেই কামান্‌ গোজ্যং। মুই অমালেকীয়গুনোরে এক্কুবারে শেজ্‌ গুরি দুয়োং আর তারার রাজাবো অগাগরে ধুরিনে আন্যং।

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”

১ শমূয়েল 22:19

সে পরেন্দি তে ধর্মগুরুগুনোর আদাম নোবর উগুরে আক্রমণ চালেইনে সিদুগোর্ মিলে-মরদ, ঝি-পূঅ-চিগোন চিঝি, গোরু-গাধা-ভেড়া বেক্কুন শেজ্‌ গুরি দিলো।

১ শমূয়েল 30:1

দায়ূদে তা মানুচ্চুনোরে নেযেইনে তিন দিনোত্‌ সিক্লগত্‌ যেইনে লুমিলো। মাত্তর্‌ এ ভিদিরে অমালেকীয়গুনে নেগেভত্‌ পলেষ্টীয়গুনোর চাগালাত্‌ আর সিক্লগত্‌ লুদেয়োন্‌। তারা সিক্লগ্‌কান্ আক্রমণ গুরিনে পুড়ি ফেলেই দিইনে সিদুুগোর্‌ বেক্‌ মিলেগুনোরে আর চিগোন-দাঙর্‌ বেক্কুনোরে বন্দী গুরি নেযেয়োন। মাত্তর্‌ কনজনরে তারা মারেই ন-ফেলান, বানা ফিরি যেবার্‌ অক্তত্‌ তারা সমারে নেযেলাক্।