১ শমূয়েল 15:30 - Chakma Bible

³⁰ শৌলে কলঅ, “মুই পাপ গোজ্যং; তো মর্‌ কোজোলীগান্ ইয়েন, মঅ জাদর্‌ বুড়ো নেতাগুনো ইদু আর ইস্রায়েলীয়গুনোর মুজুঙোত্‌ মর্‌ সর্মানান্‌ রাগঅ। মুই যেনে তর্‌ গোজেন লগেপ্রভুর উবোসনা গুরি পারং সেনত্তেই তুই মঅ সমারে আদিচ্‌।”

১ শমূয়েল 15:30 Iomraidhean Croise

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

যাত্রা 9:27

ফরৌণে সেক্কে মোশি আর হারোণরে ডাগি আনিনে কলঅ, “এবেরা মুই পাপ কাম গোজ্যং। লগেপ্রভু ঠিগ্ কামান্‌ গোজ্যে। মুই আর মঅ মানুচ্চুনে দুষী।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

যোহন 12:43

তারা গোজেনত্তুন্ বাঈনী পানাত্তুন্ মান্‌জ্যত্তুন্ বাঈনী পানাগান্ বেশ্ গম্ পেদাক্।

যোহন 5:44

তুমি একজন অন্যজনত্তুন্ বাঈনী পেবার্ আজা গরঅ, মাত্তর্ যে বাঈনীগান্ বানা গোজেনত্তুন্ পাহ্-যায় সিয়েনর্ চেট্ট্যায়ো ন-গরঅ। ইয়েনর্ পরেদি তুমি কিবাবোত্যেগুরি বিশ্বেজ্ গুরি পারঅ?

২ তীমথিয় 3:5

বারেদি চেঙারাগান দেগিনে মনে অবঅ যেন গোজেনরে তারা কত্তমান ভোক্তি গরন, মাত্তর্ আজলে গোজেন ভোক্তির্ খেমতাগানরে তারা অস্বিগের্ গরন্। এবাবোত্যে মানুচ্চুনোত্তুন্ দূরোত্ থেইস্।

১ শমূয়েল 15:31

সেনত্তেই শমূয়েলে শৌল সমারে গেলঅ আর শৌল লগেপ্রভুর উবোসনা গুরিলো।

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”