১ শমূয়েল 14:19 - Chakma Bible

¹⁹ শৌল যেক্কে ধর্মগুরুগুনো সমারে কধা কোইয়্যে সেক্কে পলেষ্টীয়গুনোর তাম্বুলোত্‌ ঝাগুলুক্‌ চলের্‌ আর সিয়েন বেজত্তুন্‌ বেশ্‌ অর্‌। সেনত্তেই শৌল ধর্মগুরুবোরে কলদে, “থাক্‌, ন-লাগিবো।”

১ শমূয়েল 14:19 Iomraidhean Croise

গীতসংহিতা 106:13

মাত্তর্ তা কামানির কধা যাদিমাদি ভুলি গেলাক্; তারা তার সল্লা গুরিবাত্তে বাজ্জেই ন-থেলাক্।

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

গণাণা 27:21

তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

যিহোশূয় 9:14

ইস্রায়েলীয়গুনে তারার হানানি নেযেইনে চেলাক্‌ ঠিগ্ মাত্তর্‌ লগেপ্রভুর মতামত্তান্‌ পুজোর্‌ ন-গুরিলাক্‌।

১ শমূয়েল 13:11

শমূয়েলে তারে কলঅ, “তুই ইয়েন কি গোজ্যস্‌?” জোবত্‌ শৌল কলঅ, “মুই দেগিলুঙে, মানুচ্চুনে মঅ মুজুঙেত্তুন আঢি যাদন্‌ আর ঠিগ্ সময়োত্‌ তুইয়ো ন-এলে, আরঅ পলেষ্টীয়গুনেয়ো ইন্দি মিক্‌মসত্‌ এইনে এগত্তর্‌ ওইয়োন।

১ শমূয়েল 14:20

সে পরেন্দি শৌল আর তার বেক্‌ সৈন্যগুনে যুদ্ধোর ডাগে সাড়া দিইনে এগত্তর্‌ ওইনে যুদ্ধো গুরিবাত্তে গেলাক্। তারা দেগিলাক্, পলেষ্টীয়গুনে একজনে আরেকজন উগুরে তলোয়ার চালার্‌ আর তারা ভিদিরে অমহদ ঝাগুলুক্‌ দেগা দিয়্যে।

১ শমূয়েল 14:24

সে দিন্নো ইস্রায়েলীয়গুনোর অমহদ দুঘে কাদিলো, কিত্যে শৌল তারারে দিইনে এক্কান শমক্‌ গুরি নেযেয়্যে, তে সাজোন্যের্ আগেন্দি সং, শত্রুগুনো উগুরে হেনা ন সুজোনা সং যুুদি কেঅ কিজু খায় সালে তা উগুরে যেনে অভিশাব পড়ে। সেনত্যে সেদিন্যে মানুচ্চুনে কেঅ কিচ্ছু ন খান্।

১ শমূয়েল 30:7

দায়ূদে সেক্কে অহীমেলকর পূঅ দাঙর্‌ ধর্মগুরু অবিয়াতররে কলঅ, “এফোদ্‌তো মইদু আন।” সিবে আনানার্‌ পরেন্দি দায়ূদে লগেপ্রভুরে পুযোর্‌ গুরিলো, “মুই সেই আক্রমণগুরিয়্যে দলর্‌ পিজেন্দি লোড়েম্‌? গুরিলে কি তারারে ধুরি পারিবে?” জোবত্‌ লগেপ্রভু কলদে, “অয়, লড়া। তুই হামাক্কায় তারারে ধুরি পারিবে আর বেক্কুনোরে উদ্ধোর্ গুরি পারিবে।”