১ শমূয়েল 15:3 - Chakma Bible

³ ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”

১ শমূয়েল 15:3 Iomraidhean Croise

পত্থম 36:12

এষৌ পুয়ো ইলীফসর তিম্না নাঙে এক্কো লাঙনি এলঅ। তা পেদত্‌ অমালেকর জর্ম ওইয়্যে। ইগুন বেক্কুন এষৌর মোক্‌ আদার নাদিন্।

২ শমূয়েল 1:8

তে মরে পুযোর্‌ গুরিলো, ‘তুই কন্না?’ জোবত্‌ মুই কলুং, ‘মুই এক্কো অমালেকীয়।’

যাত্রা 17:14

ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

গণাণা 24:20

অমালেকীয়গুনোরে দেগিনে বিলিয়মে গোজেনর্‌ দিয়্যে এ কধাগান কুয়ো ধুরিলো: “বেক্‌ জাদ্‌তুনো ভিদিরে অমালেকীয়গুনে দাঙর্ এলাক্‌, মাত্তর্‌ ভস্ত ওইনে শেজ্ অবাক্।”

গণাণা 31:17

ইক্কিনে তুমি এই বেক্‌ পূঅগুনোরে আর যিগুনে গাবুজ্যে মিলে নয় এধোক্ক্যেন বেক্‌ মিলেগুনোরে মারে ফেলঅ;

যিহোশূয় 10:39

তারা সে শঅ‌রান, তার্‌ রাজাবো আর আদামানি গজক্ গুরি নেযেইনে সে জাগার বেক্কুনোরে মারে ফেলেল। তারা সে জাগার বেক্‌ জেদা পরাণবলাগুনোরে এক্কুবারে শেজ্‌ গুরি দিলাক্। যিহোশূয় কাররে বাঁজেই ন-রাগেল; তে লিব্‌না আর সে রাজাবো আহ্‌ হিব্রোণর অবস্থা যেধোক্ক্যেন্‌ গোজ্যে দবীর আর তার রাজাবোর অবস্থায়ো সেধোক্ক্যেন্‌ গুরিলো।

১ শমূয়েল 14:48

তে বীরো ধোক্ক্যেন যুদ্ধো গুরিনে অমালেকীয়গুনোরে ওদেই দিইনে লুদেয়্যেগুনোর আঢত্তুন্‌ ইস্রায়েলীয়গুনোরে রোক্ষে গোজ্যে।

১ শমূয়েল 15:18

তে তরে এক্কান কামত্‌ পাদেয়্যে আর কোইয়্যেদে, ‘তুই যেইনে সেই পাপীগুনোরে, অত্তাৎ অমালেকীয়গুনোরে এক্কুবারে শেজ্‌ ন-অনা সং তারা সমারে যুদ্ধো গুরিবে।’

১ শমূয়েল 15:9

মাত্তর্‌ শৌল আর তার সৈন্যগুনে অগাগরে বাঁজেই রাগেলাক্ আর অমালেকীয়গুনোর গম্‌ গম্‌ গোরুগুন, ভেড়াছাগলুন, পক্তা-মক্তা গোরুছঅগুন আর ভেড়াছাগল ছঅগুন, এক কধায় তারার যিয়েনি গম্‌ এলঅ সিয়েনি তারা বাঁজেই রাগেলাক্। সিয়েনিরে ভস্ত গুরি দেদে তারা রাজী ন-অলাক্, মাত্তর্‌ অকেজো আর পিড়েদোজ্যেগুনোরে তারা এক্কুবারে শেজ্‌ গুরি দিলাক্।

১ শমূয়েল 22:19

সে পরেন্দি তে ধর্মগুরুগুনোর আদাম নোবর উগুরে আক্রমণ চালেইনে সিদুগোর্ মিলে-মরদ, ঝি-পূঅ-চিগোন চিঝি, গোরু-গাধা-ভেড়া বেক্কুন শেজ্‌ গুরি দিলো।

১ শমূয়েল 27:9

দায়ূদে যেক্কে কনঅ চাগালা আক্রমণ গুরিদো সেক্কে সে জাগার্‌ মিলে-মরদ বেক্কুনোরে মারে ফেলেদ আর তারার্‌ ভেড়া, গোরু, গাধা, উট, আর কাবড়-চুগোড় লোই আনিদো। যেক্কে তে আখীশর ইদু ফিরি এদঅ সেক্কে আখীশে পুযোর্‌ গুরিদো, “এচ্চ্যে কুদু লুদেবাত্তে যেইয়ো?” জোবত্‌ দায়ূদে কলঅ, তে নেগেভ যিহূদা চাগালার্‌ বা যিরহমেলীয়গুনোর চাগালাত্‌ বা কেনীয়গুনোর চাগালাত্‌ যেইয়্যে।

১ শমূয়েল 30:17

দায়ূদে সেদিন্যে বেল্যেত্তুন্‌ ধুরি আরাম্ভ গুরিনে তারকেল্যে সাজোন্যে সং তারার্‌ লগে যুদ্ধো গুরিলো। তারা ভিদিরেত্তুন্‌ কনজনে রোক্ষ্যে ন-পেলাক্, বানা চেরশত্‌ গাবুজ্যে উদোর্‌ পিদিত্‌ গুরিনে ধেই গেলাক্‌।