১ শমূয়েল 14:23 - Chakma Bible

²³ এধোক্ক্যেনগুরি লগেপ্রভু সেদিন্যে ইস্রায়েলীয়গুনোরে উদ্ধোর্ গুরিলো, আর বৈৎ-আবন পার ওইনেয়ো যুদ্ধো গরা ধুরিলাক্।

১ শমূয়েল 14:23 Iomraidhean Croise

২ রাজাবলী 14:27

লগেপ্রভুর আওজ ন-এলঅ, আগাজ তলেত্তুন্‌ ইস্রায়েলর নাঙান্‌ তে পুজি ফেলেব। সেনত্তে তে যিহোয়াশর পুয়ো যারবিয়ামর মাধ্যমে তারারে উদ্ধোর্‌ গুরিলো।

১ বংশধর 11:14

মাত্তর্‌ সে তিন্নো বীরে ক্ষেদ সংমোধ্যে যেইনে থিয়্যেলাক্‌। তারা সে ক্ষেত্‌তান রোক্ষ্যে গুরিলাক্‌ আর পলেষ্টীয়গুনোরে শেজ্‌ গুরি দিলাক্‌। সেদিন্যে লগেপ্রভু তারারে রোক্ষ্যে গুরিলো আর জিদেই দিলো।

২ বংশধর 32:22

এধোক্ক্যেন গুরিনে লগেপ্রভু আসিরিয়ার রাজা সন্‌হেরীব আর অন্য বেক্কুনো আঢত্তুন্‌ হিষ্কিয়রে আর যিরূশালেমর মানুচ্চুনোরে রোক্ষ্যে গুরিলো। তে বেক্কানিন্দি তারারে দোলেডালেই রাগেল।

যাত্রা 14:30

লগেপ্রভু এধোক্ক্যেনগুরি সেদিন্যে মিসরীয়গুনোর্ আঢত্তুন্‌ ইস্রায়েলীয়গুনোরে উদ্ধোর্‌ গুরিলো। ইস্রায়েলীয়গুনে মিসরীয়গুনোর্‌ মরাকিয়্যেনি বড়্‌‌গাঙর্‌ পারত্‌ পড়ি থাগদে দেগিলাক্‌।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

দ্বি’লম্বর বিররণ 20:4

শত্রুগুনো সমারে যুদ্ধো গুরিনে তমারে ঝিদেই দিবাত্তে তমার গোজেন লগেপ্রভুই তমা লগে লগে যার্‌।

যিহোশূয় 7:2

যিহোশূয় যিরীহোত্তুন অয় শঅ‌রত্‌ মানুচ্‌ পাদেল। সে শঅ‌রান এলদে বৈথেল শঅরর্‌ পূগেন্দি বৈৎ-আবন শঅরর্‌ কায়। সেই মানুচ্চুনোরে পাদেবার অক্তত্‌ তে তারারে কোই দিলো্‌, “তুমি যেইনে দেজ্‌চান গমেডালে চেই এজঅ‌।” সেনত্তেই মানুচ্চুনে যেইনে গুমুরোত্ অয় শঅরর্‌ হবর্ নিলাক্‌।

বিচের গুরিয়্যেগুন 2:18

লগেপ্রভু যেক্কে তারাত্তেই কনঅ শাজন্ গুরিয়্যে থিক্‌ গুরিদো সেক্কে তে তা সমারে থেদঅ। সে শাজন্ গুরিয়্যেবো যেদকদিন বাঁজি থেদঅ‌ সেদকদিন সং লগেপ্রভু শত্রুগুনোর আঢত্তুন্‌ ইস্রায়েলীয়গুনোরে রোক্ষ্যে গুরিদো। অত্যেচারীগুনোর আঢত্‌ যন্ত্রণা আর দুখ্‌ পেইনে তারা যেক্কে কানাকুদি গুরিদাক্‌ সেক্কে তারা উগুরে লগেপ্রভুর মেইয়্যে অদঅ‌।

১ শমূয়েল 10:19

শমূয়েলে আরঅ কলঅ, “মাত্তর্‌ তমার গোজেন, যিবে বেক্‌ দযা আর দুর্দজাত্তুন্‌ তমারে উদ্ধোর গোজ্যে, এচ্চ্যে তারেই তুমি এলাফেলা গরর্‌ আর কর্‌, ‘আমা উগুরে এক্কো রাজা নেযা।’ সেনত্তেই ইক্কিনে তুমি যে যার গুট্টি আর বংশ মজিম্ লগেপ্রভুর মুজুঙোত্‌ আঝিল্ অ।”

১ শমূয়েল 13:5

পলেষ্টীয়গুনে সেক্কে ইস্রায়েলীয়গুনোর লগে যুদ্ধো গুরিবাত্তে একলগে এগত্তর্‌ অলাক। তারা সমারে ত্রিশ আজার রথ এলঅ, ছয় আজার ঘোড়া উগুরে সৈন্য সাগর-পারর্ ধূল্যে-চড় ধোক্ক্যেন গুণি ন-পুড়েয়্যে বোউত্ সৈন্য। তারা বেক্কুনে বৈৎ-আবনর পূগেন্দি মিক্‌মসত্‌ তাম্বুলানি ফেলেলাক্।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”